الموضوع: ((فوق كل ذِي علم عليم حوار خاص بفيرنتي))

المشاركة الأصلية كتبت بواسطة verna2008auto

السلام عليكم ورحمه الله وبركاته

بعد كل خير وسلامه لاصدقائي في المنتدي

انا النهارده ها اتكلم عن موضوع خاص بتشخيص عطل في الفيرنا الاوتوماتك بتاعتي
وليس له علاقة بتشخيص جيد او تشخيص سيء
هوا فقط لتوضيح عنوان الموضوع ان ( فوق كل زى علم عليم ) يعني لا يوجد احد عنده العلم كله الا الله

ندخل في الموضوع
من فترة حوالي 3 اشهر كانت الاعراض التالية للفيرنا الاوتو

العرض بيحصل (( عشوائي )) يعني مره ايوة ومره لا
كانت عند سرعات متفاوته في نقلة من النقلات بين الاولي والتانيه
بين التالته والرابعه ((( نتشه مخيفة ))

وتشعر ان زي ما يكون حد بيثبت العربية وهيا ماشية او دست فرامل جامده وبعد كده تسيب الفرامل بسرعه وبيأثر علي سرعتها

طبعا بالنسبة للاوتوماتك المفروض ما تحسش اصلا بنقلاتها الاربعه

المهم .. جه في مخيلتي التالي
1- حاجه ليها علاقة بزيت الفتيس
2-حاجه ليها علاقة بالفتيس

فا زهبت لاحدي المراكز لتحليل العطل

استقبلني المهندس صاحب المركز وتفضل مشكورا ركب العربية وجربها معايا وكان باله طويل الصراحه ..

المهم فعلا عملتها معاه وكررت الموضوع ده (( النتشة المخيفة ))

المهم قالي ان ضرورى تغير الزيت الخاص بالفتيس وفعلا غيرناه ولغاية دلوقتي بعاني من ان تم وضع ال 3 لترات بالكامل في الفتيس ..
لان المفروض الكمية (( 2.6 لترات )) عشان ما يخرجش الباقي من الفايظ بتاع الزيت فوق سطح الفتيس ..

وقلتله بالمره ننضف او نغير حساس الفتيس .. قالي وماله
المهم بدات رحله شراء حساس ab الخاص بالفتيس .. وفعلا جبته وتم تركيبة

وتم تجربة العربية والنتيجه (( النتشة موجوده برده )) اصلها بتحصل عشوائي ..

((( اخيرا تم وضع السيارة علي جهاز الكمبيوتر للكشف عن الاعطال وخصوصا الكشف عن نقلات الفتيس )))

وكان الجهاز مش مبين غير عطل واحد لية علاقة بدائرة البنزين ...!!!!!

كان تفسير المهندس صاحب المركز (( الفتيس يا عاصم جاب اخرة )) سيبة كده وبعد ما يبوظ خالص لاقدر الله نغيرهولك ...!!!!!

مشيت من المركز وانا (( في صحه نفسية سيئه للغاية ))

وعرفت ان كده الحكم بالاعدام علي الفتيس بتاعي (( لاعتقادي ان تشخيص المهندس دة هوا التشخيص الوحيد والسليم )) وانه الخبير الوحيد اللي بيشتغل ويصلح في نوع العربيات دي ....

طبعا ما استسلمتش ...

رحت لمركز تاني اقل او مكافيء لمركز الصيانه الاول وعرضت المشكله علي (( الراجل اللي جرب العربية معايا ))
وقلتله علي التغييرات اللي انا غيرتها

كان ردة كالتالي ..
ان انا استعجلت في الحكم وخدت رأي واحد فقط .. وان ماكانش لية لازمه تغيير الحساسات ولا المصاريف اللي اندفعت

الراجل ركب العربيه معايا وساقها حوالي 5 دقائق ..ولاقيته وقف بيها فجأة وفتح كبوت العربية
بعد ما لفت نظرة ان من فتره تم تنضيف ال (( 4 انجيكشنز )) حواقن للبنزين

وكانت النتيجه .. ان كان فية جاك كهرباء داخل علي بوجيه (( ماكنش راكب الجاك كويس في مكانه ))

خلاني انا اللي اركبة في مكانه وسمعت التكه بتاعت التعشيقة بتاعته

وجربنا العربية
والنتيجه ((((( راحت النتشة الي الابد ))))):s_thum1[1]:

وكان العطل ان كانت العربية ب (( تتلت )) وانا ماشي بيها .. يعني تشتغل علي 3 بوجيهات فقط وتسيب الرابع لان كان الجاك بتاعة هربان!!!!

واتحلت المشكله تماما ..

حبيت انقل التجربة لكل الناس عشان يمكن حد يستفيد
والحكم يبقي من اكتر من مصدر
والله علي ما اقول شهيد

هو حضرتك بتتكلم عليا يا استاذ عاصم ؟؟