الموضوع: عيب مستفز جدا فى البيرسونا

على فكرة انا شايفها ميزة ، خصوصاً فى الصيف ، لما تركن فى ناس بتفتح الشباك حاجة بسيطة علشان الحر وممكن الزجاج بتاع العربية يتأثر ، وممكن حرامي مبتدئ يجرب يسرق كاسيت ولا اى حاجة لما يشوف جزء صغير من الشباك مفتوح .

فكدة انا شايف انه أحسن لنا انها بتفتح اتوماتيك للهواء الخارجي اول ما تبطل العربية .

انا اتعودت لما اشغل التكييف اقفل الدايرة ، من غير تكييف بسيبها مفتوحة.

شكراً ياباشا ، ان شاء الله هعمل بنصيحتك :).

المشاركة الأصلية كتبت بواسطة neejm

منصحكش تعمل كده لان كده انتا بيستخدم الفلتر بتاع التكييف اكتر من الازم بسبب التراب اللي بيدخل عليه من برا هيبوظو اسرع و كمان سخونية الموتور في الزحمه لا تطاق صيفا ولا شتاء :)

لاحظت فى الموضوع كله ان تقريبا اللى مدايقك ان العمر الافتراضى للفلتر حيقل :)
ياراجل انت بتتكلم فى اية وعيب اية ؟ بقا دة عيب دة بزمتك ؟ دة انت طيب اوى
وبعدين فلتر تكييف اية اللى مزعلك اوى كدة يباشا دة مرمى فى اى حتة وكدة كدة ورق وبيبوظ يعنى مش مشكلة :)
ياراجل كبر مخك (مبارك ستايل :))

المشاركة الأصلية كتبت بواسطة neejm

لا انا ركبت عربيات تانيه غير البروتون مفيهاش الكلام دا لان المفروض البوابه بتاعت الهوا الخارجي تفضل مقفوله حتي لو طفيت ودورت العربيه اول مره اشوفها في العربيه ديه وعلي فكره مش قصه فلتر بس هيا زي منتا فاهم الاساس في الموضوع اللي انا كاتبه لو كنت اخدت باللك منه ان حرارة الموتور في الزحمه بتدخلك المقصوره الداخليه واي روايح كريهه من برا ودا مش منطقي وانا شخصيا بعتبره عيب لان معظم العربيات مفهاش دا فهو عيب في تصنيعهم

فعلا هوة عيب تصنيع :(

المشاركة الأصلية كتبت بواسطة neejm

لا انا ركبت عربيات تانيه غير البروتون مفيهاش الكلام دا لان المفروض البوابه بتاعت الهوا الخارجي تفضل مقفوله حتي لو طفيت ودورت العربيه اول مره اشوفها في العربيه ديه وعلي فكره مش قصه فلتر بس هيا زي منتا فاهم الاساس في الموضوع اللي انا كاتبه لو كنت اخدت باللك منه ان حرارة الموتور في الزحمه بتدخلك المقصوره الداخليه واي روايح كريهه من برا ودا مش منطقي وانا شخصيا بعتبره عيب لان معظم العربيات مفهاش دا فهو عيب في تصنيعهم

طيب مبدئيا ده تصميم ,,,,,,, فممكن تقول ان طريقة التصميم دي مش عاجباك
إنما عيب تصينع معناه أن الصناعة ردئية أو معيبة .
هناك فرق

المشاركة الأصلية كتبت بواسطة mido_soliman

فعلا هوة عيب تصنيع :(

المشاركة الأصلية كتبت بواسطة mramzy

على فكره فى الماتركيس برضه
بس انا شايف انه مفيد جدا علشان لما تركن فى الشمس وناسى تفتح تهويه الزجاج مش ينفجر او يسرطن

السبب ده هو السبب الرئيسي لتصميم التكييف كدة فعلا

وعلى فكرة المرسيدس كدة كمان

المشاركة الأصلية كتبت بواسطة neejm

منصحكش تعمل كده لان كده انتا بيستخدم الفلتر بتاع التكييف اكتر من الازم بسبب التراب اللي بيدخل عليه من برا هيبوظو اسرع و كمان سخونية الموتور في الزحمه لا تطاق صيفا ولا شتاء :)

هو عموما لو انت مش مشغل التكييف يبقى مافيش هواء هايدخل من برة لجوة إلا إذا كنت مشغل المروحة ... وطالما مش مشغل المروحة يبقى مش هايفرق معاك الدائرة مغلقة ولا مفتوحة .. لأن أكيد هاتكون فاتح زجاج الأبواب ... واستحالة تحس بالنسبة الضئيلة جدا من الهواء اللى بتدخل من الهايات وانت مش مشغل المروحة

طالما شغلت التكييف يبقى اتوماتيك بعد ما تدوس على زرار التكييف تدوس على الزرار بتاع غلق الدائرة

الموضوع ده كان مدايقني جدا في الأول فعلا أول ما جربته في كذا عربية .. بس اتعودت عليه بعد كدة