عيب مستفز جدا فى البيرسونا

السلام عليكم
دلوقتى انا معايا بيرسونا 2012 بعاني من حاجه ممله جدا و اكتشفت انها فى كل العربيات مش عندي انا بس.. ان الزرار بتاع فتحت التهويه بتاعت التكييف اللى بيخلى تقليب الهواء داخلى او من الخارج دا بيقفل مع الكونتكت و لازم كل مره للاسف تدوس عيله بايديك و طبعا انتا ممكن تطفى العربيه و تشغلها اكتر من مره فى الطريق لو بتشتري حاجه من كذا محل و لا حاجه طبعا انتا مش هتاخد بالك انك نسيت تدوسه تانى غير لما تلاقى حراره العربيه كلها داخله من فتحات التهويه بتاعت التكييف .. دا غير ان دخول الهواء من برا العربيه اصلا محمل بالاتربه و شوائب و لو مشغل تكييف بيقلل قوة المروحه او البلاور الداخلى و بيدخلك روائح العوادم السيئه من خارج العربيه
طبعا جل من لا يسهو عشان كده هما فى اى عربيه طالما عملته مره ميفصلش مهما اتطفت العربيه و اشتغلت بيفضل شغال مش بيفصل الا اذا انتا اللى فصلته بايدك
و للعلم بردو انا سالت على الحكايه ديه اول ماشريت العربيه مهندس الصيانه الكبير في السن اللى جوه انا مش متذكر اسمه قالي هيا العربيه ديه كده
انا مجرب الساجا الموضوع دا مش فيها الزرار بتاع التهويه بيفضل شغال مش بيفصل مع الكونتكت
اسف على الاطاله فى الكلام لكن الموضوع ضايقني جدا و اتمني ان يكون ليه حل فيما بعد
شكرا جزيلا للاهتمامكم
والسلام عليكم و رحمة الله وبركاته

متقلقش ايديك هتتبرمج اول ما تركب العربيه هتلاقي تفسك قفلته لوحدك

ممكن تخلي كهربائي يعدلهالك لو مضايقك اوي

كان معايا في الأوكتافيا كدا وموجود في البيجو406 وهتلاقيه في كذا موديل (وبالأخص انظمة التكييف الديجيتال)
بيعتبروا إن الهواء لازم يتجدد في العربية (معندهومش تراب وهباب) وبيعتمدوا على وجود فلتر هواء نظيف.

طبعا مشكورين جميعا على الرد لكن انا نسيت اقولكم ان الموضوع دا بياثر على عمر الفلتر بتاع التكييف لان الهوا عندنا مليان تراب والتراب دا بيعدي على الفلتر يكتمه
والله يا استاذ احمد على انا اتعودت عليه لكن احيانا فى الطريق لما بركن العربيه فتره قصيره وارجع بنساه ومفتكرش غير لما صهد الموتور طالع فى وشى ههههههههه
bMYA والله هيا لسه فى الضمان تطلع من الضمان متهيالى لو عملت كده
BENMATAR التكييف عندى مش ديجيتال دا عادي من غير شاشه حتى

اقتباس:

---

المشاركة الأصلية كتبت بواسطة neejm

و اكتشفت انها فى كل العربيات

---

مش ف كل العربيات يا باشا
بس هو فعلا عيب ممل

مممم..شيء غريب
عندي في اابيرسونا بتاعتي مش كده بيفضل على وضعه مجرد مفتح التككيف لمبة الهوا بتنور
بس انا 2009

على فكره فى الماتركيس برضه
بس انا شايف انه مفيد جدا علشان لما تركن فى الشمس وناسى تفتح تهويه الزجاج مش ينفجر او يسرطن

سوري على المعلومة الخطأ
طلعت بدوس عليه بس مه التعود مبقتش اخد بالي

اقتباس:

---

المشاركة الأصلية كتبت بواسطة monamize4

مش ف كل العربيات يا باشا
بس هو فعلا عيب ممل

---

انا اقصد كل العربيات البيرسونا و الجين تو دا عن تجربه لموديلات قديمه و زيرو لسه

فعلا حتى في الجين 2013 معايا كدا برده...بس بقى هيا هتبقى تعود بس بصراحه انا الى الان مباخدش بالي غير لما بشم ريحه غريبه...اول مره اخدت بالي شميت ريحة شياط فكرت حاجه في العربيه ولما لقيت دخان من شكمان قدامي اطمنت الحمد لله :)

على فكرة انا شايفها ميزة ، خصوصاً فى الصيف ، لما تركن فى ناس بتفتح الشباك حاجة بسيطة علشان الحر وممكن الزجاج بتاع العربية يتأثر ، وممكن حرامي مبتدئ يجرب يسرق كاسيت ولا اى حاجة لما يشوف جزء صغير من الشباك مفتوح .

فكدة انا شايف انه أحسن لنا انها بتفتح اتوماتيك للهواء الخارجي اول ما تبطل العربية .

انا اتعودت لما اشغل التكييف اقفل الدايرة ، من غير تكييف بسيبها مفتوحة.

اقتباس:

---

المشاركة الأصلية كتبت بواسطة al-farooq

انا اتعودت لما اشغل التكييف اقفل الدايرة ، من غير تكييف بسيبها مفتوحة.

---

منصحكش تعمل كده لان كده انتا بيستخدم الفلتر بتاع التكييف اكتر من الازم بسبب التراب اللي بيدخل عليه من برا هيبوظو اسرع و كمان سخونية الموتور في الزحمه لا تطاق صيفا ولا شتاء :)

شكراً ياباشا ، ان شاء الله هعمل بنصيحتك :).

اقتباس:

---

المشاركة الأصلية كتبت بواسطة neejm

منصحكش تعمل كده لان كده انتا بيستخدم الفلتر بتاع التكييف اكتر من الازم بسبب التراب اللي بيدخل عليه من برا هيبوظو اسرع و كمان سخونية الموتور في الزحمه لا تطاق صيفا ولا شتاء :)

---

لاحظت فى الموضوع كله ان تقريبا اللى مدايقك ان العمر الافتراضى للفلتر حيقل :)
ياراجل انت بتتكلم فى اية وعيب اية ؟ بقا دة عيب دة بزمتك ؟ دة انت طيب اوى
وبعدين فلتر تكييف اية اللى مزعلك اوى كدة يباشا دة مرمى فى اى حتة وكدة كدة ورق وبيبوظ يعنى مش مشكلة :)
ياراجل كبر مخك (مبارك ستايل :))

اقتباس:

---

المشاركة الأصلية كتبت بواسطة mido_soliman

لاحظت فى الموضوع كله ان تقريبا اللى مدايقك ان العمر الافتراضى للفلتر حيقل :)
ياراجل انت بتتكلم فى اية وعيب اية ؟ بقا دة عيب دة بزمتك ؟ دة انت طيب اوى
وبعدين فلتر تكييف اية اللى مزعلك اوى كدة يباشا دة مرمى فى اى حتة وكدة كدة ورق وبيبوظ يعنى مش مشكلة :)
ياراجل كبر مخك (مبارك ستايل :))

---

لا انا ركبت عربيات تانيه غير البروتون مفيهاش الكلام دا لان المفروض البوابه بتاعت الهوا الخارجي تفضل مقفوله حتي لو طفيت ودورت العربيه اول مره اشوفها في العربيه ديه وعلي فكره مش قصه فلتر بس هيا زي منتا فاهم الاساس في الموضوع اللي انا كاتبه لو كنت اخدت باللك منه ان حرارة الموتور في الزحمه بتدخلك المقصوره الداخليه واي روايح كريهه من برا ودا مش منطقي وانا شخصيا بعتبره عيب لان معظم العربيات مفهاش دا فهو عيب في تصنيعهم

اقتباس:

---

المشاركة الأصلية كتبت بواسطة neejm

لا انا ركبت عربيات تانيه غير البروتون مفيهاش الكلام دا لان المفروض البوابه بتاعت الهوا الخارجي تفضل مقفوله حتي لو طفيت ودورت العربيه اول مره اشوفها في العربيه ديه وعلي فكره مش قصه فلتر بس هيا زي منتا فاهم الاساس في الموضوع اللي انا كاتبه لو كنت اخدت باللك منه ان حرارة الموتور في الزحمه بتدخلك المقصوره الداخليه واي روايح كريهه من برا ودا مش منطقي وانا شخصيا بعتبره عيب لان معظم العربيات مفهاش دا فهو عيب في تصنيعهم

---

فعلا هوة عيب تصنيع :(

اقتباس:

---

المشاركة الأصلية كتبت بواسطة neejm

لا انا ركبت عربيات تانيه غير البروتون مفيهاش الكلام دا لان المفروض البوابه بتاعت الهوا الخارجي تفضل مقفوله حتي لو طفيت ودورت العربيه اول مره اشوفها في العربيه ديه وعلي فكره مش قصه فلتر بس هيا زي منتا فاهم الاساس في الموضوع اللي انا كاتبه لو كنت اخدت باللك منه ان حرارة الموتور في الزحمه بتدخلك المقصوره الداخليه واي روايح كريهه من برا ودا مش منطقي وانا شخصيا بعتبره عيب لان معظم العربيات مفهاش دا فهو عيب في تصنيعهم

---

طيب مبدئيا ده تصميم ,,,,,,, فممكن تقول ان طريقة التصميم دي مش عاجباك
إنما عيب تصينع معناه أن الصناعة ردئية أو معيبة .
هناك فرق

اقتباس:

---

المشاركة الأصلية كتبت بواسطة mido_soliman

فعلا هوة عيب تصنيع :(

---

:36_1_34[1]:

اقتباس:

---

المشاركة الأصلية كتبت بواسطة mramzy

على فكره فى الماتركيس برضه
بس انا شايف انه مفيد جدا علشان لما تركن فى الشمس وناسى تفتح تهويه الزجاج مش ينفجر او يسرطن

---

السبب ده هو السبب الرئيسي لتصميم التكييف كدة فعلا

وعلى فكرة المرسيدس كدة كمان

اقتباس:

---

المشاركة الأصلية كتبت بواسطة neejm

منصحكش تعمل كده لان كده انتا بيستخدم الفلتر بتاع التكييف اكتر من الازم بسبب التراب اللي بيدخل عليه من برا هيبوظو اسرع و كمان سخونية الموتور في الزحمه لا تطاق صيفا ولا شتاء :)

---

هو عموما لو انت مش مشغل التكييف يبقى مافيش هواء هايدخل من برة لجوة إلا إذا كنت مشغل المروحة ... وطالما مش مشغل المروحة يبقى مش هايفرق معاك الدائرة مغلقة ولا مفتوحة .. لأن أكيد هاتكون فاتح زجاج الأبواب ... واستحالة تحس بالنسبة الضئيلة جدا من الهواء اللى بتدخل من الهايات وانت مش مشغل المروحة

طالما شغلت التكييف يبقى اتوماتيك بعد ما تدوس على زرار التكييف تدوس على الزرار بتاع غلق الدائرة

الموضوع ده كان مدايقني جدا في الأول فعلا أول ما جربته في كذا عربية .. بس اتعودت عليه بعد كدة

انا عندى فى الكروز كده برضه

الحل هو انك تطفى العربيه والتكييف شغال وات قافل جلب الهوا من الخارج

ولما تيجى تركب وتشغل تانى حتلاقى الوضع كما هو قبل ما تنزل من العربيه

اقتباس:

---

المشاركة الأصلية كتبت بواسطة hossam_elwani

انا عندى فى الكروز كده برضه

الحل هو انك تطفى العربيه والتكييف شغال وات قافل جلب الهوا من الخارج

ولما تيجى تركب وتشغل تانى حتلاقى الوضع كما هو قبل ما تنزل من العربيه

---

شكرااا هجرب يمكن تطلع زيها

اقتباس:

---

المشاركة الأصلية كتبت بواسطة d . A .\ ayman

السبب ده هو السبب الرئيسي لتصميم التكييف كدة فعلا

وعلى فكرة المرسيدس كدة كمان







هو عموما لو انت مش مشغل التكييف يبقى مافيش هواء هايدخل من برة لجوة إلا إذا كنت مشغل المروحة ... وطالما مش مشغل المروحة يبقى مش هايفرق معاك الدائرة مغلقة ولا مفتوحة .. لأن أكيد هاتكون فاتح زجاج الأبواب ... واستحالة تحس بالنسبة الضئيلة جدا من الهواء اللى بتدخل من الهايات وانت مش مشغل المروحة

طالما شغلت التكييف يبقى اتوماتيك بعد ما تدوس على زرار التكييف تدوس على الزرار بتاع غلق الدائرة

الموضوع ده كان مدايقني جدا في الأول فعلا أول ما جربته في كذا عربية .. بس اتعودت عليه بعد كدة

---

طبعا المرسيدس لو كانت كده مكنتش حطيت الموضوع اصلا لاني ركبت موديلات مرسيس قديم وجديد مفيش الكلام دا وحضرتك بقي زي محللتلنا مشكله التراب و بساطتها قولي مشكله السخونيه بتاعت الموتور و الروايح الكريهه ولا ديه كمان مش بتدخل .... مش عارف. ليه معظم عيوب العربيات البروتون الناس اللي بتركبها مبترضاش تعترف بيها لما حد يسالو لكنلما يروح التوكيل يقولهم هناك كل اللي في نفسه هههههههه انا اشتريت البيرسونا زيرو وهيا علي العموم عربيه كويسه مش ًو حشه لكن العربيه فيها ملاحظات وعيوب تقفيل و عيب فرامل في ناس زيي بتتبر دا في صناعه العربيات عدم خبره و دا لانها شركه ابتدت تصنع حديثا وارد وفي ناس تانيه بتحاول تبرر بس مش عارف ليه عالرغم من ان مواجهتم بالعيوب هيا اللي هتحسن من اداء الشركه وفي المنتدي هنا كمان مهم ان مالك العربيه او اهل الخبره اللي اتعامل معاها يكتب كل عيب وكل ميزه مرت عليه لان غيره اللي بيفكريجيب تكون الصوره واضحه قدامه ....

اقتباس:

---

المشاركة الأصلية كتبت بواسطة neejm

طبعا المرسيدس لو كانت كده مكنتش حطيت الموضوع اصلا لاني ركبت موديلات مرسيس قديم وجديد مفيش الكلام دا وحضرتك بقي زي محللتلنا مشكله التراب و بساطتها قولي مشكله السخونيه بتاعت الموتور و الروايح الكريهه ولا ديه كمان مش بتدخل .... مش عارف. ليه معظم عيوب العربيات البروتون الناس اللي بتركبها مبترضاش تعترف بيها لما حد يسالو لكنلما يروح التوكيل يقولهم هناك كل اللي في نفسه هههههههه انا اشتريت البيرسونا زيرو وهيا علي العموم عربيه كويسه مش ًو حشه لكن العربيه فيها ملاحظات وعيوب تقفيل و عيب فرامل في ناس زيي بتتبر دا في صناعه العربيات عدم خبره و دا لانها شركه ابتدت تصنع حديثا وارد وفي ناس تانيه بتحاول تبرر بس مش عارف ليه عالرغم من ان مواجهتم بالعيوب هيا اللي هتحسن من اداء الشركه وفي المنتدي هنا كمان مهم ان مالك العربيه او اهل الخبره اللي اتعامل معاها يكتب كل عيب وكل ميزه مرت عليه لان غيره اللي بيفكريجيب تكون الصوره واضحه قدامه ....

---

أنا مش ببرر على فكرة:10_9_133:

بس انا فكر إني ركبت إحدى موديلات المرسيدس سنة 2010 تقريبا وكان فيها القصة دي ... وماليش مصلحة إني أضحك عليك في نقطة زي دي يعني

حاجة كمان أكدتلي النقطة دي نفسها إني لما سألت المهندس عصام عن النقطة دي تحديدا لأنها كانت مضايقاني بالفعل .. قاللي إن ده الطبيعي بتاع معظم العربيات الجديدة وإن عربيته المرسيدس فيها نفس القصة .. ولما قالي كدة إفتكرت إني فعلا لما ركبت المرسيدس سنة 2010 كان فيها كدة بس أنا كنت ناسيها ... دي القصة مش أكتر

...

مشكلة السخونية بقى والروايح الكريهة .. دي حاجة طبيعية ووضحت ليه .. وقلت إن لوحضرتك مش مشغل التكييف فأكيد حضرتك هاتكون فاتح الشبابيك .. يبقى لو السخونية والروايح مادخلتش من فتحات التهوية هاتدخل من الشباك .. هاتفرق إيه بقى ساعتها

ولو مشغل التكييف يبقى كل اللى انت محتاجه إنك تتعود مع دوسة إيدك على زرار التكييف إنك تدوس على زرار الهوايات وتقفل دخول الهواء من برة مش أكتر

ومتقلقش من فلتر التكييف لأن هي دي وظيفته .. إنه يمنع دخول الأتربة مع الهواء بس مش هايقدر يمنع دخول الروايح كمان طبعا وتغييره من أسهل ما يكون .. وسعره لا يتعدى الـ 60 جنيه تقريبا وممكن الأصلي بتاعها يتغسل ويتحط تاني لعدد لا نهائي من المرات زي فلتر تكييف البيت بالضبط ... يبقى هاتقلق عليه

اقتباس:

---

المشاركة الأصلية كتبت بواسطة neejm

شكرااا هجرب يمكن تطلع زيها

---

للاسف جربت مطلعتش زي الكروا

انا برده كنت بشتكى من نفس الموضوع (برسونا 2013) بس بعد كده الموضوع بقه مجرد تعود انى ادور العربية وادوس على مفتاح قفل الهوايات علطول
لكن مع احترامى لكامك ان ده مش عيب فى تصنيع العربية لكن زى ما الاستاذ توت قال انه مجرد تصميم مختلف
ومتكبرش الموضوع يا باشا لما تتعو عليه هتلاقى الدنيا سهلة خالص ومفيش مشاكل