السلام عليكم انا قدامي عربية ليجانزا 2004 cdx الكاملة فابريكة جوة بالكامل وبعض الاجزاء من الخارج ومعرةضة عليا ب 55000 جنيه سوائلي هو
اولا: هل تنصحونني بهذه العربية ؟
ثانيا: اهم عيوب العربية
ثالثا: هل سعرها مناسب؟
عرض للطباعة
السلام عليكم انا قدامي عربية ليجانزا 2004 cdx الكاملة فابريكة جوة بالكامل وبعض الاجزاء من الخارج ومعرةضة عليا ب 55000 جنيه سوائلي هو
اولا: هل تنصحونني بهذه العربية ؟
ثانيا: اهم عيوب العربية
ثالثا: هل سعرها مناسب؟
هوة كان فيه ليجانزا فى 2004
العربييات ال 2000 سي سي بنزينها هيبقي بالسعر الحر الغير مدعم
لو عندك استعداد تشتري لتر البنزين بخمسة جنية وشوية
تبقي بتهزر :)
اصرف نظر يا معلم
شكرا لاهتمامكم بس بصرف النظر عن موضوع البنزين هي كاعربية ايه ظروفها كويسة واعطالها قليلة ولا العكس؟
هى الليجانزا لا يعلى عليها و ممكن فيه موديلات بعد ال 2000 منزلتش مصر فى التوكيل
لكن قطع غيارها مش عارف منتشرة و لا لا , لكن شوفت واحد كان بيسال عن موبينة ليها عند ابو الحسن و ملاقش خالص
البنزين لو اتطبق علاجها حل من اتنين اما تقلبها غاز او تسقط ماكنة نوبيرا 1600 ان امكن
و انا انصحك بيها لانه ركوبة ممتازة لكن السعر مش عارف مناسب ام لا
شوف
كان عندنا ليجانزا موديل 2000
العربيه دى جبارة جبارة
ماتور قوى جدا وراسيه على الارض قول مرسيدس
وواسعه ومريحه جدا
بس خلى بالك نزلت بماتور احادى الكامه ودة هيكون ضعيف على وزنها لانها فاضيه معديه 1400 كيلو
وماتور اتنين كامه ودة ماشاء الله وحش تقريبا 136 حصان
قطع الغيار موجودة عادى جدا وسعرها معقول
وحاجتها استيراد موجودة ايضا
استهلاك البنزين لو ماشى حنين استهلاك عادى جدا
لو قرصت بعد 5000 لفه متسالش على البنزين بيروح فين
العربيه دى لما كنت بطلع بيها امريكانى كانت بتتطوح بيا من قوة الماتور
كعربية تعتبر مافيش اى مقارنة بيها وبين اى عربية فى فئتها السعرية
بس المشكلة فى الغاء الدعم لو اطبق هيبقى مشكلة
بس انا متاكد ان لو اطبق موضوع الكوبونات اكيد هيبقي فيه استثناءات عشان حرام عربية تبقي ب50000 جنيه ويبقي بنزينها ب4 جنيه
موضوع الينزين هيبقا في استثناء علي العربيات القديمة يعني ان شاء الله مش هيطبق عليك والعربية جبارة وسعرها اعتقد غالي شويه لانه في واحدة موديل 2000 لسه واحد صاحبي جايبها ب41الف