حد ساكن فمنطقة زهراء م نصر امام السنترال

[OVERLINE]السلام عليكم ورحمه الله
أخواني الاعضاء
ما رأيكم بالشقق الموجودة امام سنترال زهراء م نصر

فيه 2 منطقة الاولى يمين والثانية شمال
يقال بإن اليمين يسكنها ناس منحترمين كمهندسين ومحاميين
والشمال (( العياذ بالله ))
هل حد جرب وسكن مع أهل اليمين :grin54:
مع العلم طبعا الاراضي دي غير مرخصة
ويادوب تقدر تثبت حقك عن طريق صحة توقيع
لا يوجد مرافق (( توجد مواسير المياه لكن الجيش لسه مفتحهاش ))
الكهرباء :- الناس بتمشيها ممارسة وبتاخد كهرباء من الباطن لغايت مايتعملها ممارسة ويادوب تدفع غرامة
وكذلك المياه الناس بتمشي حالها وبتملى خزانات
اللي اشترى هناك يقوللي
هل مع الوقت ممكن يحصل مشاكل بما إن المباني غير مرخصة وممكن تاخد قرارات إزاله
بما ان عرض الشارع اللي بقولك عليه حوالي 9 متر
وقانونا لا يجوز ارتفاع 11 دور طبقا للتراخيص وعرض الشارع . .
اللي انا بستغربه لو الشارع فيه 10 أبراج يمين وزيهم شمال
والبرج فيه حوالي 33 وحدة سكنية *20 برج = 660 شقة
لو نصفهم معاه عربيات على الاقل = 330 عربية
يركنو إزاي في الشارع الجميل ده
مش وجهة نظر برضه
المهم لو حد ساكن يقول إيه رأيه
عشان إحتمال ادفع مقدم 60 الف جنيه وأقسط الباقي واهو في النهاية إستثمار والشقة بتتاجر هناك ب 1000 جنيه
و بعد 5 سنين في حالة إكتمال المرافق السعر هيزيد .
مستني رأيكم [/OVERLINE]

أنا من سكان الحي السويسري
ودي قبل منطقة الزهراء
لكن اللي أعرفه عن هذه المنطقة إنها ( تعتبر مدينة نصر ، وتعتبر في زهراء الحي العاشر ) ولكنها فعلياً منطقة عشوائية مش واخدة تراخيص
وعماراتها زي ما حضرتك وصفتها أبراج ولكنها مخالفة للإشتراطات البنائية السليمة
وفي سنة 2009 تقريباً جأت للمنطقة كلها أوامر إزالة لولا مصطفى السلاب وكان عضو مجلس شعب ( الله يرحمه ) في ذلك الوقت وقف بجانب سكان المنطقة وماليكيها ، وأوقف القرار .
أنا عرفت كل المعلومات دي لأني كنت ناوية أشتري فيها من أكتر من خمس سنوات ، وكانت بمقدمات صغيرة والباقي أقساط ، ومساحات الشقة من 100م حتى أكتر من 250م
وبالموصفات دي تعتبر ممتازة ، ولكن بالسؤال عن المنطقة وضيق مداخل الشوارع للعمارات دي - قلقت وألغيت فكرة الشراء .
ومن فترة أشتكى أحد أعضاء المنتدى في أحد المواضيع بأنه يملك شقتين في هذه المنطقة ولا يستطيع السكن بهم ولا يستطيع تأجيرهم ولا حتى بيعهم لعدم وجود مرافق
ولأن العمارات كثيرة جداً والشقق متوفرة بكثرة ، ولا يستطيع حتى أن يصل إلى السعر الذي أشترى بيهم .
يارب يشوف موضوعك ليساعدك في إتخاذ قرار الشراء من عدمه

فين باقي الاعضاء

اقتباس:

---

المشاركة الأصلية كتبت بواسطة friendship7897

أنا من سكان الحي السويسري
ودي قبل منطقة الزهراء
لكن اللي أعرفه عن هذه المنطقة إنها ( تعتبر مدينة نصر ، وتعتبر في زهراء الحي العاشر ) ولكنها فعلياً منطقة عشوائية مش واخدة تراخيص
وعماراتها زي ما حضرتك وصفتها أبراج ولكنها مخالفة للإشتراطات البنائية السليمة
وفي سنة 2009 تقريباً جأت للمنطقة كلها أوامر إزالة لولا مصطفى السلاب وكان عضو مجلس شعب ( الله يرحمه ) في ذلك الوقت وقف بجانب سكان المنطقة وماليكيها ، وأوقف القرار .
أنا عرفت كل المعلومات دي لأني كنت ناوية أشتري فيها من أكتر من خمس سنوات ، وكانت بمقدمات صغيرة والباقي أقساط ، ومساحات الشقة من 100م حتى أكتر من 250م
وبالموصفات دي تعتبر ممتازة ، ولكن بالسؤال عن المنطقة وضيق مداخل الشوارع للعمارات دي - قلقت وألغيت فكرة الشراء .
ومن فترة أشتكى أحد أعضاء المنتدى في أحد المواضيع بأنه يملك شقتين في هذه المنطقة ولا يستطيع السكن بهم ولا يستطيع تأجيرهم ولا حتى بيعهم لعدم وجود مرافق
ولأن العمارات كثيرة جداً والشقق متوفرة بكثرة ، ولا يستطيع حتى أن يصل إلى السعر الذي أشترى بيهم .
يارب يشوف موضوعك ليساعدك في إتخاذ قرار الشراء من عدمه

---

احب ااكد الكلام ده لانه كانو بيبيعو المتر ب 500 جنيه من فتره و رحت شفت المكان ... صباح العشوائيه و كفايه قصة الركنه اللى بتقول عليها ... حتى مع المرافق ده لو اتعملت من غير مشاكل ومرجعوش على الملاك بغرامات كبيره ... العيشع هناك هتكون ماساه

حضرتك ذكرت عيوب كتيير فى المكان و لسه بتسأل عنه

اللى انت ذكرته كفايه جدا انك تبعد عنه

الميزة الوحيدة اللى حتة دى انها امامن جدا فوق الوصف