الموضوع: تجربة قيادة محبطة للسيارات الالمانى مقارنة بالكورى فى شم النسيم

المشاركة الأصلية كتبت بواسطة abdulkhaleq

الله ينور عليك
انا قصدي كده بس مش بالظبط :) :)
بالنسبه للانوس المستعمله عن الكوري الزيرو
فهي مش فارقه خاااااالص
اذا كان منطق الحكم بناءا على (الاحتياجات) اللي هي عربيه تجيبني وتوديني
ف اللانوس مثلا فيها باور وتكييف ومعقوله
ومش معقول هدفع حوالي 100 الف جنيه زياده عن تمنها عشان اخد شكل او منظر فاهم قصدي
(ده بما ان حضرتك طرحت مثال الثبات اللي هو تقريبا واحد او فرق لايذكر ويستاهل فرق الفلوس)
وطبعا بما ان الموضوع اصلا بيتريق على معايير الحكم دي :)

نمسك عربيتين , اللانوس و الميجان مثلا (الشكل قبل الحالي) من واقع تجربتي

انا لو جبت مثلا ميجان زيرو هاخد ايه اكتر من اللانوس الزيرو ؟ (خلي المستعمل برة الموضوع لان حسبته مختلفة)
مع العلم اني خضت التجربة دي فعلا لكن جبت الميجان مستعملة استعمال قليل

1- تسارع احسن , ادي فرق في نطاق احتياجاتي , بس تسارع الميجان اصلا مش اوي يعني كعادة العربيات الاوروبي
2- فرامل احسن بكتير , بدل ما اقعد اعافر مع الفرامل و ابقى خايف اخبط , ادي فرق في نطاق احتياجاتي
3- باور اريح بكتير , كده الاجهاد اللي بيحصل لي في السواقة اقل ,ادي فرق في نطاق احتياجاتي
4- ثبات احسن بكتير , ده فرق ممكن ما يفرقش مع ناس كتير بس اللي بيمشي على طرق سريعة كتير يحس بيه
5- عفشة اريح بكتير ,كده الاجهاد اللي بيحصل لي في السواقة اقل ,, ادي فرق في نطاق احتياجاتي
6- صالون اوسع بكتير , و انا طويل , دلوقت باقعد مرتاح و اللي ورايا ما بيتزنقش ,ادي فرق في نطاق احتياجاتي
7- صالون افخم بكتير , ادي فرق في نطاق احتياجاتي
8- كماليات اكتر بكتير ,ادي فرق في نطاق احتياجاتي
9- عزل صوت احسن بكتير , ادي كمان فرق في نطاق احتياجاتي
10- عوامل امان موجودة و كتير , ادي كمان فرق في نطاق احتياجاتي

فرق السعر بين اللانوس اعلى فئة (70 الف) و الميجان2 اول فئة (130 الف) كان 60 الف جنيه
الفروقات دي , اللي احنا بنسميها فرق فئة , في العموم و في نظري انا تستحق المبلغ ده
لو اخدنا عربية من فئة الميجان2 , كوري سيراتو اوروربي فلوينس او استرا , و قارناها بالفئة التالتة مثلا , طبعا البي ان هاتديهم بالقديمة , لكن هل مدى الضربة اللي هاياخدوها متناسب مع احتياجات اغلب الناس ؟
اظن ان الفروق هاتبقى برة احتياجات اغلب الناس , لكن في نفس الوقت هاتبقى في نطاق احتياجات مجموعة من الناس , اللي هما بيشتروا البي ام

بس :)

المشاركة الأصلية كتبت بواسطة lanos2004

انته بتبوظ سمعه الانوس
انا 190 ملفات طريق السويس وهوة حارتين عفشه ستوك

يا باشا اللانوس عربيتي السابقة و باحبها موت :)
ده كان مثال بس :)
على فكرة انا كنت باخد بيها ملفات صعبة اوي بردة (كاوتش 14 و مساعدين مونرو ) :)