تجربة قيادة محبطة للسيارات الالمانى مقارنة بالكورى فى شم النسيم

**ashouhdy** · 15-05-2013 03:27 PM

السلام عليكم ورحمه الله

اذيوكوا ياجماعة عاملين اية

حابب انقل لكم تجربتى فى قيادة سيارات المانى فى اجازة شم النسيم

سقتهم كتير وفى طرق مختلفة و احباط رسمي !

العربيتين هما 320 2011 اوكتافيا a5 2012 ام جنوط 17

بداية الحوار هو اننا كنا فى الساحل

والتنقل كان مع عائلات وتبديل العربيات كان الاساسى بين معايا وعربية من الاتنين التانين عشان الحجم ودى شايلة اكتر والشنط وماشابة ذلك.

فكنت ببدل ...

انا سقت الاتنين وبصراحة احبطت جدا

يعنى هو انا لازم عشان احس ان دى المانى اكسر ال 160 واخد ملفات بالسرعة دى واضرب الفرامل واقول تمام وقفت

عامة

بداية التجربة على طريق الساحل لمدة 40 كيلو اية دة ... اية النشوفية اللى فيها ال 320 دى ؟ وكنا بنتريق على السيراتو مثلا ماهى نفس النشوفية

غير احساس انى قريب اووووووووووووووووى من الارض يمكن عشا احساس الركوب مختلف بين الكارينز مثلا وال سيدان الله اعلم

لكن حوصفلكم احساسى ... لو فى مطب مثلا تلاقينى برفع نفسي من على الكرسي كدة هههههههه

يعنى العربية مش مريحة ومش بتاخد وتدى مع مطبات الهوا ذى الكارينز .... طبعا دة بيدى ثبات على سرعات عالية بس عالية ابتداء من فين 150 160 وطالع وقتها تحس ان اة دة بقى المانى والانتقال بين الحارات ذى المسطرة

قرصت شوية بستفيد بقى من الموتور ال320 واطلع اطلع 180 200 كبست اكتر 210 215 ................................. بس ؟

هو يعنى لازم انتحر ياخوانا عشان اقول دى المانى ... لأ مكنتش حاسس بالامان وانا العداد قارى 190 والطريق طالع نازل وبتهبد فى الكرسي وخايف حاجة تطلعلى وحاجة تيجي فجأة

اة الفرامل ماشاء الله والثبات ذى المسطرة ... لكن كل دة بحسة بعد ما اكسر ال160

يعنى 97% من الطريق المشي العادى ال 120 130 كنت .................... مشتاق لعربيتى

الاوكتافيا بخلاف اللى فات ان الماتور محستوش يعنى حسيتة بعد ال 170 بيفقد كل قوتة طبعا عشان 1600 وبقارنة بال320

بس الاوكتافيا العجيبة بقى ! عجبتنى اكتر ! اعلى من ال320 مش برفع نفسي مع المطبات ومن جوة افخم كتير

لكن ماتورها قاتلها الكيك داون ميت ... هو هو بتاع الكارينز وابطأ يعنى مستفدش انى راكب سيدان وال1600 حيطيرها .... بالذات لما تلاقى سيراتو الجديدة جمبك طارت بالكيك داون من 100 ل 160 مثلا و انا اقول بس ححصلة فى الملفات.

ومحصلتوش :)

جوة بقى فى القرية

ماشاء الله .... مفيش مطب يامعلم ال320 معلمتش فية ... ولوحدى :) !!

طب هات الوكتافيا ركب 2 معاك والحس المطبات كلها

قعد بقى خدها بالورب بالعرض بالطول واقف نايم مفيش

طب اية

كان فى جزء غير ممهد ورملة بيدخل للبحر مباشرة يعنى كان لأ ستوب حتغرز ووش لأن العربية كلها من تحت ماسكة فى الرمل

يعنى مثلا فى الكارينز العربية مبتقعش لما احمل الوقعة الجامدة دى يمكن اختلاف سيدان عن دى الله اعلم

نيجى تانى نطلع برة

قلت لأ بقي لازم العب واشوف فى اية فى ال320 اكبس اسحب طير ماشاء الله ماتور جميل جدا

140 160 يمين شمال مسطرة وفرامل توقفك تمام

بس انا مش دى سواقتى دلوقتى هو لازم كل مرة عشان احس بفرق (اتهور) ؟!!!

العربية اذا كان دى او دى ناشفة ال320 واطية الاوكتافيا بطة شوية
العربيتين ضيقين وطلع الكرسي واعدل الضهر

اة شياكة وبرستيج لكن

اية المانى واوروبى وكورى والهجس دة

نزلت رحت اخدت عربيتى

رجعت الكرسي والضهر
انتخت
مش خايف احك
دخلت للبحر عادى مطبات القرية مفكرتش فيها باخدها عادى
اة التابلوة بلاستيك بس لازم ادوس واحسة اية يعنى !

مشيت لحد 150 مش حاسس بالفرق الووااااااووو

قلت الحمد لله فيما رزق

وانسوا بقى كلمة كورى وبتاع

الكورى مش الاكسيل والاكسنت بتاع زمان

الدنيا اتغيرت.

سلااااام

**Amr2004IBM** · 15-05-2013 03:49 PM

هو فعﻻ الكورى اطور كتير الفره الى فاته
بس زى ما حضرتك ذكرت ان مافيش فرق بينهم فى الاداء لحد130 140
لكن الفرق بقى بيبان فى السرعات العاليه و الغرز على السرعات بيبان الفرق بين الكورى و الالمانى و بيبان اكتر فى الحوادث ﻻقدر الله بتﻻقى معظم الى بطلع من الحوادث القويه دى فى الالمانى اقل ضرارا من الى فى الكورى بكتير ده ان عاش ... و طبعا الاعمار بيد الله ولكن الالمانى بيخاف على البنى ادم الى سايق اكتر من الكورى
و انا بتفق معاك ان الاثنين زى بعض فى المتعه و الفعاليه و الاستخدام فى السرعات الطبيعيه
و الشاطر يعرف هو عايز ايه و يقدر يجيبه فى حود امكانياته

**speed_magnum** · 15-05-2013 03:50 PM

ﻟﻮﻻ ﺍﺧﺘﻼﻑ ﺍﻻﺯﻭﺍﻕ ﻟﺒﺎﺭﺕ ﺍﻟﺴﻠﻊ
ﻭﺍﺍ 320 ﺩﻱ .. ﺑﺘﻤﻨﻬﺎ ﺗﺸﺘﺮﻱ 2 ﻛﺎﺭﻳﻨﺰ
ﻭﻻ ﻳﻌﻴﺐ ﺍﻟﻌﺮﺑﻴﻪ ﺍﻥ ﺍﻟﻄﺮﻕ ﻣﺶ ﻛﻮﻳﺴﻪ
ﻭﻣﻴﻦ ﻗﺎﻝ ﻣﻴﺰﺓ ﺍﻻﻟﻤﺎﻧﻲ ﻣﺎ ﺑﺘﺒﺎﻧﺶ ﻏﻴﺮ ﺑﻌﺪ 160 ﻭﺑﺎﻟﺘﻬﻮﺭ ؟؟؟
ﺣﻀﺮﺗﻚ ﺍﻣﺸﻲ ﺑﻴﻬﺎ ﻋﻠﻲ 120 ﻫﺘﺤﺲ ﺍﻧﻚ ﻭﺍﻗﻒ
ﻭﻟﻮ ﻻ ﻗﺪﺭ ﺍﻟﻠﻪ ﻣﻮﻗﻒ ﺣﺼﻞ ﻓﺠﺄﻩ ﻫﺘﻌﺮﻑ ﻗﻴﻤﺔ ﺍﻟﻌﺮﺑﻴﺎﺕ ﺩﻱ

**hossam_elwani** · 15-05-2013 04:04 PM

انت فينك يا استاذ شهدى من زمان

على فكره حالة الطريق ذاته تخليك تفكر فى اعادة التقييم

**miceg** · 15-05-2013 04:51 PM

المشاركة الأصلية كتبت بواسطة hossam_elwani

انت فينك يا استاذ شهدى من زمان

على فكره حالة الطريق ذاته تخليك تفكر فى اعادة التقييم

+1111111111

استاذ شهدي
الفكرة في العربيات نفسها وفئاتها ليه أكثر من عامل

الاعتماديه
الفخامه الداخليه
التسارع
السرعة
الهاندلينج
الثبات
اعاده البيع
اسعار قطع الغيار
كماليات
الشكل الخارجي
ارتفاع عن الارض
استهلاك البنزين
الامان
الراحه
ممكن تسافر 5 ساعات وانت راكب الكارينز تحس بتعب وإرهاق وممكن تسافرهم بالاوكتافيها تلاقي نفسك فريش انت والناس اللي معاااك
وفالنهاية الاتنين وصلو بالسلامة
بالنسبة للطرق :- لو انت ماشي وسرحت بالسرعة وفجأة لقيت منحنى خطر وانت راكب مثلا فيرنا ولا كارينز ولا ولا
هتلاقي نفسك لا قدر الله بتعدي حارة غير حارتك والدنيا أعوذ بالله
ولا موقف زي اللي حصللي وانا مسافر أسيوط - الغردقة
منحنى خطر والبهوات بيتخطو الطريق رايح جاي فردة واحدة
عربية بيجو و2 مقطورة على خط واحد فوشي
والثلاثة كابسين عليا ومافيش مسشاحة ليا غير اني انزل من الرصيف ومن تحت الاسفلت فالجبل
تخيل مواقف كتيره بتحصلك ومع مهارة اللي بيسوق ونوع عربيته الدنيا بتسستر
وفالنهاية الستار هو الله حتى لو راكب لامبورجيني
متفق معاك في جزء
ان المنتدى بأقسامه هو عبارة عن إدمان سيارات وبتخلي اللي معاه عربية كويسة يفكر يركب ألاحسن ومن كتر مالناس بتقول شعر فالعربيات العالية
بيكون فاكر انه لما يركب الحاجة الفلانية هيبقا طيار
وفالاخر يتصدم ويلاقي نفسه قنوع بالحاجة اللي معاه
وده اللي حصلك وحصلي قبل كدة
اسف للاطالة
وشكرا عالموضوع

**ashouhdy** · 15-05-2013 06:03 PM

انا مش معترض على اى حد فيكم

طبعا اكيد فى الحالات الصعبة اوى حتفرق

انا بتكلم انى محستش لحد ال 150 بفرق يخليك تقول انا حدفع 200الف زيادة عشان كذا

وبرضوا انا الحمد لله بحب عربيتى بس مش متعصب عارف ان اكيد دول احلى منها

لكن لحد سرعة معينة ملقتش فرق دة غرضي من الموضوع

زائد العيوب اللى قلتها