الموضوع: افضل طريقة لربط حزام الامان منعا لمتاعبه ( شرح مصور )

المشاركة الأصلية كتبت بواسطة Matrixawy

يا استاذة الكلام اللى حضرتك بتقوليه ينطبق على الفتوى او البدعة اذا فعلتها و طبقها احد بعدى اشيل ذنبها

اللى انت قولتة بالفعل بدعة لان محدش عمل كدة فى اى حتة فى الدنيا... و لو كان اللى اخترع الحزام شايف ان طريقتك كويسة مكنش عمل حزام حوالين وسط الشخص اللى راكب العربية... و بالتالى اكيد انت حتشيل ذنب كل واحد يعمل كدة و يتصاب

و قلت لا يجب الذج بالدين فى موضوع مطروح للنقاش عن السيارات لاننى لا بفتى فى الدين و لا ادعوا الناس لممارسة بدعة معينة

نفس الرد السابق... ما تدعو اليه هو بدعة ضارة

المشكلة ان التفكير بالطريقة دى هو اللى جايبنا ورا لما كل عطسة تدخلوا الدين فيها

ربنا سبحانة و تعالى خلق الانسان عشان يعبده... و بالتالى الدين داخل فى كل حاجة فى حياتنا "و ما خلقت الجن والإنس إلا ليعبدون"

و سبق قلت ان الفكرة مطروحة للناس التعبانة من الحزام و اللى بتعانى منه بل انى كتبت فى نهاية موضوعى ان هذه الفكرة ستجعل كثير من الناس يتذكرون ارتداء الحزام

يلبسوا الحزام غلط؟؟ طيب ايه الفايدة من القصة؟ يعنى انت عايز تموتهم ولا ايه؟ يعنى ايه الحكمة من انى البس الحزام غلط؟؟

يعنى لم ادعوا الناس الى عدم ارتدائه نهائى كما تتخيلون

و الفكرة موجودة من زمان فى الشوارع و خاصة فى سيارات الاجرة و لم ابتدعها بل عرضتها بالموقع لمن يعانى فقط

محدش قال اننا بنتخيل انك تقصد من الموضوع عدم لبس الحزام.. احنا فاهمين كويس ان قصدك اننا نلبس الحزام غلط

و ايه معنى ان الموضوع منتشر بين سواقين التاكسى؟؟ هما دول بقوا الbenchmark بتاع المجتمع دلوقتى؟؟؟ يعنى اقل ناس تعليما هما اللى بيحددوا ايه الصح و ايه الغلط؟

ماشى حنعتبر ان مش انت اللى ابتدعت القصة دى... انت بتنقل بدعة الاخرين لينا... برضة احنا فى نفس النقطة... البدعة دى غلط و مضرة

كلامك مش منطقى و جدالك لا يؤدى الى شىء

و كما قلت ان الاعضاء ناس فاهمة و واعية و لم اغصب احد عليها

طيب زعلان ليه اننا بنقول ان طريقتك غلط؟؟ و زعلان ليه ان الناس اللى فاهمة وضحت انها طريقة مضرة و فيها خطر على حياه الناس؟؟

و كل انسان له عقله هو الذى يقرر اذا كانت تناسبه ام لا

يعنى عندك النت مثلا بها مواقع مفيدة و بها مواقع اباحية

ينفع حضرتك تيجى تقولى اللى اخترع فكرة النت هياخذ ذنوب علشان فيها ***مواقع اباحية

مفيش مجال للمقارنة... الحزام له وظيفة محددة و طريقة استعمال محددة... لما تقول للناس تستعملة غلط بيقى انت بتضرهم

هو اللى اخترع الكهرباء حيشيل ذنب واحد حط ايدة على سلك عريان عشان واحد صاحبة قال له الكهرباء مش مضرة؟؟ طبعا لا لكن اللى حيشيل الذنب "صاحب النصيحة الضارة"

تخيل كدة واحد قالك "لما ميه عربيتك تغلى انزل افتح الرادياتير فورا".... و اول ما تعمل كدة طبعا الميه حتفور فى وشك و تعملك حروق شديدة... و بعد ما تروح لصاحبك دة و تلومة على اللى قالهولك يرد عيك و يقول "و انا مالى؟... هو انا اللى اخترعت الرادياتير؟"

MMamdouh