الموضوع: افضل طريقة لربط حزام الامان منعا لمتاعبه ( شرح مصور )

المشاركة الأصلية كتبت بواسطة NaderNabil

معلش يا دكتور بس فيه تصحيح بسيط...

في حالة التصادم الخلفي...ينجذب جسم الركاب الي الخلف أي عكس اتجاه الحركة الناتجة عن الاصطدام....و في هذه الحالة تكون فائدة مساند الرأس...العادية منها و الذكية التي تلتقط حركة الرأس قبل اندفاعها للخلف....

فائده حزام الأمان في الحوادث الخلفية هي في حالة ان الاصطدام بسيارة أخري أمامية...مما يعني انه في جزء من الثانية تنتقل حركة الجسم من الخلف الي الأمام....

في جميع الأحوال و المواقف...يجب الاتزام بارتداء الحزام حتي لو نازلين نشتري لبان من الكشك اللي علي اخر الشارع!!

ألف شكر يا نادر باشا .....مظبوط كده :)....

المشاركة الأصلية كتبت بواسطة Chicco

ألف شكر يا نادر باشا .....مظبوط كده :)....

الحمد لله اخيرا صدقت ان الحزام ليس له علاقة اذا صدمتك سيارة من الخلف بل مسند الراس فقط كما قلت لك

المشاركة الأصلية كتبت بواسطة Matrixawy

الحمد لله اخيرا صدقت ان الحزام ليس له علاقة اذا صدمتك سيارة من الخلف بل مسند الراس فقط كما قلت لك

لا يا سيدي الفاضل ليه علاقة .....لو أتخبط من الخلف و في عربية قدامك و خبطت فيها ....و زاي ما قلت لحضرتك قبل كده ...ليك مطلق الحرية تجرب زاي ما أنت عايز

كويس انى لحقت الموضوع قبل ما يتحول لخناقة و الادارة تقفله
احب اشكر NaderNabil على كلامه المظبوط و اضم صوتى لصوته و كل الاعضاء اصحاب المشاركات الايجابية .
يا جماعة ربط الحزام بالطريقة دى مالوش لازمة و مش حايحمى فى حالة الحوادث علشان الجسم حايبقى حر الحركة من تحت و حايخلى اللى سايق يدخل بركبه فى الكونصول اللى فى النص أو المنطقة اللى حوالين الدركسيون و كمان لو العربية اتقلبت الجسم حايتزحلق من تحت الربطة الغريبة دى علشان كده لازم الحزام يكون ثلاثى التثبيت و لازم يتعدل ارتفاع الحزام علشان يمشى على الكتف مش الرقبة و عظام الترقوة زى ما الواحد بيشوف للاسف

الحزام اهميته لما بيتربط على الصدر للحماية من المصادمات الامامية وعلى البطن علشان لا قدر الله لو العربية بعد الشر علينا كلنا لو اتقلبت وبقت الرجلين فوق والراس تحت يمسك الانسان ويثبته كويس فى الكرسى

المشاركة الأصلية كتبت بواسطة Matrixawy

اشكرك على التوعية

الحقيقة انا لم اذكر فى بداية موضوعى ان حزام الامان غير مهم و لم اطلب من احد عدم ارتدائه كما فهمتى

لانى من ضمن المعترفين بأهميته و والله العظيم يا استاذة بوسى كنت ارتديه قبل ما القانون يجبر الناس على ارتدائه

ان ما اعرضه هنا مجرد طريقة اخرى لأرتدائه لمن يعانون من متاعب بسببه و انا منهم

فقد كنت اعانى من التهاب بالقولون و لا اتحمل ضغط الحزام على بطنى ابدا

و عندما دلنى صديق على هذه الطريقة لحل مشكلتى كنت ادعو له بالصحة و العافية على هذا الطريقة التى جعلتنى ارتدى الحزام بدون متاعب

و الحقيقة الواقعية فعلا اننى رأيت الكثير من الناس يضايقهم ضغط الحزام على بطنهم

فلا يصح اذا ان اقول ان هذا الامر يندرج تحت الذنوب او يتم الذج بالدين فى موضوع
مطروح للنقاش قد يعجب البعض و يحل مشكلتهم كما حدث معى و قد يرفضه البعض الاخر

و اذا كنت امشى فى طريق مزدحم و بطىء بالقاهرة فما المانع ان اربطه بتلك الطريقة و ارتاح منه بعض الشىء
و اذا خرجت الى طريق اخر سريع اقوم بربطه بالطريقة الصحيحة

انا مش اقصد و الله ابدا

مش اقصد ازج بالدين و لا اشيلك ذنوب يعني

انا بس كان كل قصدي افهمك ان يعني لو حد نفذ الطريقه دي و بعدين لا قدر الله ما اسعفتوش في الوقت المناسب و عمل حادثه يعني ممكن ينضر بسبب النصيحه

ساعتها بس يعني هتبقي الطريقه هي السبب

اكيد الاعمال بالنيات و اكيد احنا عارفين ان نيتك خير طبعا و الله

بس يعني لو حد اتضر ممكن (ممكن) تاخد ذنبهم

بس هو ده قصدي و الله

و الف سلامة عليك علي فكرة و ربنا يشفيك من القولون لانه فعلا مرض متعب و ممكن يوصلك فعلا لانك تضطر تلبس الحزام بالطريقه دي

بس معلش تعالي علي نفسك يا ماتريكساوي و حاول تلبسه عشان بجد هو مسعف جدا

و اسفه ليك لو كنت اتضايقت من كلامي انا حقيقي مش اقصد

بس يارب تفهم قصدي صح

بوســــي

طبقا لموقع ويكيبيديا فان الحزام بهذه الطريقه يتحول من Three-point
الي ما يسمي Sash و ده كان يستخدم في الستينات و كان قليل الفائده
http://en.wikipedia.org/wiki/Seat_belts#Lap

اما الكارثه فانه طبقا لموضق pubmed
http://www.ncbi.nlm.nih.gov/pubmed/715546

فان ربط الحزام بهذه الطريقه في حاله الحوادث لاقدر الله فان الضغط كله ينعكس علي الرقبه بما يسبب كسر بالعنق او تهتك للاعصاب

و بهذا تحولت الطريقه لشئ خطير
فنصيحه لوجه الله ياخ ماتركساوي تحامل علي نفسك و حاول تلبسه بالطريقه العاديه