تعالوا شوفوا حقارة التوكيل

**osamashawky** · 15-05-2013 04:33 PM

اتفاجئت النهرده وانا بغير البوجيهات و تيل الفرامل بحاجات تدل على وضاعة و حقارة توكيل المنصورة في الغد

المهم : التيل انا دافع فيه اكتر من 200 جنيه و اكتشف انه مصري .... ايون مصري ابا عن جد و كنت هعمل كذا حادثة بيه لولا ستر ربنا

الجلدة اللي موجودة حوالين الكباس في التيل اللي ورا متاكلة جدا مع اني غيرت التيل اللي ورا مرتين بس لكن تشوفها تقول انها اتغيرت ولا 100 مرة

شغل ناس مش فاهمة حاجة ولا عارفة ربنا ولا اي حاجة خاااااااالص

مسمار من ال 4 مسامير بتوع الجنط وانا بفكه اتضريت اني اقطمه عشان ابهوات شغالي بالدريل على طول المفروض انهم الاول يربطوه بيايدهم و بعد كده دريل لكن هم ولا الطراوة و المسمار ب 50 جنيه بالصامولة بالعمولة

انا جبته من بره ب 7 جنيه و تركيبه 5 جنيه

يعني شغل حرامية على مستوى

و حسبي الله و نعم الوكيل في التوكيل و اللي شغالين فيه نصب بروقااااااان

نسيت اقولكم البوجيهات طلعت مضروبة مش اصلية وانا دافع فيهم 250 جنيه

ربنا ياخدهم قولوا امين

**M I D O** · 15-05-2013 05:13 PM

ربنا ينتقم منهم و متسبش حقك يا باشا لو معاك فاتورة بتقول ان التيل مش مصري عكس الي حطوة تقدر تقاضيهم بية

**ahmed_h_g** · 15-05-2013 05:39 PM

فعلا" حركه سيئه جدا" جدا"
لو هتعمل صيانه تانى يبقى فى عصام وصفا أو تشترى قطع الغيار من الفرع الرئيسى وتركبهم بره

**eng.m7md.ali** · 15-05-2013 06:19 PM

ماهو توكيل زبالة اصلاً

بس بوجيهات ايه اللي ب250 جنيه دي؟ ده نصب رسمي عزمي

**MohammedAladel** · 15-05-2013 06:33 PM

كنت عايز أتكلم عن مسمار الجنط دا ... الصامولة أو المسمار بيبقى ليه عزم فى الربط مينفعش يزيد عنه

وعشان كدا رينو عملت مفتاح العجل بطريقة معينة محسوبة ... يد المفتاح ليها طول معين لا هى طويلة قوى زى المفاتيح الصليبة المنتشرة فى المحلات وعند بتوع الكاوتش ولا هى قصيرة عاملينا بحسبة معينة بحيث إنك متقرطش على المسامير جامد مهما كان قوتك (( فن والله ))

والمسمار بيبقى ليه عزم معين بيبقى مكتوب فى الكتالوج مش شطارة أنهم يربطوه على الآخر دا خطر جدا وكمان بيربط بدريل !! طبعا عايز يخلص شغل ع السريع

لذلك عندى لو ربطت المسامير وقرطت عليها جامد بمفتاح يده طويله

مقدرش أفك المسمار بالمفتاح الأصلى اللى جاى مع العربية

عشان كدا نصيحة متستعملش فى فك وربط الصامولة عندك غير المفتاح الأصلى بتاع العربية

**zicooo2008** · 15-05-2013 06:50 PM

المشاركة الأصلية كتبت بواسطة mohammedaladel

كنت عايز أتكلم عن مسمار الجنط دا ... الصامولة أو المسمار بيبقى ليه عزم فى الربط مينفعش يزيد عنه

وعشان كدا رينو عملت مفتاح العجل بطريقة معينة محسوبة ... يد المفتاح ليها طول معين لا هى طويلة قوى زى المفاتيح الصليبة المنتشرة فى المحلات وعند بتوع الكاوتش ولا هى قصيرة عاملينا بحسبة معينة بحيث إنك متقرطش على المسامير جامد مهما كان قوتك (( فن والله ))

والمسمار بيبقى ليه عزم معين بيبقى مكتوب فى الكتالوج مش شطارة أنهم يربطوه على الآخر دا خطر جدا وكمان بيربط بدريل !! طبعا عايز يخلص شغل ع السريع

لذلك عندى لو ربطت المسامير وقرطت عليها جامد بمفتاح يده طويله

مقدرش أفك المسمار بالمفتاح الأصلى اللى جاى مع العربية

عشان كدا نصيحة متستعملش فى فك وربط الصامولة عندك غير المفتاح الأصلى بتاع العربية

جزاك الله تعالى خيرا معلومة جميلة جدا الله يباركليك و تسمحلى انقلها فى منتدى الكيا

**zicooo2008** · 15-05-2013 06:57 PM

ربنا يعوض عليك و حاول ماتسبيش حقك فى التكلم مع احد مسئول من التوكيل لفضح هؤلاء الغشاشين و معاقبة المسئول

**osamashawky** · 15-05-2013 08:03 PM

شكرا جدا على ردودكم يا جماعةبصراحة انتم اهل و اخوة غاليين قوي عليا و انا ما شترتش العربية غير لما قعدت على المنتدى ده فترة مش اقل من شهر و قررت بعد كده اني اشتريها بسببكم

ثانيا اقاضي مين ماهو ممكن يقولي انت غيرتها بره التوكيل هقوله ايه انا ساعتها .... ايه اللي يثبت اني مش غيرتها بره التوكيل دول شوية عالم زبالة و الله العظيم .... و تبص تلاقي الصيانة عندهم ب 2000 جنيه مثلا تلاقيها بره ب 500 .... شوية نصابين نصابين نصابيييييييييييين

انصح اي حد شتري بروتون يسيبها معاه مثلا 10000 كيلوا في الضمان و بعد كده يشوف مصالحه بره التوكيل المعفن الحرامي النصاب الحقير ده

-

الموضوع: تعالوا شوفوا حقارة التوكيل

LinkBack

أدوات الموضوع

عرض

-

-

-

-

-

-

المواضيع المتشابهه

اهل المنتدى الكرام .... تعالوا شوفوا ولا حــــــــــاجة

تعالوا شوفوا الناس سنة 3000

لمحبي التظبيط تعالوا شوفوا صور اللوجان بعد التعديل

تعالوا شوفوا مصداقية مستر عز (حسبي الله ونعم الوكيل)

الكلمات الدلالية لهذا الموضوع

المفضلات

المفضلات

ضوابط المشاركة