برجاء الرد بخصوص توكيل اوتو مستر الحى السادس فى السمكرة والدهان

**moghazy43** · 15-05-2013 06:48 PM

السلام عليكم
كنت عاوز اعرف توكيل اوتو مستر الحى السادس فى السمكرة والدهان كويس ولا تعبان وهل الون بيطلع هو هو ولا لا على شان معايا شيفرولية لانوس 2011 وكنت واخد خبطة خفيفة فى الباب الخلفى شمال ورفرف امامى شمال

**mido** · 16-05-2013 09:40 AM

انا عملت عنده مرتين فى التأمين
السمكرة كويسة بس سعات اللون مش بيكون مظبوط 100% و كمان العربيات اللى فى التأمين غالبا مش بيستخدموا معاها لون ماركته محترمه عشان يوفروا بس فى المجمل النتيجة كانت كويسة و بيخلصوا بسرعة

**angel83** · 17-05-2013 08:58 PM

دائما وابدا التوكيل زباله في السمكره والرش وعن تجربه وفي توكيل كبير وعريق زي توكيل العامريه عندنا في اسكندريه رشيت رفرف واكصدام وطالعين زباله وحسبنا الله ونعم الوكيل هما حقين وفهلويه فقط في اخد الفلوس منك بفتحه ونصبه لكن للحق التوكيل ميكانيكا وكهربا فقط لكن سمكره ودوكو زباله في صنايعيه بره التوكيل انضف واحسن من التوكيل ودكتره عليهم معلش يعني وانا حبيت اقولك ده لله مش اكتر وبراحتك

**moghazy43** · 18-05-2013 03:41 PM

يعنى مرحش اوتو مستر احسن بس انا عاوز حد يكون كويس جدا فى السمكرة والدهان على شان انا معرفش حد خالص

**mido** · 19-05-2013 02:41 AM

لو مش في التأمين يبقي ملوش داعي تروح

**mido** · 19-05-2013 02:42 AM

المشاركة الأصلية كتبت بواسطة mido

انا عملت عنده مرتين فى التأمين
السمكرة كويسة بس سعات اللون مش بيكون مظبوط 100% و كمان العربيات اللى فى التأمين غالبا مش بيستخدموا معاها لون ماركته محترمه عشان يوفروا بس فى المجمل النتيجة كانت كويسة و بيخلصوا بسرعة

لون ماركته مش محترمه

**moghazy43** · 20-05-2013 08:22 PM

الف الف شكر ياباشا
بس فى حد كويس فى السمكرة والدكو

**mido** · 21-05-2013 10:54 AM

المشاركة الأصلية كتبت بواسطة moghazy43

الف الف شكر ياباشا
بس فى حد كويس فى السمكرة والدكو

الصراحة معرفش حد مضمون

**sh3sh3** · 21-05-2013 08:08 PM

نفس المشكلة عندييييي انا كمان زيك بالزبط عاوز واحد يكون بيعرف يسمكر ويرش صح انا رشيييت من سنتييييين كبوت ورفرف واكصدام عاوز اقولك اللون طلع وبهت وشكل العربية بقى اسنغفر الله العظيم يعني اللي يقولك عيب سحق واللي يقولك مش واخدة فيلر كويس واللي يقولك عيب في ماركة الدهان اي كلام .............بصراحة الراجل دة شغلة كسمكرة 10على 10 لكن دهان للاسف لاااا

**mohamed.eldin** · 22-05-2013 07:39 PM

انا كمان رشيت عندهم عربيتى الافيو واللون راح وبعدين عملت فيهم شكوى فى الاداره اتصلوا بيه ورشوا العربيه تانى واللون راح بردو ورحت بعد كده توكيل العبور ممتاز