-
بنهــــا مشلــــولة ..
مدينة بنها بطرقها الرئيسية والجانبية وحواريها ، مشلولة الآن شلل تام
الناس مبطلين العربيات فى وسط الشارع وفارشين جنبها ..
وجوه غريبة وناس شكلهم مش مطمئن فى شوارع بنها
البنات اللى نازلين شغلهم رجعوا بيوتهم بسبب مضايقات الغرباء
ماحدش عارف يروح ولا ييجى.
اللى له مشوار فى بنها النهارده يقعد فى بيته أحسن.
السبب هو قطع الطريق الزراعى على الاتجاهين عند مفارق المنصورة بالكاوتشات المحترقة بفعل المئات من أهالى قرية مسجد الخضر لأن أحد السائقين من تلك القرية تم خطفه بسيارته ، ووجدوا السيارة ولم يجدوا السائق فاعتقدوا بمقتله ..
فتم تحويل مرور الزراعى كله إلى داخل بنها.
-
-
-
-
-
و يا ترى ايه موقف الشرطة من المشهد ده و لا مركبين الوش العبيط كالمعتاد. . . يا ريت عشان يتنحرروا شوية حد يبلغهم ان فى حد من مكتب الارشاد مزنوق فى الزحمة دى
-
مافيش شرطة خالص داخل المدينة ..
حتى شرطة المرور اختفت
الإشارة الرئيسية اللى عند كوبرى بنها والتى انت لا تخلو من جنود المرور ليل نهار ، اختفوا منها تماماً وكله ماشى معاكس وعربيات كتير بتخبط فى بعضيها ..
الحالة باختصار "مكرونة اسباجيتى" على رأى واحد صاحبنا
-
-
لسه داخل بيتنا حالا ... من 11 صباحا إلى 6 مساءا
والحمد لله رجعت من الطريق ولم أكمل بس بعد ما وصلت بنها وقعدت جواها 4 ساعات كاملين محاول أشوف طريق أعدي منه وأكمل طريقي ما حصلش ... و ساعتين كاملين بأحاول أخرج منها وأرجع للطريق الزراعي في إتجاه القاهرة لحد ما ربنا كرم
وساعة في الطريق للقاهرة بعد الوقوف حتى طوخ في زحام خانق بسبب دخول العربيات من الطريق المتوقف في الإتجاه بتاعنا
حاجة قمة الكوميديا السوداء
-
الطريق الزراعي ده كل اسبوع لازم يتقطع مرة .. والله شعب جاهل فعلا
والشرطة حدث ولا حرج .. ايام العكسر كانت بصراحة بتتفتح بعديها ب نص ساعة دلوقتي بيعدوا بالايام
مع ان قطع الطري ده من الكباءر يعني زي شرب الخمر والزنا بس الناس بتاخد بالمظاهر بس .. اهم حاجة جلابية قصيرة ودقن طويلة !!
ضاعت مصر وضاع اسلامنا !
Content Relevant URLs by
vBSEO 3.6.0 PL2