ماشاء الله عربيه ممتازه وتقرير هايل ربنا يباركلك فيها إن شاء الله .
رقم العضوية : 128345
تاريخ التسجيل : 31Jul2012
المشاركات : 69
النوع : ذكر
الاقامة : القاهرة
السيارة: رينو فلوانس
السيارة[2]: برودوا كليسا
دراجة بخارية: لا
الحالة :
انا حبيت اعمل الموضوع ده علشان انا مش لاقي مواضيع كتير بتتكلم علي برودوا كليسا و مش مدياها حقها
عشان كده انا هحاول اكتب المزايا و العيوب عشان العربية معايا بقالها 5 سنوات من الزيرو و عشان يبقي مرجع للي بيفكر يشتريها و اي حد يحب يستفسر عن حاجة انا في الخدمة.
و بالمناسبة انا عربيتي كليسا مانيوال موديل 2005 بس انا رخصتها في 2008 لانها كانت مركونة, و مشيت بيها 100 الف كيلو و مريت بحادثين
اولا: التصنيع
كليسا هي نفس الدايهاتسو ميرا لكن التقفيل في ماليزيا و ده مش عيب فيها بالعكس دي ميزه لانهم اضافوا كماليات زياده فيها و عدلوا شوية في الشكل الخاررجي زي الفوانيس الامامية و الخلفية و الكبوت و الاكصدام لكن جزء كبير من المكونات الداخلية هي نفس مكونات الميرا و حاجات كتير فيها ياباني ده طبعا الي جانب الموتور الجبار 1000 cc ثنائي الكامة ياباني.
ثانيا: المزايا
1- الموتور
من اكتر الحاجات المميزة للكليسا هو الموتور مع ان العربية 3 سلندر لكن زي ما قولت قبل كده ان الموتور 1000 سي سي ثنائي الكامة و اكتر من مناسب لحجم العربية , الكليسا سحبها تحفة و اي حد بيحب يشد معايا بيستغرب ان العربية الصغيرة دي بتعمل فيه كدة ده طبعا لغاية سرعة 100 او 120 بالكتير لكن بعد كدة مينفعش
2- التحكم
هو احساس رائع صعب يتوصف , تحس كدة ان انت لو قولت للعربية نطي هتنط بجد تحكم عالي جدا جدا جدا و احساس ممتع في السواقة مش هيعرفوا غير اللي جرب يسوقها.
3- الاعتمادية
العربية قطع غيارها معمرة جدا و حمالة قسية , يا دوب تغيير الزيوت و الفلاتر و التيل في المتابعة الدورية و شكرا متفكرش بقي في اي حاجة تاني يمكن مره بس للامانة غيرت سلك الدبرياش. بس انا بعد كده عملت حادثة في حادثة تانية و غيرت حاجات تانية لكن قبل كده و لغاية 70 الف كيلو مكنتش محتاج اغير فيها حاجة لدرجة اني لما كنت بروح التوكيل كنت بقولوهم بصوا كويس لو في حاجة محتاجة تتغير نغيرها و هما يقولولي العربية زي الفل بس مش عارف بقي انا اتحسدت ولا ايه بس الحمد لله علي كل شيء.
4- التوفير
العربية بتعمل حوه البلد كحد ادني 350 كيلو في الصفيحة يعني لتر البنزين بيعمل تقريبا 17.5 كيلو و ده جوه البلد لكن في السفر بالامانة بتعمل حوالي 450 كيلو في الصفيحة , و سعة التانك 35 لتر يعني من الاخر فول و انسي.
5- قطع الغيار
اما بالنسبة لقطع الغيار في منها غالي و في منها رخيص علي حسب يعني مثلا تيل الفرامل الاصلي في التوكيل 220 جنية و التايواني 110 جنية ,الفانوس الخلفي بره التوكيل 120 جنية جديد من غير الدواية ,الفانوس الامامي 320 جنية برة التوكيل جديد, الاكصدام الامامي صيني برة التوكيل 325 جنية باب الشنطة جديد بيعمل 1000 في التوكيل , زجاج امامي 350 جنية بره التوكيل , كومبسور التكييف 500 جنية استيراد , قنطرة اصلي استيراد 400 جنية طبلة الباب الامامي شمال 500 جنية اصلي توكيل و هكذا...
6- الكماليات
الكماليات اللي بتنزل في العربية هي ( تكييف - باور - سنتر - زجاج كهربا امامي - فتح الشنطة و التانك من الداخل - و طبعا كاسيت شرايط بس انا مغير الكاسي ل cd) و علي فكرة التكييف بتاعها كويس جدا بالرغم من انها 3 سلندر
و في بردوا ميزايا تانية زي مثلا حجم الكليسا في الركنة عملي جدا في الزحمة اللي احنا فيها دي. و مساحة الشنطة الخلفية تعتبر كويسة بالنسبة لحجم الكليسا. و علي فكرة كمان العربية مش واطية يعني مش بتحك في المطبات لو اتنين او تلاتة اللي راكبين لكن لو اكتر من كده ممكن.
ثالثا: العيوب
1- مساحة الصالون
الكنبة الخلفية ضيقة و دا بردوا عشان العربية صغيرة
2- العفشة ناشفة في المطبات يعني لو حفر او عين السمكة اللي بتبقي في الارض بتحس بيهم جامد.
3- الثبات لغاية 120 يعتبر كويس لكن بعد كدة بلاش احسن
رابعا: اماكن بيع قطع الغيار
1- التوكيل هاشم باص طريق مصر اسماعيلية و علي فكرة ممكن تفاصل معاهم
2- اوشين في حرفيين السلام ( جديد اصلي و تايواني)
3- سيد الفراش حرفيين السلام ( استيراد )
4- دايهاتسو لاند حرفيين السلام د/ علاء (استيراد)
ده الي جانب ان معظم الحاجات هتلاقيها في اي مكان بيبيع قطع غيار دايهاتسو ماعادا الحاجات اللي مختلفة عن الميرا.
اتمني اكون قدرت افيد الناس اللي مقبلين علي شراء الكليسا الجميلة و اسف علي الاطالة
سامي
رقم العضوية : 3275
تاريخ التسجيل : 18Nov2007
المشاركات : 1,753
النوع : ذكر
الاقامة : حاليا ... السعوديه
السيارة: لايوجد
السيارة[2]: إسبرانزا 516 2012
دراجة بخارية: لايوجد
الحالة :
ماشاء الله عربيه ممتازه وتقرير هايل ربنا يباركلك فيها إن شاء الله .
أنا لا أعطي مفتاحين لأحد :
مفتاح سيارتي ......
ومفتاح قلبي .......
رقم العضوية : 68443
تاريخ التسجيل : 20Apr2010
المشاركات : 7,562
النوع : ذكر
الاقامة : الأردن
السيارة: chery QQ3
السيارة[2]: suzuki maruti
دراجة بخارية: suzuki 2002
الحالة :
تقرير ممتاز وانا اول مره اسمع عن عربية برودوا غير الكانشيل...
تحياتي
don't judge a car unless you have driven it
hm414 سابقا
رقم العضوية : 9743
تاريخ التسجيل : 28Apr2008
المشاركات : 460
النوع : ذكر
الاقامة : Cairo
السيارة: Citroen Ax
السيارة[2]: Fiat Siena Fire 2007
دراجة بخارية: no
الحالة :
ما شاء الله
تقرير ممتاز
العربيه ما شاء الله هايله ربنا يملهالك بركه
على عبد الفتاح
أبو أحمد
رقم العضوية : 94373
تاريخ التسجيل : 12Apr2011
المشاركات : 291
النوع : ذكر
الاقامة : cairo
السيارة: ..
السيارة[2]: .accent2011
دراجة بخارية: no
الحالة :
ياريتها فضلت موجودة عربية رائعة
رقم العضوية : 94693
تاريخ التسجيل : 14Apr2011
المشاركات : 1,834
النوع : ذكر
الاقامة : Alexandria
السيارة: لا يوجد
السيارة[2]: Brilliance V5
دراجة بخارية: لا يوجد
الحالة :
الله ينور موضوع أكثر من رائع
جزاك الله كل خير
رقم العضوية : 3488
تاريخ التسجيل : 29Nov2007
المشاركات : 243
النوع : ذكر
الاقامة : المقطم
السيارة: Daihatsu Mira 2000 Auto
السيارة[2]: Proton Persona 2013 Auto
دراجة بخارية: لا
الحالة :
العربية دى انا عارفها كويس ... ودى عربية اكثر من رائعة ... للأسف التوكيل بتاعها ( هاشم باص ) بطل ينزلها من 2008 بالرغم من انها لو فضلت تنزل لكتسحت السوق ...
رقم العضوية : 134817
تاريخ التسجيل : 11Feb2013
المشاركات : 13
النوع : ذكر
الاقامة : egypt
السيارة: لايوجد
السيارة[2]: دايهاتسو شاريد
الحالة :
انا معايا عربيو دايهاتسو شاريد موديل 90 (1000 سى سى 3سلندر ) عاوز اسقط الموتور واجيب موتور غيرة بس يكون 1300 سى سى 4سلندر مع العلم انا لسة عامل عمرة والموتور زفت ولا سحب ولا اى حاجة ارجو المساعدة !!!!
المفضلات