انا شايف يا جماعة ان النيو فابيا دي جامدة جدا بس مش منتشرة
عرض للطباعة
انا شايف يا جماعة ان النيو فابيا دي جامدة جدا بس مش منتشرة
صدقني العربية مش حلوة شكل من برة بس
بص يا باشا
اول حاجة تقفيلها من جوا مش عاجبني
لما الاقي اكر البيبان بلاستيك من نوع ردئ
اطارات من البلاستيك حوالين فتحات التكييف بشكل سيئ جدا
العربية اللي جربتها في التست درايف كانت في اصوات غريبة من العفشة و لقيت الراجل بيقولي ده عادي
تقفيل المكنة تحت الموتور اسوأ ما يكون
ده اللي لاحظته على عربية يتعدي تمنها 120 الف جنيه
عاوز اقولكم اني لما فتحت كبوت العربية و جيت اقفله مرداش يقفل
غير كل ده ان هي سعرها مخليها خارج المنافسة
لانها ب126 الف جنيه
دا الدفعة الاولى بس
لكن عندك الابيزا جميع الكماليات تبترونيك فتحة سقف كل حاجة
ب113000 جنيه
و موتورها و تقفيلها احسن بكتير
على فكرة انا من اشد المعجبين بسكودا
احنا عندنا عربيتين سكودا واحدة فيفوريت بتاعتي و التانية سكودا A5 بتاعت العيلة
و بعشق جدا الماركة دي
بس العربية دي طلعت منهم اوت
بلا خيبة!
دي طلعت عربية مقلب
منظر بس وخلاص
ونسيت تقول حاجة كمان يا crazylambada...
ان الصاج بتاعها خفيف بطريقة مخيفة!
ده صاج عربيات الملاهي أقوى منه :biggrin24:
انا قمت بشراء السيارة النيو فابيا بتاريخ 22/10/2008 من التوكيل في رومانيا بوخارست وهو محل اقامتي الثاني بعد القاهرة..والحق يقال انها افضل من الفابيا 1 التي معي في القاهرة فهي اوسع واسرع واثبت لكن الفرامل لدى الفابيا 1 اقوى..وقد تعرضت لحادث على سرعة 100 كم/س صافية لم ينقص منها شئ في مبنى على كوربة و دخلت فيه من الجنب والحمد لله بفضل الله خرجت سليم طبعا السيارة كان بها 4 ايرباج خرج منهم 3 كان عندي وجع في جمبي من الايرباج وراح بعد الحادث بايام ..متزعلوش على العربية لان برة في تامين واسترديت تمنها..المهم اترككم مع الصور وانا مصر على ان العربية تحفة والعضم حديد.
http://mrshareupload.dyndns.tv/up_ar...mvh6_thumb.jpg
http://mrshareupload.dyndns.tv/up_ar...lwuj_thumb.jpg
http://mrshareupload.dyndns.tv/up_ar...os4i_thumb.jpg
http://mrshareupload.dyndns.tv/up_ar...tvcm_thumb.jpg
معروف طبعا حضرتك عضم سكودا و ده اللي انا قولته
و اول حاجة حمد لله على السلامة و الحمد لله قدر ولطف
مش شرط الايرباجات كلها تتفتح
بتتفتح الايرباجات ناحية الصدمة حسب
airbag control
بس سؤال هي العربية كده خلاص بتترمي و لا بتتصلح