ياوحوش أنا هأعمل صيانة الخمسة إن شاء الله يوم الخميس في العبور حد رايح وأيه الي هيتعمل
عرض للطباعة
ياوحوش أنا هأعمل صيانة الخمسة إن شاء الله يوم الخميس في العبور حد رايح وأيه الي هيتعمل
اولا : الصيانة مجانية بس حتدفع ثمن الزيت والفلتر
ثانيا: الصيانة عبارة عن مراجعة علي كل صغيرة او كبيرة في العربية.
صيانة ال 5000 مجانية يا باشا
ألف مبروك يا استاذ volvo_man وعقبال ان شاء الله صيانة ال 500000وانت بأتم صحه وخير ان شاء الله.
بالنسبه للصيانه الاولى زي ما ايمن واحمد عبد المقصود تفضلوا وقالوا لحضرتك هي صيانه مجانيه .......وانا والله لولا مشغول الايام دي كنت جيت لحضرتك مخصوص .
ربنا يتم لحضرتك على خير ان شاء الله اول صيانه وتقبل تحياتي اخي الفاضل.
الف شكر انا إن شاء الله هركب باركينج سينسور والف شكر
غيار الزيت وفلتر الزيت في صيانة العشرة ألاف و مضاعفاتها فقط
صيانة ال 5000 مجانية تماما بما فيها الزيت..
تم عمل الصيانة بحمد الله التوكيل طبعا مش محتاج أي تعليق العربية دخلت الصيانة الساعة 10.30 خلصت الساعة 12 الصيانة عبارة عن تنظيف لكل حاجة في العربية وكشف علي الزيوت وتعويض الناقص والكشف علي كل حاجة في العربية وتربيط عفشة وتظبيط الأبواب لأني كان في تزييقة خفيفة بتحصل في المطبات قلت للمهندس عليها فأخبرني ان الأبواب عاوزة يتراجع عليها فعملوها وغسلو العربية من برة ومن جو الحاجة الوحيدة الي زعلتني اني مبشوفش العربية البوفيه تشرب شاي ببلاش مركبتش الباركينج سينسور لأنه كان هياخد وقت طويل كانت هتخلص أخر اليوم وانا كنت تعبان فمرضتش
الخبر الجديد انهم هيفتحو مركز خدمة في أبو رواش وهيقفلو المقطم لأنه هيتهد وده بالنسبة لي هيبقي كويس والكلام ده في خلال 3 شهور تقريبا
حمد لله على السلامه يا استاذ volvo_man ومبروك عمل الصيانه على خير وعقبال باقي الصيانات وحضرتك بخير وصحه ان شاء الله.
مبروك يا فولفو على اول صيانة و ربنا يبارك لك فى عربيتك
و مش ناوى بقى تغير إسمك و تسميه رينو مان أو ميجان مان:banana: