الموضوع: قصتى مع كلية الشرطه

المشاركة الأصلية كتبت بواسطة ahmed.ali

اولا مفهوم حقوق الانسان لازم يتفهم كونه بلطجي ميلغيش كونه انسان و بالمناسبه دا مش اختراع مصري دا في كل دول العالم المحترمه

ثانيا ضابط الشرطه زيه زي ضابط القوات المسلحه زيه زي اي موظف قطاع عام خـــــــادم للشعب و لو مش عجبه الصفه دي يشتغل قطاع خاص و ساعتها هيكون خادم لشركته

للاسف اغلب الضباط الي قابلتهم في حياتي و لحسن حظي ساكن في مدينه ضباط شرطه لا يرقوا للتعامل مع بني ادمين اصلا اول واحد يخالف القانون و اول واحد شايف انه فوق المواطن لانه هو ضابط الشرطه لانه "باشا" !!! شوفهم بيعاملوا المجندين ازاي و شفوهم بتعاملوا مع اصول الدوله ازاي.

ضابط الشرطه الي استشهد في سبيل و طنه ان شاء الله في الجنه و له جليل احترامي بس ارجع و اقول بيقوم بعمله زي ما الطبيب ممكن يتسجن لو غلط في عمليه

اولاً مشكور على مرورك وتعليقك

مين قال حوار حقوق الانسان وانه ملوش حق انا مقولتش كده انا كل ال قولته يا جماعه الناس بتدى البلطجى حقه ومبتديهوش للظابط ( المواطن العادى ) يا جماعه البلطجى لا يمس ال بالقانون ده الصح و ده ال انا بقول عليه بس لما تلائى صوره ظابط افاروله غرقان دم وماسك بلطجى متعور فى وشه والاقى اول كومنت يا حراااام مين ال عمل فى البلطجى كده انا ممكن اتشل فيها وربنا راجل كان بيقاوم وبيضرب نار ومعرفوش يمسكووه غير لما اضررب ده فى العالم كله بردو مش اختراع فى مصر

ثانياً خادم الشعب بمفهوم حضرتك غير خدام الشعب بمفهوم ناس تانيه انا خادم للشعب وللقانون وبعمل شغل لوجه الله قبل ده كله
بس انا لا خدام عند حد ولا فى حد يستاهل اصلاً انه يعاملنى على انى خدام

انا الحمدلله معترض جداً على فكرة ان الظابط باشا وان ليه معامله خاصه روحت رخصت العربيه وقفت فى طابور طووويل واتاخرت والورق اتاجل اسبوع واستنيت وكل حاجه وفى الاخر رخصتها بعد عناء الرجل الموظف بيقولى لما لئا رخصتى مكتوب فيها طالب بكلية الشرطه مش كنت تقول يا باشا قولتله يا عم اقول ايه ما انت ال نفخينهم على الفاضى وخلاص

حضرتك فى ناس هى ال عامله كل الهيصه دى للظباط ونفخاهم ومحسسه ناس معينه منهم مش كلهم لانى فى رأيى اغلبية الظباط محترمين وولاد ناس الحمد لله
محسساهم ان هما فوق البشر ومختلفين عن باقى الناس

يا باشا الدكتور بيتسجن عشان غلط فى عمليه الظابط بيموت عشان نجح فى عمليه فى اوقات حضرتك لو ده اخوك بعد الشر كنت هتقول نفس كلامى انا رضيت بشغلى لوجه الله الحمدلله مش لحد بس فى الاخر ده مش جزاءه عشان بيقوم بشغله ان هو يموت وربنا يرحم امواتنا جميعاً