قصتى مع كلية الشرطه

**mr_vampire** · 16-05-2013 03:33 PM

المشاركة الأصلية كتبت بواسطة ahmed_dinamo

مشكووور على ردك يا باشا ومن غير ما افتح الفيديو كفايه العنوان بتاعوو لانى من الموبايل دلوقتى

العنوان حاجة واحدة من اللي اتعمل فالبنت ده هي واهلها. فياريت لما تفتح من كمبيوتر تبقي تتفرج عليه.

معاااك فى كل كلمه قولتها بس ليا شوية تعليقات بسيطه :

انت اعتراضك على الفيديو انه من واحد المفروض زميلى

لا طبعا مش ده اعتراضي. اعتراضي علي الاسلوب واستغلال النفوذ والمعارف والزمايل في تلفيق تهم للبنت وابوها واخوها بكل الاشكال الممكنة. لو اتفرجت عالفيديو هتفهم انا بتكلم فايه و هتتقرف بجد ان واحد زي ده يبقي زميلك.

عادى ظابط الشرطه زيه زى السباك ممكن تلائى سباك كويس وسباك مش كويس عادى ده رأيى ده مواطن وهو تربيته وهو و اصله

صح وعشان كدة بدات وختمت بان التعميم مرفوض. بس مينفعش نعتمد عالتربية بس في وظيفة زي ده. في عقاب لازم يبقي رادع عشان اللي مترباش في بيته يتربي من مديرينه ولو اتكرر يبقي يتفصل وييجي غيره متربي.

وجهة نظرك تحترم جداً يا باشا بس سؤال واحد ليه الكلام ده مبيتقالش على الجيش مع ان ال داخله عارف انه هو ممكن يحارب مش بس معرض للخطر

نفس الكلام علي الكليات العسكرية. بس الفرق ان الجيش مبيتعاملش بشكل مباشر مع المواطنين عشان كدة مفيش تلاعب كبير ممكن يحصل ( مع انه برده بيحصل بس احنا كمدنيين مبنحسش بيه ). انما الشرطة محتكة بالمواطن من اول شهادة ميلاده لحد شهادة وفاته. وتعاملاته كتير مع المواطنين بتفتح باب للرشاوي والاكراميات عشان مصالحهم تتم.

وبعدين عادى انا لسه عند مبدأى ده مجرد شغل الواحد بيأديه

فعلا مجرد شغل بس مش زي اي شغل. لان الوظايف اللي مرتبطة بيها مصالح الناس ليها وضع خاص. مينفعش ظابط يضرب عن العمل عشان طلبات مثلا. او وكيل نيابة يقول مش هحقق في قضية او مستشار يقول مش هحكم في قضية.

وطبعاً اعتراضى على كلمة مش خدام عند حد يساويها اعتراضى على كلمة انا اعلى من حد او انى من اسياد الشعب يا فندم انا الشعب انا مواطن مصرى عادى بقوم بشغلى وبقوم بدورى لا فارق معايا بدله ولا فارق معايا غيرها

والظابط ال ميشتغلش اى كان يستاهل اعدامه زى اى مواطن مش ناوى يشتغل او مبيشتغلش فى اى مصلحه او شركه او اداره حكوميه او خاصه

صح وتمام كدة.

احنا فى وقت عايزين فيه الطفل الصغير يقوم بشغله على اكمل وجه

واخيراً يا باشا انا الحمدلله ابن ناس محترمين وداخلها لا فارق معايا منصب ولا غيره على اد ما انا حاسس انى بقوم بدورى الحمدلله

مع اني بتكلم بصفة عامة بس معنديش شك في كدة علي فكرة.

وعلى فكره المرتبات بئت تأكل عيش والله ومش محتاجه سكك شمال اقل مرتب فى الداخليه دلوقتى لا يقل عن 2500 ج.م اللى كتير من الموظفين مبيقبضوش زيه ف الظابط ال يمشى فى طريق مش مظبوط يستاهل اعدامه والله

وانا كمواطن مصري يهمني ان الناس اللي بتقدملي خدمة تكون مرتاحة ومتقدرة كويس بس بشرط تبقي خدمة ومعاملة ادمية. وميبقاش اليوم اللي تفكر تدخل فيه قسم شرطة تطلع رخصة او شهادة مخالفات او تبقي شاهد في قضية اوحش يوم في حياتك.

لان مشكلة اغلبية الشرطة انهم مبيفرقوش بين المجرم والشاهد وبين المحترم والسوابق.

ورجاء تاني. لو قدرت تشوف الفيديو ياريت تتفرج عليه عشان تشوف كمية الاذية اللي عملها باستغلاله منصبه.

واخيرا ربنا يصلح الاحوال.

**dodo2000** · 16-05-2013 03:39 PM

الشرطة المحترم فيها قليل و الى عاوز الحرق كتير

فى ناس داخلة الكلية علشان يتقاله يا فلان باشا و يفيم عربيته و يتنطط

**AHMED_DINAMO** · 16-05-2013 04:20 PM

المشاركة الأصلية كتبت بواسطة dodo2000

الشرطة المحترم فيها قليل و الى عاوز الحرق كتير

فى ناس داخلة الكلية علشان يتقاله يا فلان باشا و يفيم عربيته و يتنطط

مشكووور على مرورك يا باشا بس فين شواهدك على كلامك

وبعد مين فى البلد دى مش مفيم عربيته وبيتنطط بعدين انا لما اقعد اربع سنين بشوف فى الكليه ال مفيش حد بيشوفه بره فى دراسته ودراستى محبوس 5 ايام فى الكليه وبخرج اجازه يومين وبتعامل زى ما بتعامل جوه وفى الاخر يبئا كل ده عشان يتقالى يا فلان باشا وافيم عربيتى واتنطط ابئا انا معلش معتوووووووووووه وفى حاجه غلط فى دماغى

**AHMED_DINAMO** · 16-05-2013 04:24 PM

المشاركة الأصلية كتبت بواسطة mr_vampire

ورجاء تاني. لو قدرت تشوف الفيديو ياريت تتفرج عليه عشان تشوف كمية الاذية اللي عملها باستغلاله منصبه.

واخيرا ربنا يصلح الاحوال.

مشكووور يا باشا على مرورك وعلى كلامك ال متفق معاك فيه تماماً فى كل كلمه

يبقى بس ان انا اقولك ان بجد كتير اوى من الشرطه عايزين يغيرو من نفسهم بصدق ومش عايزين الصوره الوحشه ال متاخده عنهم دى تفضل موجوده

**AHMED_DINAMO** · 16-05-2013 04:47 PM

المشاركة الأصلية كتبت بواسطة al-farooq

شوف ياباشا ، ربنا يوفقك ، مهنة صعبة فى الظروف دي

بخصوص قصة السجون ، انا هجيب شهادة لضابط بن ناس وزيك بالضبط وبيراعي ربنا فى شغله
و ذكر سريعاً اللواء البطران الله يرحمه

‫شهادة ضابط شرطة حول ماجرى فالسجون ابان ثورة يناير‬&lrm; - youtube

ودي حاجة تانية على الماشي

‫الشرطة هربت المساجين واعترافات جديدة للهاربين‬&lrm; - youtube

فالشرطة لها دور واللى ينكره يبقي مش عاوز يشوف اللى حصل ، ومش كل الجهاز فاسد فى ناس زي الفل كثيير ونيتها خير زيك ، و كل اجهزة مصر فاسدة ومن ضمنها جهاز الشرطة ودي مفهومة وبالتالي مش محتاج تنكر او تدافع عن اخطاء غيرك فى مكان عملك.

فالله يخليك مش عاوزين تعريض ب "افلام" و "حماس" و "مليشيات الإخوان" والكلام الحمصي دة ، انت تقدر تقرأ الاحداث اللى حصلت لوحدك ، لما "ريسك مرتين" مرة من ناحية انه القائد الاعلي لهيئة لشرطة ، ومرة من ناحية انه رئيس الجمهورية "محمد مرسي" يكون معتقل سياسي ومفيش ورقة تثبت انه كان معتقل وهو وغيره دة يدل على النظام كان ماشي ازاي وان كان فى ناس بتتاخد وميتعرفش راحت فين ، والسجن طلع كله والاهالي اللي طلعته وارجع لمكالمة قناة الجزيرة اذا كنت معترف بيها.

ومن الآخر كدة لو فى دليل ان الاخوان ولا حماس اللى فتحت السجون فى ايد الشرطة او الجيش او المخابرات او اى جهة سيادية فى البلد دي ، او فى دليل انهم بيبيعوا البلد ويقطعوها وماشيين شمال ، او دليل على مين اللى قتل الضباط و الجنود بتوع الحدود ، كان زمان الجهات دي كلها خربتها عليهم والشعب هيكون معاهم وهو مغمض ، انما مادام كل الجهات دي ساكته ومطلعتش حاجة تؤيد الكلام المرسل بتاع فتي المصريين ، يبقي الناس دي معلهاش حاجة حتي يثبت العكس .

المهم دلوقتي صفحة جديدة ، ربنا يعينك ويوفقك ، واعذرني فى اللفظ "هتلاقي اشكال وسخة كثير" و هتلاقي ناس بتستفزك وهتلاقي ناس بتشتم بأقذر الشتائم ، انت راجل بتتعامل مع جمهور واصناف وانواع كل البشر ، حاول تتمالك نفسك وتمسك اعصابك واوعي تنسي انك بن ناس ، مش معني انك بتعامل عربجي انك تنزل لمستواه وتكون عربجي زيه ، اعرف انت مين وهو مين ، واذا طلع العيب من اهل العيب فمهوش عيب! ، لحد ما تعرف تطبق القانون بجد واى كلب يقل ادبه او يخالف القانون تربيه بالقانون بردو وضبط ورقك وشغلك وخلي اجراءاتك كلها تمام وقانوني ومظبوطة علشان اللى تجيبه النيابة متعرفش تسرحه.

مشكووور حضرتك على مرورك وعلى كلامك
وان شاء الله حال البلد يتصلح للاحسن وربنا يسترها ان شاء الله

**eng/ahmed_go** · 16-05-2013 08:56 PM

شوف يا ريس انت زي اخويا الصغير فتقبل مني النصيحة اولا متخليش نفسك عشان دخلت الكلية تبرر لغيرك اللي عملو او تضحك على نفسك وعلى غيرك وانا هحاول اديك امثلة سهلة عشان اوضحلك الفساد اللي موجود في خريجي كل الكليات العسكرية
1-روح عند اي معسكر امن (جيش او شرطة) وشوف كمية العربيات المفيمة انا مش هقلك صحابي والكلام ده لاء انا بقولك شوف بنفسك وانت تعرف اذا كانت الحكاية ظاهرة ولا لاء وطبعا مش محتاج اقول ان ازاي تكون بتطبق القانون وانت اللي مفروض تنفذه العقوبة ساعتها مفروض تكون مضاعفة
2-الالفاظ الخارجة اللي على لسان اي ظابط واكنها هيا اللي هتخليه راجل ومتحاولش تبرر انا رحت دول كتير ومشفتش الظاهرة دي منتشرة غير في مصر
3-كتير من ضباط الشرطة (الكلام ده من واحد صاحبي عمه ضابط رتبة كبيره هوا اللي بيجيب لابوه (ابو صاحبي) المخدرات كنوع من المجاملة
4-حاول تثبت على مبادئك ومتخليش نفسك تمشي مع التيار

**eng/ahmed_go** · 16-05-2013 09:02 PM

المشاركة الأصلية كتبت بواسطة ahmed air

لا يا كبير الناس فهمت وعرفت كويس اوى اوى مين اللى طلع المساجين من الاخر الناس اللى كان لها مصلحه من كده وعلى رأى المثل خرج من السجن واتعين رئيس حسبى الله ونعم الوكيل

سؤال معلش هوا ليه السجن الظالم لاي حد غير الاخوان يبقى راجل مناضل وثوري انما سجن مرسي بالظلم يبقى ساعتها ابن سجون (بالرغم ان ده شرف ليه) وافكرك بالاية ((لا يجرمنكم شنئان قوم علي الا تعدلوا اعدلوا هو اقرب للتقوي))
قصدي حتى لو اختلفنا مع الاخوان بلاش نسلب تاريخهم في الكفاح والنضال ضد الظلم ببينما كتييير مننا كان عايش حياته مبيفكرش غير فنفسه وعيلته