ازاي امنع الموبايل من الدخول علي الانترنت

السلام عليكم
انا عندي مشكلة و اني لما ببقي قاعد في البيت ببقي فاتح الوايرلس بتاع الموبيل بس ساعات بيفصل و بلاقيه داخل علي انترنت الموبايل العادي و يخصم من رصيدي ازاي امنع حاجة زي كده
ملحوظة : موبايلي 5530 اخو 5800 الصغير !

امسح نقاط الوصول

اقتباس:

---

امسح نقاط الوصول

---

فعلا خش وامسح اى ip او dns او لو معرفتش تمسحهم اكتب اى ارقام وسيفها مكانهم وشكرا على كده

ياباشا حاجة بسيطة ادخل على Setting ثم network وقوم بالغاء حزم البيانات ( packet data )

وشكرا

شكرا ليكم يا جماعة انا فعلا عملت كل الكلام ده بس ساعات بلاقيه كونكت مع انترنت الموبايل العادي !

اقتباس:

---

المشاركة الأصلية كتبت بواسطة diablo1231

شكرا ليكم يا جماعة انا فعلا عملت كل الكلام ده بس ساعات بلاقيه كونكت مع انترنت الموبايل العادي !

---

ماهو انت لمه تمسح نقاط الوصول دى مش هينفع يدخل خالص لازم تستلم رسائل ضبط الخدمه من الشركه تانى وتحفظها

تمام يا فندم الف شكر مبقاش فعلا يدخل علي نت الموبايل شكرا :) !!

كان فى حل افضل من انك تلغى الاكسس خالص وتضطر تتصل بخدمة العملاء عشان يبعتولك رسايل ضبط النت والكلام ده انا معايا 5800
والحل
هو انك تدخل على
settings
connectivity
destinations
internet
تختار اكسس الشبكة بتاعتك دوس عليه
المفروض الaccess point name
مثلا عندى internet.vodafone.net
هتعمل حاجة بسيطة خالص هتشيل الدوت وهتبقى كده
internet.vodafonenet
ومش هيدخل نت من الشبكة تانى غير بمزاجك انت تحط الدوت تشيل الدوت
ومتنساش تعمل نفس الحكاية كده مع wap service
وبنسبة لشبكات الوير ليس اللى محفوظة
العب فى اسم الشبكة ومش هيلقط منها