سلام عليكم و رحمه الله و بركاته
انا كنت عايز اعمل ايدل ليرن لعوامه البنزين بس عندي مشكله عبيطه قوي
مش عارف افك الكنبه بتاعت العربيه و اتفرجت على المواضيع اللي هنا بس معرفتش اوصل ل حاجه
محدش عنده شرح ب الصور او فيديو يشرح ازاي افك الكنبه؟؟
عرض للطباعة
سلام عليكم و رحمه الله و بركاته
انا كنت عايز اعمل ايدل ليرن لعوامه البنزين بس عندي مشكله عبيطه قوي
مش عارف افك الكنبه بتاعت العربيه و اتفرجت على المواضيع اللي هنا بس معرفتش اوصل ل حاجه
محدش عنده شرح ب الصور او فيديو يشرح ازاي افك الكنبه؟؟
القاعدة بتتشد لفوق من اطرافها اليمين و الشمال و فى النص هتلاقى مسمار 17 لازم تفكة... دة بيبقى باين من الحتة اللى بين القاعدة و الضهر
MMamdouh
بص انا هقولك على حاجة
انا كنت هرفعلك صور بالشرح ازاى تفكها
بس رجعت وقولت انى لو عملت حاجة زى كدا هبقى بضرك بشكل غير مباشر
لان فك الكنبة بالنسبة لفك العوامة ولا حاجة
بمعنى انك مش عارف تفك الكنبة ؟؟؟؟؟؟؟؟؟؟
يبقى هتفك العوامة بطرمبة البنزين.......!!!!!!!!!!
انا مش قصدى اقلل منك
ابدا والله
بس انا خايف تبوظ حاجة بس
ممكن تخلى اى كهربائى يعملهالك مش هياخد 10ج وبالمرة تشوفة وهو بيفك الليلة كلها قدامك
وربنا يوفقك
انا كنت داخل اشوف الموضوع علشان استفاد بس مع احترامي الشديد لحضرتك ولمواضيعك المميزة الي بتفيدنا كلنا. انا بسوق بقالي 3 سنين بس اتعلمت فيهم حاجات كتير في الميكانيكا وكان معايا ابيزا كنت بفك العوامه وغيرت الشريحة بتاعتها وكمان كنت فكيتها اكتر من مرة مش مرة واحدة . ودلوقتي معايا النوبيرا ومن ساعة ماجبتها عملت فيها صيانات كتير بنفسي والي ساعدني في كده المنتدي هنا ان كل الي بيكون عارف معلومة بيقولها للناس يعني تنظيف بوابة وايدل وشغل الصيانات البسيط ده كلو عملتو. وكمان نضفت مكنة ازاز وخلتها تشتغل بعد ما كانت بتركن. حاجات كتير بعملها واتعلمتها من هنا من المنتدي. بعد كل ده انا لغايه انهارده مش عارف افك الكنبه في النوبيرا.
متابع الموضوع علشان احاول اعرف الكنبه بتتفك ازاي
مش واخد بالك
مهو فك الكنبة سهل جدا وممكن اقوم دلوقتى اصور الطريقة والشرح
علما بانة حاجة تافهة جدا
بس مش دة القصد
اللى بعد كدة.....؟؟؟؟؟؟؟؟؟؟؟؟؟؟؟؟
هينطر الفبرة المدورة اللى فوق الطرمبة
وهيستخدم مفك عدل او اجنة وشاكوش عشان يحرر الفرام الحديد اللى ماسك الطرمبة من فوق بالدق بالشاكوش بميل
وبعدين هيحرر خرطومين للبنزين من الكلبسات
وبعدين هيحرر الفيشة
ويدفنهم ما بين التانك وجسم العربية
وبعدين هيطلع الفرام الحديد المدور
وبعدين هيبدأ يطلع العوامة بحرفة
وبعدين يخيلها تصفى البنزين
وبعدين يطلعها برة خالص
وبعدين يوصل فيشة الكهرباء بتاعة الطرمبة
وبعدين يفتح كونتاك
وبعدين يعمل لرن للعوامة
ولازم يكون حد معاة
عشان لما ييجى يقفل الفرام الحديد المدور لازم حد يكون ضاغط لة
عشان الفرام الحديد يخش فى المشقبيات
كل دة والراجل مش عارف يفك الكنبة الخلفية
على العموم لو صاحب الموضوع مصمم ويتحمل نتيجة المجازفة
يقولى وانا هرفعلة موضوع بالصور والتفصيل الممل
بس هيبقى موضوع لوحدة
وهيكون يوم السبت ان شاء الله
هوا اولا بس اسمحلي اقولك الف الف الف الف الف الف الف الف الف مليون شكر لحضرتك
لانك خايف عليا و ديه حاجه بصراحه يعني اشكرك جدا عليها بجد و ارفعلك القبعه احتراما ليك
ثانيا هوا في شرح موجود عن بقيه الحاجات اللي هتعمل موجود في المنتدىو مخزنه عندي
و هتبع الطريقه كامله لو حضرتك شايف انه بلاش احسن معنديش مشكله هيا الفكره اني
كنت بعملها في 128 بس الكنبه كانت مخلوعه اصلا :d لكن اللانوس مش عارفلها طريقه
و اشكرك على ذوقك العالي و زي ما قولت لحضرتك لو شايف انها مش هتبقى كويسه ليا
مش لازم لو عادي مفيهاش مجازفه كبيره قوي قولي و اعملها و شكرا
العفو يا اخى الفاضل
احنا كلنا هنا بنساعد بعض
وبالنسبة للكنبة انت مبتفكهاش كلها
انت بترفع الشلتة اللى بنقعد عليها (اللى تحت) من عند مكان الاقدام بس بايدك عادى جدا لفوق
هتلاقيها طلعت فى ايدك
بس مش دى القصة
القصة انى خايف انك وانت بتدق بالشاكوش والمفك انة يفلت منك تكسر المواسير او الفيشة
دة غير حاجة بسيطة اوى
ان المفك اللى انت هتستخدمة لازم يكون حديد فى حديد
يعنى ميكونش المقبض بتاعة كاوتش عشان ممكن ينكسر
انت روح لكهربائى ولو مفهمش كلمة لرن قولة عايز اختبر العوامة بس ولما يفكها ابقى اعمل لرن ليها
هياخد منك 10 ج ولو طماع قوى هياخد 20 ج
وهتشوف الدنيا كلها وهيا بتتفك وتتجمع قدام عينك
وساعتها هتفهم قصدى
وربنا يوفقك
و اللى يدق يدق بصبر سنة سنة وهى هتيجى معه