افيدونى يا رجاله النوبيرا

**Mr.Lawyer** · 16-05-2013 04:15 PM

بسم الله الرحمن الرحيم

بصراحه انا من فتره بدور على عربيه لانوس 2 او نوبيرا 2 بحاله جيده ونضيفه ، وزى ما انتو عارفين السوق الايام دى شادد حيلو شويه ومليان تجار بالهبل وكميه التوكيلات اللى ف العربيات لا تحصى وكل ما الاقى عربيه حلوه ، لازم تكون رخصتها بعيده ونقل الرخصه مليان حوارات وخاصه ان دى هتكون اول عربيه ليا ومش عاوز اتبهدل وادوخ وعشان مطولش عليكم ، انا فى واحد زميل ليا ف الشغل معاه نوبيرا2 موديل 2000 فيها مكنه 1500 سى سى كامله وعرضها عليا بس على كلامه ان العربيه ممتازه ولكن ماتورها خفيف ، غير كدا تمام ولسه شاددها ويضمنها وع كلامه ان الافضل لى انى اجيب ماتور جديد وخلاص ، فحبيت اعرف راييكم فى العربيه دى وهو الماتور يعمل كام وهل هجيب ماتور بس ولا اجيبه بالفتيس بتاعه ولا اعمل ليها عمره ولا ابعد عنها خالص لانها هتفتح بوقها زى ما بيقولوا ، بصراحه انا لسه ماشوفتهاش فهل تستاهل انى اكشف عليها واشوف حالتها ولا حكايه الماتور دى تخلينى ابعد عنها افضل ؟؟؟؟ ولو اخدتها هتصرف قد ايه يعنى ، واشتريها منه بكام بالحاله دى ؟؟؟ مع العلم انى من طنطا فهل فى ناس كويسه فى تصليح النوبيرا ولا هسافر بيها ؟ اتمنى تفيدونى وانا بثق جدا فى ارائكم القيمه

مع تحياتى

**Ahmed Nasser** · 16-05-2013 04:29 PM

بص ياباشا لازم تعرفنا العربية دى حالتها عاملة ايه
عداد الكيلومتر عامل كام
فبريكة خوارج ودواخل ولا لأ
عفشة وكاوتش عاملة ايه
والموتور خفيف ازاى هيحتاج شنبر وخلاص ولا هيبقى عمرة كاملة
واتوماتيك ولا منوال
واخيرا العربية دى جاية من برة لانها بموتور 1500
شوف لو لسة فيها حظر ولا لأ

**kagawa** · 16-05-2013 04:32 PM

ياعم الحاج انت رايح تشتري عربيه مركونه جنب الرصيف

...

...

**Mr.Lawyer** · 16-05-2013 05:53 PM

المشاركة الأصلية كتبت بواسطة ahmed nasser

بص ياباشا لازم تعرفنا العربية دى حالتها عاملة ايه
عداد الكيلومتر عامل كام
فبريكة خوارج ودواخل ولا لأ
عفشة وكاوتش عاملة ايه
والموتور خفيف ازاى هيحتاج شنبر وخلاص ولا هيبقى عمرة كاملة
واتوماتيك ولا منوال
واخيرا العربية دى جاية من برة لانها بموتور 1500
شوف لو لسة فيها حظر ولا لأ

شكرا لردك ،، العربيه انا هشوفها يوم السبت ان شاء الله والتفاصيل دى كلها هعرفها من صاحب العربيه ،،، اللى انا اعرفه ان زميلى دا شاريها من شهرين تقريبا بعقد مسجل وبالصدفه انا كنت ف الشهر العقارى وشوفته وهو بيعمل العقد ،، يبقى كدا على ما اعتقد انها مش عليها حظر

معلش يا ريت توضح ايه الفرق بين العربيات الجايه من برا والعربيات اللى فى مصر ؟؟؟؟

شكرا مره تانيه لذوقك

**Mr.Lawyer** · 16-05-2013 05:58 PM

المشاركة الأصلية كتبت بواسطة kagawa

ياعم الحاج انت رايح تشتري عربيه مركونه جنب الرصيف

...

...

اولا شكرا لردك

ثانيا ع فكره انا مش عم ، وللاسف لسه محجتش

ثالثا العربيه شغاله وبيمشى بيها مش مركونه جمب الرصيف زى ما بتقول بس بيقولى بأمانه الماتور خفيف

رابعا بصراحه انا اول ما اتعرض عليا العربيه حبيت اتناقش فيه مع اعضاء المنتدى اللى بعتبرهم زى اخواتى

خامسا شكرا مره تانيه لتشريفك موضوعى

**kagawa** · 16-05-2013 06:18 PM

المشاركة الأصلية كتبت بواسطة l_Khaled_l

[/color[d]ثانيا ع فكره انا مش عم ، وللاسف لسه محجتش
]

اولا: مساء الفل

ثانيا: ربنا يكتبهالك وتحج ان شاء الله واهي طلعت من بقي يعني لو حصل ليا في ذمتك دعوه حلوه هناك اجيب ix 35 .زيرو

ثالثا: لو فكرت تجيب عربيه ماتورها مفوت تبقي عمنا كلنا

رابعا: احنا قلبنا عليك مش اكتر لان اللي اول مره يجيب عربيه لازم تكون سلسه ومافيهاش مشاكل كتير وخصوصا مشاكل الماتور والسخونه لانه ماتور يعني بور وتكييف ودينمو وطلمبه ميه و... و..... علشان ماتتعبش من اولها

خامسا : انا مش ببالغ لما قلت مركونه جنب الرصيف لان العربيه اللي محتاجه عمره او ماتور جديد بتمشي يوم وتتركن خمسه

سادسا: لما من دلوقتي ردك سخن كده من قبل ماتشتريها امال ها تعمل ايه لما الماتور يسخن
وتقف جنبه لما يبرد .. ها تعمل ايه ؟؟

سابعا:: شكرا للسيد المراقب لايقاف العضو kagawa اسبوع

..

..

**Ahmed Nasser** · 16-05-2013 06:20 PM

المشاركة الأصلية كتبت بواسطة l_khaled_l

معلش يا ريت توضح ايه الفرق بين العربيات الجايه من برا والعربيات اللى فى مصر ؟؟؟؟

شكرا مره تانيه لذوقك

النوبيرا 2 اللى جاية من برة بتكون بجنوط 14 و15 سبور وبتكون بفوانيس عدسات
وطابلوة لونة بيج ومطعم بالابانوس وتكييف تاتش وعدادات لونها اشيك واجمل
وفية منها نازل باير باج واى ابى اس وطارة مالتى فانجيشن وسخنات للكراسى
وموتور 1500 سى سى 110 حصان وموتور تانى 1600 115 حصان

من الاخر تقفيل وجودة وخامات غير اللى متقفلة هنا فى مصر

**Mr.Lawyer** · 16-05-2013 06:54 PM

المشاركة الأصلية كتبت بواسطة kagawa

اولا: مساء الفل

ثانيا: ربنا يكتبهالك وتحج ان شاء الله واهي طلعت من بقي يعني لو حصل ليا في ذمتك دعوه حلوه هناك اجيب ix 35 .زيرو
ربنا يكتبهالى ويكتبهالك ان شاء الله ....

ثالثا: لو فكرت تجيب عربيه ماتورها مفوت تبقي عمنا كلنا
الموضوع وما فيه ان عربيه اتعرضت عليا فحبيت استشير اعضاء المنتدى الكرام
رابعا: احنا قلبنا عليك مش اكتر لان اللي اول مره يجيب عربيه لازم تكون سلسه ومافيهاش مشاكل كتير وخصوصا مشاكل الماتور والسخونه لانه ماتور يعني بور وتكييف ودينمو وطلمبه ميه و... و..... علشان ماتتعبش من اولها
شكرا ع النصيحه
خامسا : انا مش ببالغ لما قلت مركونه جنب الرصيف لان العربيه اللي محتاجه عمره او ماتور جديد بتمشي يوم وتتركن خمسه

سادسا: لما من دلوقتي ردك سخن كده من قبل ماتشتريها امال ها تعمل ايه لما الماتور يسخن
وتقف جنبه لما يبرد .. ها تعمل ايه ؟؟
ردى سخن ؟؟؟؟ انت تعرف وزير الاعلام ولا ايه

، ربنا يبعدنى ويبعدك عن مشاكل العربيات ويكفينا شرها
سابعا:: شكرا للسيد المراقب لايقاف العضو kagawa اسبوع
انا معنديش فكره انت قصدك ايه بالموضوع دا
..

..

شكرا لأهتمامك ونصحيتك

ف انتظار باقى نصائح اعضاء المنتدى الكرام

**Mr.Lawyer** · 16-05-2013 06:57 PM

المشاركة الأصلية كتبت بواسطة ahmed nasser

النوبيرا 2 اللى جاية من برة بتكون بجنوط 14 و15 سبور وبتكون بفوانيس عدسات
وطابلوة لونة بيج ومطعم بالابانوس وتكييف تاتش وعدادات لونها اشيك واجمل
وفية منها نازل باير باج واى ابى اس وطارة مالتى فانجيشن وسخنات للكراسى
وموتور 1500 سى سى 110 حصان وموتور تانى 1600 115 حصان

من الاخر تقفيل وجودة وخامات غير اللى متقفلة هنا فى مصر

يا ترى نوبيرا 2 اوروبى تستاهل انى اجيبها واسقطلها ماتور ؟؟ ولا ابعد عنها افضل ؟

ولو هسقط ماتور 1500 2 كامه ، يا ترى يعمل كام ؟ والافضل يكون بالفتيس حتى لو كان الفتيس اللى فيها حلو ولا عادى اسقط ماتور بس بدون فتيس ؟؟

ومعلش تعبك معايا بكتر الاسئله

شكرا لك مقدمــــا ،،

**Ahmed Nasser** · 17-05-2013 11:02 AM

لو حالتها كويسة هاتها
بالنسبة للموتور ممكن تلاقية عايز شنبر بس
اما لو عايز تسقط ماتور هتجيب شورت بلوك (موتور من غير ادوات التغذية) وهيكون عامل 2000 ويزيد شوية
دة لو المتور اللى فى العربية جايب اخره