سؤال مهم حول تسخين الموتور ؟

**neejm** · 16-05-2013 04:15 PM

السلام عليكم
هل تسخين السياره لدرجة الحراره الثابته يوميا بالصباح مفيد للموتور فى البروتون او اى سيارة اخري او بالاحري السؤال حول السيارات الحديثة عامه ؟
فى انتظار خبراتكم و اطلاعاتكم وشكرا

**tutankhamoun** · 16-05-2013 04:45 PM

30 ثانية و تطلع بدون ضغط على الموتور لغاية ما يوصل لحرارته الطبيعية في أقل من 40 ثانية تانية .

التسخين ده أهلاك بنزين

و مكتوب كدا في الكتالوج .

**tutankhamoun** · 16-05-2013 04:46 PM

أنا باتكلم عن لاعربيات الحديثة طبعا مش القديم .

**yousefsemsem** · 16-05-2013 05:08 PM

انا مثلا بتاخد دقتين علي ما المؤشر يطلع مكانه الطبيعي بس ممكن اتحرك بالعربيه عادي قبلها بس مش بقرص عليها

**أحمد عبدالله** · 16-05-2013 05:23 PM

عادى

**EL DEEB** · 16-05-2013 06:51 PM

انا هافهمك الموضوع وانت قرر انت عايز تعمل ايه :
بص يا سيدي .. المحرك بيتكون من مواد كتيير من المعادن يعني الومنيوم وصلب وظهر وسبايك متكون من كذا معدن وحاجات من دي كتيير , كل المعادن بتتمدد بالحراره وتنكمش بالبروده بس طبعا لكل معدن معامل تمدد يعني الومنيوم اكتر معدن بيتمدد , بيتمدد جامد اوي والظهر اقل معدن بيتمدد علشان كده مكونات العربيه بتكون معموله بنسب معينه علشان لما تتمدد تبقى مظبوطه بظبط والمقاسات سليمه جدا وده بيحصل لما درجه حراره العربيه تكون في درجه حراره التشغيل العاديه يعني في النص كده او قبله بشويه , بساتم العربيه لو شوفتها بعدسه وهي بارده بيكون شكلها بيضاوي تقريبا بس لما بتسخن بيكون شكلها دائري مظبوط , ده معناه اني لو قرصت على العربيه او حملت عليها وهي بردانه هايحصل تاكل للمحرك بزياده وممكن لا قدر الله يكسر او يشرخ البساتم وده الي حصل معايا علشان مش كنت بسخن العربيه وبمشي بيها على طوول

نصيحه مني :
دور العربيه تسخن على ماتكون نظفت العربيه والدواسات واي كلام من ده مش هاتخسر حاجه لو اتاخرت 10 دقايق زياده اعتبر انك وقفت في اشاره او الطريق كان زحمه

ارجو ان اكون قد افدتك

**besso** · 16-05-2013 07:24 PM

العربيات الحديثه مابقاتش بتاخد وقت على ما تسخن بالكتير دقيقه دقيتين حسب العربيه

علشان بقى فيه انظمه واطرق تسخن العربيه بدون ما انت تدخل
يعنى كنترول العربيه بيضخ بنزين اكتر فى الموتور لفتره معينه علشان العربيه تسخن فكأنه هو اللى بيزود بنزين بدون ما تدخل انت

**ELBERMAWY** · 16-05-2013 07:34 PM

السياره لا تحتاج تسخين نهائي اول ما تدور امشي علطول وده مكتوب في يوسر مانوال للسياره وانا متاكد تماما ....وشكرا

**eng.m7md.ali** · 16-05-2013 08:14 PM

انا بعمل الحركتين دول

لما بسخن العربية قبل مااتحرك لحد النص بلاقي العربية انعم وصوت الموتور اوطى .. اما لو دورت و 30 ثانية ومشيت بلاقي العكس .. اعتقد استهلاك البنزين لا يذكر بين ال2