الموضوع: الحمد لله كملت السنتين

طبعا كله مستغرب كملت سنتين ايه بالظبط D:

اقولكم كملت سنتين ايه

كملت سنتين بالظبط مروحش لاي حلاق احلق عنده سواء شعر ولا دقن

اوعى تكون فاكرني بعمل زي الراجل الي في الصوره ههههههههههه لا تابع الموضوع وتعرف



للأسف مفيش حلاق عدل الي يهمك في الحلاق موضوع النضافه + يكون شاطر + الوقت



طبعا في ناس كتير للأسف بتحلق بالعده بتاعت الحلاق وده اكبر غلط

بالنسبه للنضافه حتجيب عدتك ويحلق بيها ماشي بس في مره وهو بيحلق عور صباعه وطبعا

دم جه عليا هههههههههههههههه الله العالم بقى الحلاق عنده مرض ايه. D:

ولا لو عنده مرض جلدي معدي اكيد حيعديك مفيش كلام

وطبعا بعضهم تحس عنيهم وحشه خصوصا لو شعرك تقيل وكثيف لازم يديك العين التمام D:

زائد انك ممكن تنسى تجيب الفوطه معاك فا بيظبطك بالفوطه الي نشف بيها مصر كلها

او لما يغسلك شعرك يحطك تحت الهير شور وراسك تلزق فيه اكيد مطرح 100 راس بني ادم

حطوا راسهم مكانك

طيب شاطر مظنش لازم يسيب حته مش مظبوطه او مقصر شويه

من هنا ولا هنا وميعملش الي في دماغك او طلع شكلك غلط ههههههههههه

بالنسبه للوقت لسى حتروح عند الحلاق ويمكن تستنى ويقعد يصدعلك راسك حكاوي

ولسى حتروح البيت عشان تستحمى ويسلا لو يوم عيد على الانتظار D:

بقيت احلق في البيت طبعا حتقول دقن ماشي طيب شعر حيبقى ازاي

بسيطه سيبك من مايكنات الحلاقه العاديه ديه وحقولك تختار ازاي ماكينة حلاقه للشعر

اولا : لازم تجيب ماكينة حلاقه تكون مخصوصا للشعر ..

لازم يكون ليها قطع معينه بتركب للشعر ويكون المقاس بتعها اقل حاجه 30 MM

الي عندي 45 م م جبتها من برا

عموما في مصر اقصى حاجه حتلاقيها في مصر هيا ال 30 او 35 الفيليبس

وفيه ماركات تانيه بس اهم حاجه تجيب اقصى طول 30 او 35 او 40 او 45

متقلش عن كده ومش مهم تمنها كام لانها حتوفر وقت

ومتنساش تنقي الي بيجي معاها قطعه لحلاقة الدقن وتنعيمها زي الموس



وده فيديو ليها

Philips Norelco QC5055 Clippers Review - YouTube

طبعا 45 م و 35 م ده يعتبر الشعر طويل وكويس جدا يعني مش قصير زي ما حد فاكر

طبعا طريقة الحلاقه سهله اظبط الطول الي يعجبك واتبع الخطوات

بل شعرك ونشفه كويس وخليه متساوي

وخلي الشعر متسرح في اتجاهه مش تخليه العكس

واتبع الخطوات في الفيديو ونصيحه مني لما تيجي تحلق الجزء الي قدام وفي النص

وحتيجي تحلق ورا متكملش لغاية جبهة الراس الا لما تنيم شعرك الي قدام وفي النص والجناب

عشان يكون كله سوا بعض

How to cut hair with clippers, the new simple way. - YouTube

فيديو كمان

Good Stylist haircut training video - YouTube

بالنسبه للدقن امرها سهل بالقطعه الي بتيجي زي حلاقة الموس واعمل بيها

وريح نفسك ووفر وقتك وسيبك من عدم نضافة بعض الحلاقين ووجع الراس والانتظار

وياريت لو فيه حلاقين معانا هنا محدش يدعي عليا هههههههههههههههههههههههه

واتمنى لكم حلاقه ممتعه