دفعت رشوه بسبب الفاميه

**amrrageb** · 16-05-2013 06:05 PM

هوة الثورة

يوم الثلاثاء كنت راجع من البلد ورايح العريش واخد طريق الكريمات لحد القاهرة والدنيا زى الفل عادى زى كل مرة.

طلعت من البوبات بتاعة حلوان كدة وابص اللقى لجنة قلت كويس اهى حاجة تحسس الواحد بالامان المهم دخلت عليهم ووقفت امين الشرطة قالى رخصك قولتلة اتفضل بص فيها وقالى يا بشمهندس الرخصة مفيهاش ان الزجاج ملون قولتلة فعلا انا مفيم علشان زى محضرتك شايف بنتى نايمة فى الكرسى اللى ورا واحنا فى صيف وبسافر المنيا العريش يعنى بتسلق انا والعيال فى الشمس قالى ملناش دعوة هتدفع غرامة فورية 100 جنية او نسحب الرخصة وتروح تاخدها من المرور بتاعك
قولتلة فى حل تانى قالى بهمس كدة هات 50 جنية وعدى

الحل التانى كنت رافضة تماما انى اروح المرور لانى بسافر شهر ففضلت ادفع 50 جنية بس بجد ندمت ندم شديد انى دفعتها بجد من وقتها وانا مضايق جدا المبلغ اللى كان معايا وقتها مكنش هيكمل الغرامة الفورية

بجد بجد الزبالة هتفض زبالة وديل الكلب عمرة مايتعدل لابثورة ولا حتى بتغيير دم ولا حتى اعضاء

**hossam_elwani** · 16-05-2013 06:28 PM

اعتقد ان الخمسين دول المفروض بإيصال رسمى

**amrrageb** · 16-05-2013 06:35 PM

ياباشا ال50 دى خدها رشوة

**truss** · 16-05-2013 06:35 PM

اكتر لجان بكرهها بتاعت طريق الصعيد (الكريمات او الطريق القديم) اخر مرة سافرت عليه فى الشتا الحمد لله ما كانش فيه ولا لجنة.
لكن من غير زعل الفاميه غلط و المفروض عليه غرامة, هات ستاير كبس احسن.

**amrrageb** · 16-05-2013 06:43 PM

المشاركة الأصلية كتبت بواسطة truss

اكتر لجان بكرهها بتاعت طريق الصعيد (الكريمات او الطريق القديم) اخر مرة سافرت عليه فى الشتا الحمد لله ما كانش فيه ولا لجنة.
لكن من غير زعل الفاميه غلط و المفروض عليه غرامة, هات ستاير كبس احسن.

انا معترف انة غلط انا كل اللى ضايقنى انة ولا اكن فى اى حاجة حصلت فى البلد بالعكس حصل خراب وبس

**Survival** · 16-05-2013 09:09 PM

طيب حضرتك زعلان ليه مع انك بتشجعه على انه يستمر فى اللى بيعمله. انا شايف من وجهة نظرى انك غلطت مرتين اول مرة لما خالفت القانون و ركبت فاميه من انى شايف انه قانون اهبل زى اللى حطه لان مدام سمح لعربية تبقى بزجاج ملون يبقى يسمح لكل العربيات الاخرى بالاخص ان الصيف عندنا صعب و تانى مرة لما وافقت تدفع رشوة.
معلش تقبل كلامى بسعة صدر
و على رأي المثل امشي عدل يحتار المرور فيك.

**amrrageb** · 17-05-2013 09:34 AM

المشاركة الأصلية كتبت بواسطة survival

طيب حضرتك زعلان ليه مع انك بتشجعه على انه يستمر فى اللى بيعمله. انا شايف من وجهة نظرى انك غلطت مرتين اول مرة لما خالفت القانون و ركبت فاميه من انى شايف انه قانون اهبل زى اللى حطه لان مدام سمح لعربية تبقى بزجاج ملون يبقى يسمح لكل العربيات الاخرى بالاخص ان الصيف عندنا صعب و تانى مرة لما وافقت تدفع رشوة.
معلش تقبل كلامى بسعة صدر
و على رأي المثل امشي عدل يحتار المرور فيك.

زى محضرتك قولت قانون اهبل ملوش اى تلاتين لزمة والغلطة التانية اللى مزعلانى انى اضطريت انة اشجعة زى محضرتك قولت بس للاسف مكنش فى حل تانى فى وقتها