ممكن اعرف سعر هوينداى النترا 2013

**FOREX EAGLE** · 17-05-2013 04:26 AM

الف مبروك عليك مقدما ...بس حبيت انبهك لنقطه مهمه جدا : انهارده انا كنت برخص النترا فولي لودد 2013 وقعدت 3 ساعات ف المرور استني الرخصه وفي الاخر اتاخرت اوي سئلت النقيب الي هناك قالي في مشكله ف العربيه بالذات الالنترا ...لازم يتاكدوا انها مش مسروقه لان في 8 عربيات بحاله الزيرو كان مسروقين وهما مترخصوش لسه ..وكمان بيغيروا رقم الموتور والشاسيه ويعملو موتور وشاسيه جديد ...فخد بالك وحاول تتاكد من المرور ف النقطه دي اوي انها مش مسروقه ودي فعلا كانت من المالك الي انت اشتريت منه ...حبيت انبهك بس للنقطه دي وربنا يديك خيرها ويكفيك شرها ان شاء الله ..ودي وتقديري

**devil_storm** · 17-05-2013 09:55 AM

سعرها كويس جدا و كده لما تحب تبيع مش حتخسر فيها و يمكن تكسب كمان... الف مبروك

**baherhassan30** · 17-05-2013 03:57 PM

مبروووووووووووووووووووووو وووووووووووك
ربنا يكفيك شرها ويطعمك خيرها

**TawdeeB** · 17-05-2013 04:18 PM

الله يبارك فيكم بس انا شاريها من معرض بيبيع مستعمل ومسلملى كل حاجة من المرور والرخصة وبراءة الذمة انقل بس ملكية وخلاص وعلى فكرة انا جربتها امبارح اول مرة فى حياتى اسوق كورى طول عمرى سايق هوندا بس الهوندا هوندا معلش فى راحة الصالون من جوة وعداد التابلوة احسن بس الهوينداى احسن فى شكل الكاسيت بالتكييف وضيقة شوية عن الهوندا بس فيها اوبشن احلى والعفشة كويسة مش ناشفة اوى والعزل كويس والفتيس برضة حلو