Home - Toshiba 3D LED TV
حد يعرفله سعر
ياريت ضرورى
Home - Toshiba 3D LED TV
حد يعرفله سعر
ياريت ضرورى
سمعت اشاعه ان هو 18 الف والله اعلم
كنت امبارح ف كارفور وسألت عنه.. السيلز الي هناك قالي بينزل 55 بوصه.. ب 60 الف جنيه !! مش عارف بصراحه دا سعر حقيقي ولا افتكاسه
هو لسه ما نزل
وسعره فعلا هيعدى ال50 الف
هياخد وقته وهينزل سعره جدا لحد ما شركه تانيه تضرب الفكره
ههههههههه
أنا اللى قلت ممكن أجيبه
تم حذف الفكره من دماغى
استنى سنتين وهيبقى ب 3000 بس
بس حد قرأ عنه يا جماعه ؟ يعني حد يعرف الميكانيزم اللي شغال بيه ؟
اللي اعرفه إن فيه كاميرا بتتبع الوجه عشان لو غيرت وضعك وانت قاعد الكاميرا تتبعك وتنقلك ال 3d في اي مكان تبقي فيه
معتقدش انة حينجح اصلا
لان ال 3d الباسيف تحديدا لعبه lg وبس
ولو فى مجال انها تدمج عدسة النضارة فى الشاشة وتخرج الصورة بنفس الجودة كدة وانت لابس النضارة مكنتش ترددت لحظة انها تعملها
انا شوفت الجهاز فى مول العرب فى شو روم كانوا عاملينوا او بيعملوة يوم الخميس والجمعة تحديدا وبصراحة مشدنيش خالص
عند السامسونج ال es8000 برقبتة وب 14 الف ال 46 و 23الف ال 55 وانا شايف انة رقم واحد فى العالم حاليا وبعدة ال جى lm 9600 ودة ال 55 منة ب 20 الف ومنزلش منة تقريبا 47 لسة ودة بيستخدم تقنية جديدة اسمها النانو ليد
ههههههههههه مش للدرجة دى ولا 10 الاف اصلااقتباس:
المشاركة الأصلية كتبت بواسطة prince91720
على فكرة ال rate تقريبا بقى ثابت فى اسعار التليفزيونات ولفترات كبيرة جدا
انا كان عندى ال جى lm 6610 كنت شارية من اكتر من سنة تقريبا اول ما نزل كان ب 9000 جنية
النهاردة بعد سنة كاملة ونزول موديل احدث منة سعرة فى كارفور او سبينس او هايبر 8990 :)
فكرة انخفاض الرهيب دة مش موجود فى الاجهزة ال high end بالعكس السعر بيفضل ثابت ولو نزل على مدار السنة بينزل الف او اتنين بالكتير وبعد السنة ما تخلص الموديل الاحدث بينزل بنفس سعر الموديل القديم او اعلى قليلا والقديم بيختفى من السوق ويتوقف انتاجة
دة الاتجاة العام دلوقتى فى كل التكنولوجى عموما موبيلات تابلت تليفزيونات ....... الخ
معلش استشاره يا فندماقتباس:
المشاركة الأصلية كتبت بواسطة mido_soliman
ايه اخبار ال 47 lm6610 بعد استخدام سنه لانى بفكر اجيبه الايام دى
وايه الموديل الاحدث اللى نزل من ال جى ويكون نفس المقاس 47
+111111111111111111اقتباس:
المشاركة الأصلية كتبت بواسطة ahmed r08
يعد استخدام سنة الشاشة زى ما هية وتقييمى ليها انها جيدة جدا ومش ممتازة بالنسبالى انا طبعا وبالنسبة لاستخدامى لاكتر من شاشة قبل كدة والاحدث منها هى ال lm 9600 ودى منزلش منها غير ال 55 بوصة وتمنها 20 الف جنية ودى بتستخدم تقنية النانو ليد الجديدة من ال جىاقتباس:
المشاركة الأصلية كتبت بواسطة Ahmed R08
عموما رنج السعر اللى حضرتك حتضحى بية فى التليفزيون هوة اللى حيحكم ياريت لو تقول انت ممكن تدفع لحد كام واهم حاجة استخداماتك لية حتبقى مختصة باية ؟
نفس انطباعي بالظبط لما شفته في مول العرب. قلتله هوه ال 3d شغال كده؟ قالي اه قلتله السامسونج es8000 برقبته. أنا عندي ES8000 ال 46 بوصه السامسونج وكل اللي بيشوفه بينبهر بدقه الصوره والاضاءه حتى أخت مراتي وجوزها كل ما ييجو يقولولي شغلنا فيلم 3d عشان نتفرج ومره كان فيه فيلم فيه سمك وبنتي قعدت تمسك بايديها السمك في الهوا قدام التليفزيون.اقتباس:
المشاركة الأصلية كتبت بواسطة mido_soliman
بس انا متوقع ان التكنولوجيا دي تتطور ويبقى متوفر من كل الماركات ويوصل لنفس كفائه اللي بنضاره ويمكن اكتر.
انا بفكر جديا فى الجهاز دة قريب ان شاء الله ياريت تدينا تقرير بسيط عن ال 3d مقارنة بال جى لو كنت جربت ال جى فى ال 3dاقتباس:
المشاركة الأصلية كتبت بواسطة Ahmed_Adham
انا عارف ان نضارة سامسونج الجديدة حلوة وخفيفة اوى ومش متعبة زى الموديلات القديمة لكن انا عايز اسال على موضوع الزغلله والصداع والكلام دة لسة موجود ولا انتهى
واية رايك فى المباريات الكورة
هل فى تغبيش او تظليل بيحصل فى الشاشة فى الحركات السريعة ؟
ربنا يباركلك فيها شاشة تحفة بجد
+11111111111اقتباس:
المشاركة الأصلية كتبت بواسطة mido_soliman
ياريت تقرير وبالصور وبالمعلومات الممله كمان
ربنا يبارك لك فى الجهاز يارب
منتظرين ان شاء الله يا استاذ احمد
اقتباس:
المشاركة الأصلية كتبت بواسطة mido_soliman
مش عارف أقولكو ايه يا جماعه. الجهاز ممتاز جدا وهوه أعلى جهاز في سامسونج بما ان مفيش فئه أعلى من ال 8 الا الفئه 9 اللي نزل منها جهاز واحد 75 بوصه وسعره فوق الخيال. أنا مجربتش 3d غيره بس أنا واخد قرار اني مشتريش أي تليفزيونات غير من سامسونج بعد ما كنت جايب قبل كده lcd من توشيبا ومعجبنيش في الاضائه بتاعته (كان توشيبا رجزا) وبعدين جبت سامسونج lcd سيرس 4 وعجبني جدا مع انه بنفس الفئه السعريه بتاع توشيبا رجزا بس فرق الصوره واضح.اقتباس:
المشاركة الأصلية كتبت بواسطة طارق _عبد السلام
جبت بقى سامسونج es8000 في شهر 7 اللي فات وعلى فكره مكنش شوفته عند حد قبل كده بس انا كنت لسه مجهز شقه وقلت مش هحس بالشقه الجديده الا بتليفزيون جديد فاديتها سيرش على أمازون
Amazon.com: Samsung UN46ES8000 46-Inch 1080p 240Hz 3D Slim LED HDTV (Silver): Electronics
هتلاقو في الصفحه دي تحت مقارنه بين فئات سامسونج من أول الفئه 4 لحد 8 وكل جهاز فيها وسامسونج عامله معيار غير التردد اللي بالهرتز (اللي بالمناسبه في التليفزيون ده 240 هرتزمش 120 زي اجهزه تانيه) والمعيار ده اسمه CMR وطبعا الفئه التامنه هيه اعلى درجه في المعيار ده 960.
الصوره ممتازه ومفيش فليكر في الصوره أبدا. أنا مش كييف كورش فمش بشوف فيه كوره خالص بس بلعب بلاي ستيشن ألعاب اكشن وشوتينج وبشوف أفلام أكشن ومفيش أي مشكله الصوره سريعه والاضاءه قويه والتليفزيون فيه أوبشنز بالعبط وصوته ممتاز جدا وممكن تحول صوره عاديه الى 3d بس مش بتبقى حلوه زي لما تكون الصوره 3d من الاساس وبنزل أفلام 3d من على النت وبتشتغل عليه عادي والترجمه العربي شغاله تمام وفيه تكبير للخط بتاع الترجمه وبرنامج الفلاشه حلو وممكن تشغل صور مع أغنيه slide show وتختار تأثيرات تتابع الصور.
بييجي معاه ريموتين. واحد عادي وواحد تتش بس أنا بستخدم العادي عشان كل استخدامنا للريموت هوه زرار الباور واحنا بنتفرج على التليفزيون الا لما بشغل الفلاشه بحتاج ريموت التليفزيون. الريموت التتش شبه مفيهوش زراير واستخدامه ليه طريقه غريبه شويه كنت لعبت بيه شويه أول ما جبت التليفزيون وبعدين ركنته.
بالنسبه للنت أنا مش عارف أشغله عشان معنديش الا usb بتاع فودافون وطالع عيني عشان أدخل dsl ومش عارف أركب خط أرضي عشان مفيش بوكس على البيت وده طبعا حارمني من امكانيات كتير في التليفزيون. التليفزيون فيه مكان يركب فيه واير نت وفيه وايرلس built in بدون الحاجه للدونجل وبالمناسبه الكاميرا مش بتشتغل الا لما يكون فيه شبكه نت وده تقريبا العيب الوحيد اللي أنا شايفه في التليفزيون غير كده التليفزيون ممتاز والموديل ده يعتبر البورش والفيراري بتاع التليفزيونات.
هوه صنع مصر على فكره وسعره بره نفس سعر مصر بس لو هتجيبه من بره هتدفع جمارك وشحن فشراه من مصر احسن. فيه ميزه كمان فيه وهيه evolution kit ودي قطعه اضافيه في حجم راوتر كده بتركب ورا التليفزيون وكل سنه سامسونج هتنزل منها اصدار. فايدتها ايه؟ بتعمل تحديثات هاردوير للشاشه وده مختلف عن تحديث السوفتوير اللي ممكن تنزله من على النت. يعني لما سامسونج تعمل تكنولوجيا جديده في جوده الصوره مثلا بدل ما تجيب تليفزيون جديد تجيب الكيت دي وتبقى عملت أبجريد. فيه ناس جابتها بره مصر وبتقول انها ملهاش لازمه وفيه ناس بتقول انها حست بفرق بس أنا معتقدش ان هيبان جدواها الا لما يفوت كام سنه على التليفزيون يعني كمان 3 سنين الواحد ممكن يجيب أخر اصدار ليها وقتها وفي الغالب هيكون فيها جديد.
بالنسبه للنضارات وال 3d فمفيش زغلله الا لما يكون فيه اضاءه قويه يعني أحسن 3d لما يكون النور مطفي انما وهوه منور مش بيبقى فيه اندماج منك في الاحداث قوي. النضارات أنا مجربتش غيرها قبل كده بس هيه خفيفه ومش بتتعب خالص (انا مش بلبس نضاره نظر على فكره فلو كانت بتضايق كنت هحس بسرعه) بس مش بتتشحن ولكن شغاله بحجاره صغيره مبططه كده وبتيجي معاها. التليفزيون كان معاه 4 نضارات.
كنت جايب فيلم ........ary عن البحر والاسماك وكل ما نشغله بنتي تقف قدام التليفزيون وتمسك السمك في الهوا (وهيه لابسه النضاره) وفي فيلم سبايدر مان أخر واحد كان وهوه بيطير بتحس انه هينط في وشك وفيلم final destination 5 لما كان الكوبري بيقع كنت تحس ان سيخ الحديد هيدخل في عينك. لاء تليفزيون عيشه عيشه وأنصح أي حد عايز 3d محترم انه يجيبه.
عندي تحفظ بسيط. ممكن يكون فيه موديل تاني سواء من سامسونج او غيرها أقل شويه في السعر وبامكانيات قريبه الى حد ما فأنا مجربتش عشان احكم لكن لو هنتكلم عن es8000 بالتحديد فهيه دي كانت تجربتي.
ملحوظه أخيره: التليفزيون سعره نزل بره حوالي 400 دولار فمتوقع نزول سعره في مصر قريب بس هوه لحد 3 أسابيع بالظبط كان لسه على سعره 14 ألف بالنسبه لل 46 بوصه.
لو فيه أسئله عن حاجه مجتش في التقرير اسألوني.
نسيت أقول حاجه. هوه فيه تحكم بالتليفزيون من خلال الصوت او حركات الإيد كمان بس مش بستخدمهم عشان الواحد بيغير القنوات ويعلي ويوطي الصوت من الريسيفر وكل اللي بيحتاجه من التليفزيون زرار الباور بس ممكن تطفيه وتشغله بصوتك بدون الريموت تقوله tv power off أو tv power on.
تكنولوبيا...
يا جماعة طب انا اشتريت سامسونج بلازما + e490 دلوقتي جربت اعرض عليه 3d ومش حاسس بفرق يعني نزلت lion king hbs و دمج الصورتين وبشغل النضارة والنغمشة بتروح بس مش حاسس بأي 3d غير لما كنت في الستور كان 3d زي الفل !!!!
لما بتدوس على زرار 3d في ريموت التليفزيون بيطلع 3 اختياراتاقتباس:
المشاركة الأصلية كتبت بواسطة mohaakotb
أول واحد في اليمين صورتين تحت بعض
اللي في النص صورتين جنب بعض
اللي على الشمال مكتوب عليه 2d to 3d
لو منزل الفيلم من على النت اختار الاختيار اللي في النص
لو الفيلم أصلي أو اسطوانه بلاي ستيشن اختار الاختيار اللي على الشمال
تمام مانا بعمل كده وزي ما قلت الصورة بتندمج فعلا !! بس مش حاسس بأي 3d
ممكن تقولي انت بتسغله ازاي من فلاسة ولا من اللاب علي طول ؟ وجايب الكابل منين ؟
العيب من الفيلم بتاعك نزل حاجة فيها 3d قوى زى avengers او final distination 5 او saw5 او titanic او journey to the mysterious island 2 ونزل الفيلم باكبر حجم تقدر تنزلة وعيش :)
وفى finding nemo كمان وهمى :)
انت قصدك الاحجام ال 20 جيجا وكده ؟ ده انا اقعد سهرين انزل في فيلم :)
ومقولتليش بتشغل الفيلم ازاي من فلاشة ولا من اللاب
انا بشغل الافلام من الفلاشه وبالنسبه للبلاي ستيشن عندي كابل Monsterاقتباس:
المشاركة الأصلية كتبت بواسطة mohaakotb
يا ريت بقى حضرتك تقولنا على موقع افلام جامد 3d
ده الموقعاقتباس:
المشاركة الأصلية كتبت بواسطة M.ABDOU
Browse Movie - YIFY Torrents
ودي الافلام ال 3d
Browse Movie - YIFY Torrents
هى الافلام دى مترجمه بالعربى ولا لا؟اقتباس:
المشاركة الأصلية كتبت بواسطة ahmed_adham
نزل الترجمه من Subscene - Passionate about good subtitlesاقتباس:
المشاركة الأصلية كتبت بواسطة ahmedfathi
شكرا جدا علي المشاركة ا احمد ادهم بس انت قلت "الصوره ممتازه ومفيش فليكر في الصوره أبدا. أنا مش كييف كورش فمش بشوف فيه كوره خالص بس بلعب بلاي ستيشن ألعاب اكشن وشوتينج وبشوف أفلام أكشن ومفيش أي مشكله الصوره سريعه والاضاءه قويه والتليفزيون فيه أوبشنز بالعبط وصوته ممتاز جدا وممكن تحول صوره عاديه الى 3d بس مش بتبقى حلوه زي لما تكون الصوره 3d من الاساس وبنزل أفلام 3d من على النت وبتشتغل عليه عادي والترجمه العربي شغاله تمام وفيه تكبير للخط بتاع الترجمه وبرنامج الفلاشه حلو وممكن تشغل صور مع أغنيه slide show وتختار تأثيرات تتابع الصور.
"
تكبير خط الترجمة من فيلم علي قناة فالدش ولا فيلم شغال من فلاشة ولا ايه بالظبط؟
من فيلم على الفلاشه وله فايل ترجمه منفصل عشان لو الترجمه مطبوعه في الفيلم (زي الافلام في الدش) التليفزيون مش هيعرف يغير فيها.اقتباس:
المشاركة الأصلية كتبت بواسطة windofchange
استاذ احمد هل علشان اشوف فيلم ثرى دى على التلفزيون سامسونج لازم انزله على الفلاشه الاول ولا ممكن ادخل على الموقع من التلفزيون واشوفه اون لاين
وهل يوجد خاصيه فى التلفزيون نفسه بالبحث عن الافلام الثرى دى نفسها ومشاهدته اون لاين؟؟؟
انا لحد دلوقتي مشغلتش النت على التليفزيون عشان عندي النت على usb بس الجهاز فيه براوزر ولو فتحت اليوتيوب مثلا هتشوف أي فيديو عادي. مش عارف فيه أفلام 3d للبث المباشر ولا لاء بصراحه بس اللي أكيد وجربته انك تنزل الفيلم تورنت على الكمبيوتر وتشوفه من الفلاشه.اقتباس:
المشاركة الأصلية كتبت بواسطة M.ABDOU
تمام انا نزلت ice age وشوفته .. فيه فعلا 3d بس بردو مش مبسوط :) يعني غير تجربة السينما خاااااالص !!
بس افلام yify بتبقي باين فيها ال 3d ولا كلها هتبقي زي lion king