سلام الله عليكم
بإذن الله بعد جولة في عالم السيارات شوفت السبع دوخات فيهم من تويوتا لهوندا لسكودا لرينو لميتسوبيشي
رجعت في الأخر برضه لتويوتا خاضعا لقوانين السوق المصرية
فإن شاء الله ناويين نجيب تويوتا كورولا لكن دي أول مرة نشتري زيرو فمحتاج مساعدتكم
أشتري منين أضمن وأفضل مكان ويكون تسليم علطول مش متأخر
وأخبار التقسيط إيه عايز أعرف نظامه بيكون إزاي يعني لو مثلا هدفع 100ألف وأقسط الباقي هتكون نسبة الفائدة كام
عرفوني الموضوع من طأطأ لسلامو عليكو
وشكرا لكم جزيلا
ليه هى تويوتا وحشه دى برنس اليابانى بعد الهوندا طبعا :00020140:اقتباس:
المشاركة الأصلية كتبت بواسطة الصيداح
ممكن طبعا تشترى من الوكيل مباشرة ولكن اظن ممكن تشترى من الموزعين ارخص وية
بس هو حضرتك شوفت الشكل الجديد نزل
والله يا غالي أنا اللي عرفته إن الشكل الجديد هينزل على أخر السنة دي وناس شغالين في مصنع تويوتا اللي بيجمع الفورتيونر قالي أكيد هيغلوها من 15 لعشرين ألف فبصراحة هتبقى غالية قوي وكفاية هي غالية لوحدها
فإن شاء الله هجيب الموديل ده وخلاص ولا ايه رأيكم
حضرتك ممكن تجيبها من التوكيل او اى موزع معتد زى البرجسى مثلا ومحترم جدا جدا
الفرق فى السعر مش كبير وانما الفرق فى ميعاد الاستلام وتاخد اللون اللى حضرتك عاوزه
الف مبروك مقدما ومن خلال تجربتى مع التوكيل بجد محترمين جدا جدا بقالى معاهم اربع سنين
لو حضرتك مقرر الشراء ممكن اديلك تليفون صديق لى فى المبيعات فى التجمع الخامس وممكن يساعد بقدر الامكان
يا ريت والله يا OilMan أنا فعلا ناوي ونزلت أستفسر من التوكيل امبارح اللي في العباسية بس رحت متأخر
وأعطوني كارت أحد مسؤولي المبيعات بس لسة مكلمتوش
أنا فعلا عايز أخلص الموضوع في أقرب فرصة
بانتظار ردك يا غالي
لك رساله برقم التليفون على الخاص بالتوفيق
شكرا يا غالي ربنا يكرمك
الوكيل من الاخر