الموضوع: بفكر ألغى حجز ix35 هاى لين

إحنــا الوحدين هنا فى مصر لمــا الدولار يرتفع سعره كــل حاجة يرتفع سعـــرها , و لمــا يقل سعر الدولار الحــاجة تفضل زي ما هى على سعـــرها , و علي فكــرة ده مش في الســـيارات فقط ده ممكن حضــرتك تقيسه على كل السلع , ده جشــع تجـــار علي ثقـــافة الســـرقة المتأصلة عندنا , طبعا و دون أدنى تفكير ما تشتريهاش وهو الخســـران ولو كل الناس عملوا زى و ما حدش إشتـــرى مش ها يعرف يبيع كويس فى الموديل ده وثمنها على فــكرة مبالغ فية أوى , على فكـــرة فولفــو منزلة شــوية موديلات تحفة فنية وقطع غيارها أرخص من هــيونداى وكفايه أن فولفو أحسن سيارة سيفتى فى العــــالم.

الغى و هات قاشقارى ب 185 الف ...فرق 60 الف مش قليل و القشقاى سقفها البنوراما تحفة ...و فى الاخر يبانى و تبعد عن غبور

المشاركة الأصلية كتبت بواسطة tiggosaid

انا معاك ان الموضوع يغيظ ، وان كان زيادة 5000جم بالنسبة 235000جم موش نسبة كبيرة الا انة تصرف فية استغلال،بس اهدى شوية وفكر بالعقل وبلاش تتسرع،،، لو لغيت الحجز وفكرت فى عربية تانية،لو كنت مستقر على نفس الاستيل الـ (suv) قتكون المقارنة محصورة فى التؤام بتاع الهيونداى ، الاسبورتاج ،،، حجز 7 شهور وزيادة العن من زيادة غبور وفورى بزيادة 15-20 الف جم.
لو رحت للقشقاى باعتبارها الاقرب ، واعتقد ان ترتيبها بالنسبة ليهم 3،هتكون نزلت شوية فى المستوى (رؤيتى الشخصية وممكن تكون غلط).
لو سبت العربيات المنتشرة ورحت للسوبارو ممكن تكون ارخص (على الرغم من انها ممكن تكون افضل)، بس قلة انتشار وقطع غيار واعادة بيع،،،،،،، الخ. اعتقد اختيار (بالنسبة لسوقها فى مصر) موش الافضل.
لو دخلت فى قصة المستعمل (انا شخصياً ما بفضلهاش خصوصاً لو الزيرو بمستوى الix35).
وبعدين انت عايش فى مصر والسوق فى مصر كلة كدة ، يعنى لو سبت غبور ورحت لحد تانى هتلاقى نفس التصرف (كلة زفت)، وكمان بلاش تجيب عربية موش مقتنع بيها أوى عند فى غبور او اى واحد،،،،،،،،،،،،،،
طالما استقريت على الهيونداىix35 متحيرش نفسك تانى، وتوكل على الله اعتقد انها افضل المعروض حالياً فى الفئة دى، ولو الزيادة موش مناسباك ، خليك فى الفئة التانية(بس لو موش هتفرق معاك ، الهاى لاين مميزة اكتر).
معلش هو دى السوق وطالما انت عايش فى البلد ، لازم تتعايش مع ظروفها(مهببة او حلوة).
ربنا يوفقك للخير ان شاء الله، وطمنا،،،،،،،،،،،،،،

كلام مظبوط 100% ولو صممت على الغاء الحجز تكون حضرتك مقرر ومتفق ومظبط مع معرض تانى وتكون شايفها امامك او متاكد من المعرض ...انا فى نفس الموقف وكنت حالغى وفى اخر لحظة رحت المعرض التانى للتاكد من وجود السيارة وطبعا طلعت وقت الجد تبخرت وكان المعرض الثانى حيقعدنى جانبه من الأول.....فعلا البلد تغيرت اشمعنى يعنى سوق العربيات ما يتغيرش

المشاركة الأصلية كتبت بواسطة tamerosman

الغى و هات قاشقارى ب 185 الف ...فرق 60 الف مش قليل و القشقاى سقفها البنوراما تحفة ...و فى الاخر يبانى و تبعد عن غبور

قشقاى رسمى اكثر من 220 ولو حتروح معرض تاخذها فورى فيه عشرة كمان...