وداعا بنزينات شل ...

**Land_Cruiser** · 17-05-2013 12:18 AM

المشاركة الأصلية كتبت بواسطة محمد يوسف

المهم زيت شل يفضل موجود

حسب المكتوب المفروض انهم هيركزوا علي الزيوت و بالتالي ان شاء الله الزيوت موجوده و اعتقد ان السبب في القرار هو الارباح من البنزينات اكيد كانت ضعيفه او احتمال كان فيها خساره وده عالميا مش عندنا بس و لذلك أخذوا الخطوه الصعبه دي

**Elsebily** · 17-05-2013 12:19 AM

بصراحه تجربتي وتجارب ناس اعرفهم مع توتال مش كويسه ربنا يستر

**Land_Cruiser** · 17-05-2013 12:27 AM

المشاركة الأصلية كتبت بواسطة miceg

مشكور ياوليد باشا على الخبر
والجماعة دول فالبيزنس مبيرحموش وعمره ماهيفكر يعمل كده الا اذا حسبها وعرف انه هيكسب مليارات

اكيد طبعا الموضوع متعلق بالربح و الخساره خاصه ان مكسبهم من بيع البنزين قليل قوي و بيعتمدوا في الربح علي الخدمات التانيه زي غسيل و تنظيف السيارات و تغيير الزيت و ضبط الهواء و الواضح. ان الحاجات دي ما بقتش بتكسب بالاضافه الي ظهور الكاركير و ناس كتير بقت بتتعامل معاهم و ضروري الحاله الاقتصاديه العالميه ليها دور في تقليل استخدام الخدمات دي

المشاركة الأصلية كتبت بواسطة أحمد عبدالله

ما السبب

الربح و الخساره

المشاركة الأصلية كتبت بواسطة drmagieed

بنزينات توتال عن تجربة أفضل من شل!!!

البنزينات المجدده بتاعه توتال كويسه عن تجربه فعلا

**rahmanboud** · 17-05-2013 12:44 AM

بنزينات توتال ممتازه وبما ان شل لن تتخلى عن زيوتها الموجوده بالسوق تبقى خسارتنا مش كبيره لأن زيوت شل ممتازه

**المنسي** · 17-05-2013 01:57 AM

شكرا لنقل الخبر واعتقد ان توتال مش هتبقى غبية ولازم هترتقى لمستوى اعلى من شل علشان تضمن تحقق ارباح

**adelghanem** · 17-05-2013 02:34 AM

المهم بنزينات توتال دلوقتى حتبيع منتجات شيل ولا لا

**Land_Cruiser** · 17-05-2013 02:39 AM

المشاركة الأصلية كتبت بواسطة م/مصطفى محمود

انا اتعاملت م شيل مصطفى النحاس أكتر من مرة واتخنقت منها جدا جدا

8 يقفوا على العربية مصممين يبيعولك حاجه بأسلوب مستفز

شل الطيران افضل شوية

فعلا هو الموضوع بيختلف من بنزينه للتانيه من حيث المعامله و احيانا جوده البنزين نفسه و بالنسبه لموضوع جوده البنزين بيبقي باين من ريحته فهناك بعض البنزينات ممكن البنزين فيها يبقي ريحته زي التينر و احيانا كان بيبقي سولار ايام ما كان موجود و طبعا اعراض التلبك المعوي بتظهر علي السياره علي طول فتبقي تقيله كأنها وزنها ١٠٠ طن او مفيش فرق بين السرعات مع النقلات و صوت الموتور يعلي و الاعراض اياها بتاعه البنزين المضروب

**Land_Cruiser** · 17-05-2013 02:48 AM

المشاركة الأصلية كتبت بواسطة adelghanem

المهم بنزينات توتال دلوقتى حتبيع منتجات شيل ولا لا

الزيت هيفضل موجود في السوق عادي جدا زي ما قالوا بس لسه محددوش اذا كانت توتال و لا غيرها اللي هيوزعوه بس الأكيد ان الزيوت المختلفه هتفضل موجوده عادي و حتي التركيز هيبقي منصّب عليها لانهم هيبقوا متفرغين ليها و اكيد طبعا أخدوا القرار بناء علي دراسات جدوي يعني مليون في الميه ده في مصلحتهم

**Land_Cruiser** · 17-05-2013 02:53 AM

المشاركة الأصلية كتبت بواسطة المنسي

شكرا لنقل الخبر واعتقد ان توتال مش هتبقى غبية ولازم هترتقى لمستوى اعلى من شل علشان تضمن تحقق ارباح

متفق مع حضرتك طبعا و خاصه ان في منافسين شرسين قدامها زي علي سبيل المثال لا الحصر إمارات مصر و وطنيه و بعدين في البنزينات اللي جددوها عاملين فيها شغل كويس و فيها مراقبين جوده و البنزين و الخدمه كويسين

-

الموضوع: وداعا بنزينات شل ...

LinkBack

أدوات الموضوع

عرض

-

-

-

المواضيع المتشابهه

Toyota Etios - وداعا لوجان ! وداعا ساجا ! وداعا للمنافسين !

بنزينات مصر للبترول!!!

بنزينات الفحص

وداعا اوماترا وداعا الفيات

الإسكندرية - بنزينات 80

الكلمات الدلالية لهذا الموضوع

المفضلات

المفضلات

ضوابط المشاركة