اقتباس:
المشاركة الأصلية كتبت بواسطة medo18
مبوك اولا
""ولقيت نفس الريموت ده بيتباع عند محلات المفاتيح المتخصصة وممكن يعدلك الشفرة على الريموت بتاعك ويعملك مفتاح جديد عليه وسعره يعمل في حدود 100 جنيه !!!""
ممكن تفاصيل اكتر لان انا مبحبش شكل الريموت اللي جاي معا العربية خالص يعني هوا هايشغاي نفس الانزار بتاعي بس عاي الريموت ده
اقتباس:
المشاركة الأصلية كتبت بواسطة mahmoud_afifi
الف مبروك يا أستاذ وليد على الانذار الجديد مش سرقة الريموت (اهو اديني وضحت مبروك على ايه :grin54: )
بس عاوزين بقى تفاصيل عن موضوع الانذار التاني الي بريموت زي بتاع الالنترا الشكل الجديد والسيراتو لأني بدور عليه بقالي سنيييين. سعره كام والمحل الي حضرتك جبت منه فين ؟ وجودة الريموت ايه ؟
انا ماعنديش مشاكل في الانذار بس عاوز الريموت مش اكتر :biggrin:
الله يبارك فيكم ...
بالنسبة للريموت ال فولدينج ده موجود عند بتوع عمل المفاتيح ...
طبعاً أنا من كثر المفاتيح اللي عملتها والكوالين اللي غيرتها بقيت خبير مفاتيح من الطراز الأول :3mla:
الريموت ده ممكن تنقل شفرة الريموت بتاعك عليه ودي بيعملها بتاع المفاتيح على الجهاز عنده .. , بشرط إن الريموت بتاعك يكون ريموت جهاز انذار موش أصلي , وده حال معظم عربيات غبور !!!
مركب الإنذار هنا !!!
إنما لو الإنذار أصلي مينفعش معاه الحكاية دي ...
وممكن تتحكم في كل زرار تبقى وظيفته إيه ؟
يعني أنا الريموت الجديد زاد زرار الوضع الصامت والريموت الفولدينج فيه 3 زراير بس وهم فتح وقفل والشنطة ..
لغيت الشنطة وخليت زرارها يبقى الوضع الصامت ..
والشنطة لو ضغطت على زر الفتح ثانيتين بتفتح عادي ..
بالنسبة للمفتاح يا تديله واحد من اللي معاك ويكسره ويعمل له خرم صغير جداً ويركب السلاح بتاعك مكان السلاح اللي جاي مع الريموت ..
أو ممكن يعملك سلاح جديد ويركبه للريموت ...
جودة الريموت معقولة أعتقد أفضل من اللي بيجي مع الإنذار في بعض موديلاته !!!
لكن طبعاً جودة مختلفة خالص عن بتاع الفولكس والأوكتافيا !!!
الراجل قالي إنه ممكن يبوظ من الفيبر بتاع الريموت اللي ماسك السلاح بعد 6 شهور إلى سنة !!!
يعني لو جزء السلاح باظ حيفضل الريموت شغال بس مش حيبقى فولدينج !!!
للحفاظ عليه :
- افتح واقفل من الريموت بلاش من المفتاح .
- ما تتعافاش عليه وإنت بتدور .
- لو باظ بعد فترة ممكن الواحد يدور على فولدينج بس !!! , ده جه في بالي ..
حيبقى عندك البوردة والسلاح . وكفاية إنك عملت حاجة نفسك فيها ب 100 جنيه ...
كفاية إنك أشبعت رغبتك يعني :ma:
تحياتي ...