عملت حادثة باللوجان و التوكيل عايزها 3 شهور

**Mr.Mahmoud** · 17-05-2013 11:23 AM

السلام عليكم
أنا عاوز أشرككم في الموضوع المحير بتاعي ده
دلوقتي أنا عملت حادثة بالعربية
كنت بفادي واحد بيعدي الشارع و وقف مرة واحدة أدام العربية و كنت على الرابع تقريبا فكسرت شمال ثم يمين ثم دخلت في عامود النور في شارع التسعين في التجمع
الحمد لله أنا سليم و مفيش أي حاجة حصلت ليا بفضل الله تعالى
العامود دخل في سدر العربية .. يعني دخل من عند النمر كده .. الكابوت و السربنتينه و المروحة و الردياتير ادمروا طبعا
بس الحمد لله العربية بتدور و الخبطة موصلتش للموتور و لا البطارية .. بفضل الله يعني
المهم رحت بيها على التوكيل اللي في العبور زي ما خدمة الملاء قالولي .. قالي هتتكلف من 20 ل 30 ألف جنيه و هتقعد عنده من شهرين و نص ل 3 شهور .. و المهندس بتع التوكيل قالي إنها ممكن تتكهن ..
هو أنا مأمن على العربية .. يعني هدفع 10% من الفاتورة ..
المشكلة هنا هو الوقت الفظيع اللي العرببية هتقعد عندهم .. و برضه مش عارف هل بدفع الفلوس كلها للتوكيل و بعد كده التأمين بيدوهملي و لا فقط بدفع للتوكيل العشرة في المية دول ..
المهم شوفت ورشة كويسة ناس أصحابي بيشكروا فيها جدا .. الراجل قالي تقريبا هتتكلف 4 تلاف جنيه .. و هاخدها بعد أسبوعين تقريبا برضه ..
و طبعا في الحالة ديه هعمل مقايسة و أوديها للتأمين و التأمين يبعت مهندس يعاين .. أنا هدفع للراجل و بعد كده آخد فلوسي من التأمين .. بس مش عارف باخدها كلها و لا نسبة بس ..

المهم إنتو رأيكو إيه ؟؟ أوديها للتوكيل و استنى 3 شهور ( مع اعتبار إني هدفع 10% للتوكيل فقط لأني مش معايا المبلغ 20 أو 30 ألف اللي بيقولوه عليه ده )
و لا أوديها للورشة و آخدها بعد أسبوعين و أريح دماغي ؟؟

بجد أشيروا عليا لأني محتاااااااااااااار جدا

**Habd** · 17-05-2013 11:59 AM

مقدرش افيدك اوى بس لازم تكون عارف ان الورش بره اغلبها بتجر رجل الاول سوا بسعر قليل و وقت قصير يعنى الاسبوعين دول ممكن يوصلوا لشهر و شهر نص و ال 4000 ممكن يوصلوا ل 8000 عادى ما انت بتكون اتورطت معاه فلو هاتصلح بره لازم مكان يكون مضمون ميه الميه عشان متندمش

**alking_2006** · 17-05-2013 12:22 PM

توكيل طالما مأمن علشان تاخد حقك حتى لو هتستنى

**lad** · 17-05-2013 12:44 PM

لازم الراجل اللى بره يكون مضمون ميه فى الميه غير كدا لا لو مضمون اعملها عنده

**aboamina** · 17-05-2013 02:55 PM

اكيد التوكيل اضمن وافضل وبرة التوكيل اكيد اوفر...وماتستطولش الوقت لان الخبطة لو جامدة لدرجة خلت العربية رحلت لورا يبقى هتحتاج تقعد في زرجينة يعني عشان تطلع مظبوطة لازم تفضى العربية ويتحل الموتور وتقعد في الزرجينة فترة طويلة لغاية ماتتظبط تاني وطبعا ده كله هياخد وقت وهتعرف تحاسبهم على اي مشكلة عند الاستلام . بالنسبة لشركة التأمين كل شركة وليها نظامها انت روحلهم وصر على انهم يتعاملوا منهم للتوكيل . الحمد لله على سلامتك قبل اي حاجة

**Ahmed A Rahman** · 17-05-2013 03:33 PM

ممكن تكلم كريم منير انا عملت عرييتي عنده وخلصها في 5 ايام جنب العربية
خد رايه

**Sh_sunsea** · 17-05-2013 04:44 PM

حسب حضرتك مأمن مع شركة إيه أقدر أفيد حضرتك برأي في كيفية الاصلاح

**Mr.Mahmoud** · 17-05-2013 05:23 PM

المشاركة الأصلية كتبت بواسطة Sh_sunsea

حسب حضرتك مأمن مع شركة إيه أقدر أفيد حضرتك برأي في كيفية الاصلاح

مصر للتأمين

**Sh_sunsea** · 18-05-2013 01:31 AM

مصر للتأمين شركة كويسة لو عامل محضر ومظبط نفسك - صلحها في التوكيل - بس هاتدفع انت وتسترد 80% تقريبا من المبلغ الي هاتدفعه

لو فيه فرصة تتحسب Total loss - ياريت علشان الاصلاح في صدر العربية بيبقى سخيف وصعب جدا - وأصعب على من بخارج التوكيل والنتيجة غالبا مش هاتبىقى مريحة

اتعرضت لتجربة مشابهة وصلتها بره - ورغم جودة التصليح الا ان العربية ماطلعتش زي الاول وبعتها في الآخر

-

الموضوع: عملت حادثة باللوجان و التوكيل عايزها 3 شهور

LinkBack

أدوات الموضوع

عرض

-

-

-

المواضيع المتشابهه

عملت حادثة باللوجان

انا عملت حادثة باللوجان -قدر الله ومشاء فعل-

عملت حادثة باللوجان

عملت حادثة على الطريق الزراعى باللوجان ارجو الافادة

الحمد لله عملت حادثة و دى قصتى مع التوكيل و الجمعية المصرية

الكلمات الدلالية لهذا الموضوع

المفضلات

المفضلات

ضوابط المشاركة