المشاركة الأصلية كتبت بواسطة dr.mostafa anwar
أولا ألف حمدلله على سلامتك يا جميل
كان حصلي موقف مشابه لحادثة حضرتك بس كانت بنت من العرباوية على الطريق الزراعي في قويسنا.. عدت الحارة بتاعتي ونص الحارة اللي على يميني "كنت ماسك الحارة الشمال" وبعدين رجعت عليا وبيني وبينها مسافة صغيرة جدا فكسرت الدركسيون شمال على آخر ما عودي عشان أتفادها لكن قدر الله سبق اتخبطت من الناحية اليمين من الكبوت وأنا دخلت في الحاجز الخرساني الشمال على سرعتي والعربية اتقلبت بيا..
البنت الله يرحمها ويغفرلها ورحت القسم والنيابة واتعملي قضية جنحة قتل خطأ على الرغم زي ما حضرتك بتقول أنت ماشي سليم وقانوني وفي الآخر أخذت حكم سنة مع إيقاف التنفيذ والحمد لله
ودفعت تعويض لأهل البنت مع كافة تكاليف تجهيزها للدفن ونقلها لبلدها في سوهاج..