الحمد لله عملت حادثه عند كارفور

**HanyManssy** · 17-05-2013 12:39 PM

الحمد لله عملت حادثه عند كارفور يوم الاربعاء الساعه 5 مساء كنت قادم من الهرم فى اتجاه مدينه نصر على الطريق الدائرى و فى الملف بعد كارفور شاب بيعبر الطريق و كان متردد اخذ خطوتين للامام ثم رجع ثم بدا الجرى للامام اصطدمت به خبط بالكابوت و انكسر الزجاج الامامى و عوج طاره الدركسيون
ركنت السياره و طلبت الاسعاف كذا مره حضرت بعد حوالى 45 دقيقه
و حضر ضابط تامين الطريق قلت له نذهب للمستشفى قالى لا سنذهب للقسم شويه اجراءات بسيطه و بعدين روح المستشفى
تقريبا ثبتنى فى القسم لغايه ما ياتى التقرير اللى وصل 11 مساء الحمد لله بسلامه المصاب و اصابته بخلع بالكتف و تم رد الخلع ووجود كدمات و سجاحات
ومفيش نيابه مسائيه
و انتظرت النيابه الصباحيه 10 صباحا باخلاء سبيلى بضمان محل الاقامه و فحص فنى للسياره
وكيل النيابه قالى تابع علشان ده بقى قضيه اصابه خطا
و ذهبت للمصاب فى المستشفى و الحمد لله بحاله جيده و طلبت منه التصالح فى النيابه فشكرنى على وقوفى بعد الحادث و قالى ان شاء الله خير بس هو سيغادر المستشفى للمنزل
انا مش عارف اعمل ايه؟ يومين مروا كالكابوس؟
اول مره اتعرض لهذا الموضوع اعمل ايه؟

**Yoyo.yasso** · 17-05-2013 01:21 PM

الحمد لله جت بسيطة
ربنا يستر طريقنا جميعا حمد لله على سلامة حضرتك و سلامة المصاب

**kokowasfy** · 17-05-2013 01:34 PM

الف حمد اللة على السلامة
بس انا عندى نصيحة ليك حوال تاخد الواد دا على النيابة للتنازل فى اسرع وقت عشان ممكن يفكر يطمع فيك و يحاول يطلع بمصلحة منك و حاول متبينش انك خايف منة ولا اى حاجة و خصوصا انك مش غلطان واسف على الاطالة

**midooo_119** · 17-05-2013 01:53 PM

حمد لله عالسلامه حضرتك و سلامه الشخص المصاب .. اولا مفيش خطأ عليك لان الدائرى غير مخصص لعبور المشاه و فيه كوبرى مشاه للى عاوز يعدى .. انت عملت الى عليك و اتبهدلت على خطأ غيرك فخليه يتنازل و لو حسيت انه هيطمع فهمه انه مش هياخد لا حق و لا باطل لانه الى غلطان و كمان كبيرها لو ماتنزلش تعويض عبيط الحكومه الى بتاخده يعنى فالاخر هيبقى خسران .. فهمه كده و هو هيظبط معاك

**aymanshebl** · 17-05-2013 02:13 PM

مش هضيف حاجة بعد ما الاخوة اتكلموا لكن حمدلله على سلامتك و الشخص المصاب و ثق تماما انا ربنا هيوقف جنبك ما دام نيتك خير و سليمة و اخلاقك نبيلة و ما جريتش و ربنا يستر طريقنا جميعا و الف سلامة مرة تانية

**احمد نظمي** · 17-05-2013 02:17 PM

[SIZE="5"][COLOR="RoyalBlue"]احمد لله ع سلامتك وسلامة المصاب انت راجل محترم جدا في زمن قلة فيه الرحمة واحب اطمنك حتي لو ماعمش معاك مصالحة ولا هيحصلك حاجة وهطول عليك شويه واقولك سبب كلامي ايه( يوم 12 مايو 2009 اتوفي والدي في حادثة سيارة ميكروباص والدي مش غلطان 1% لانه كان بيعدي الاشارة وسواق الميكروباص قطع عليه الاشارة والسواق طبعا سلم نفسه في القسم وقعد 24 ساعة واتعملت قضية ولحد دلوقتي محصلش حاجة ولا هيحصل عشان احنا في مصر )

**aymanshebl** · 17-05-2013 02:41 PM

المشاركة الأصلية كتبت بواسطة احمد نظمي

[size="5"][color="royalblue"]احمد لله ع سلامتك وسلامة المصاب انت راجل محترم جدا في زمن قلة فيه الرحمة واحب اطمنك حتي لو ماعمش معاك مصالحة ولا هيحصلك حاجة وهطول عليك شويه واقولك سبب كلامي ايه( يوم 12 مايو 2009 اتوفي والدي في حادثة سيارة ميكروباص والدي مش غلطان 1% لانه كان بيعدي الاشارة وسواق الميكروباص قطع عليه الاشارة والسواق طبعا سلم نفسه في القسم وقعد 24 ساعة واتعملت قضية ولحد دلوقتي محصلش حاجة ولا هيحصل عشان احنا في مصر )

ربنا يرحم والدك و كل اموات المسلمين و الله الواحد بيتغاظ لما يشوف كم الاهمال و التسيب اللى بيؤدى الى كوارث و فى الاخر يقولك شعب طيب مال الطيبة بالاهمال و الخطأ و كسر النظام و القوانين

**HanyManssy** · 17-05-2013 02:45 PM

شكرا يا جماعه على ردودكم
بس بصراحه انا مش عارف اعمل ايه و مش بحب المشاكل و سكك الاقسام و النيابه حاجه تخنق
ربنا يستر طريقنا كلنا ان شاء الله

**HanyManssy** · 17-05-2013 02:47 PM

المشاركة الأصلية كتبت بواسطة احمد نظمي

[size="5"][color="royalblue"]احمد لله ع سلامتك وسلامة المصاب انت راجل محترم جدا في زمن قلة فيه الرحمة واحب اطمنك حتي لو ماعمش معاك مصالحة ولا هيحصلك حاجة وهطول عليك شويه واقولك سبب كلامي ايه( يوم 12 مايو 2009 اتوفي والدي في حادثة سيارة ميكروباص والدي مش غلطان 1% لانه كان بيعدي الاشارة وسواق الميكروباص قطع عليه الاشارة والسواق طبعا سلم نفسه في القسم وقعد 24 ساعة واتعملت قضية ولحد دلوقتي محصلش حاجة ولا هيحصل عشان احنا في مصر )

رحم الله والدك و جعل مثواه الجنه ان شاء الله