جهاز رفع الزجاج

**hamdy916** · 17-05-2013 05:44 PM

انا معايا اوبل فكترا 98 مانيول وكنت عاوز اعرف انا دلوقتى اما ادوس على السنتر بالريموت بيقفل عادى بس الازجاج مش بيرفع معا انى لو قفلت بالمفتاح بلاقى الزجاج بيترفع كله وبيقفل
وفيه حاجه تانية بردك لو الزجاج كله اترفع يقف لو حد حط ايده مثلا فياريت لو حد يقولى طريقه التوصيل عشان الزجاج يطلع بالريموت

**فادى محمد** · 17-05-2013 05:57 PM

-مكن الرفع عندك عاوز يتبرمج ..كالاتي
افتح الكونتاكت للتكه اللي قبل الدواره
ارفع الازاز بصوابعك من الزراير لغايه مايطلع لفوق
خليك دايس ع الزراير حتي بعد وصول الازاز لفوق لمده 3 ثوان
كده انت برمجت مكن الرفع هيطلع وينزل بتكه واحده من الزراير كذلك الريموت
-عند وجود عائق في مسار الزجاج اثناء الصعود الازاز بيقف او ينزل تاني
وده نوع من الحمايه علشان لو طفل مخرج راسه او حاجه (خاصيه انتي اوبجكت لوك)

**فادى محمد** · 17-05-2013 06:07 PM

مش عارف ..
استني باقي الرجاله

**hamdy916** · 17-05-2013 06:27 PM

المشاركة الأصلية كتبت بواسطة tarekzein

سلكه فاصله من الفيش اللى جنب الفتيس

روح لكهربائى يقيسهم ويشوف اللى فاصل يوصله

يعنى انتا متاكد من موضوع السلك الى فاصل ده اصل انا شاكك لان لو سلكه فاصله يبقى الزجاج مش هيطلع اما اقفل بالمفتاح او اما ادوس عليه مرة واحد لاكن هو بيطلع عادى

انا هقولك على معلومه يمكن تفيد العربيه ده كانت جايه ب2 زجاج امامى فقط وانا جبت الرباعى وركبته ومن ساعات ما جت وهيا كده بقول لو يوجد حل للموضوع ده ياريت

**tarekzein** · 17-05-2013 11:42 PM

بص هوه نفس قصه الزجاج ده حصل معايا فى العربيه بتاعتى

بس بشكل عجيب

مره القزاز يقفل بالمفتاح والريموت وبالزراير ﻷ ..واصلحه

يرجع يرفع وحدتين عكس بعض والتانيين ﻷ برضه وأصلحه تانى
ومره يرفع بالريموت والمفناح وتفصل الزراير اللى ورا متشتغلش

المهم فى كل التصليحات كانت بتتم من الفيشه اللى جنب عصايه الفتيس

نسيت أقولك عربيتى أوتو

المهم دى حاجه مش هتعرفها غير عند كهربائى

**tofy0123** · 18-05-2013 05:17 AM

المشاركة الأصلية كتبت بواسطة hamdy916

انا معايا اوبل فكترا 98 مانيول وكنت عاوز اعرف انا دلوقتى اما ادوس على السنتر بالريموت بيقفل عادى بس الازجاج مش بيرفع معا انى لو قفلت بالمفتاح بلاقى الزجاج بيترفع كله وبيقفل
وفيه حاجه تانية بردك لو الزجاج كله اترفع يقف لو حد حط ايده مثلا فياريت لو حد يقولى طريقه التوصيل عشان الزجاج يطلع بالريموت

معلش يا جماعه انتو اكبر خبره منى بس القصه دى انا اكتر واحد اقدر افيدكم فيها بحكم انى كان عندى عربيتان اوبل 95/97 وانا عملت الكلام ده فى عربيه ومعملتوش فى التانيه
الكلام اللى انتا بتقوله يا استاذ حمدى ده النظام الاصلى اللى عامله شركة اوبل
لو انتا عاوز الزجاج يرفع من الريموت يبقى لازم تروح لكهربائى متخصص اوبل عشان هيعملك تعديل فى ضفيرة الزجاج والسنتر
وده اللى عملهولى الكهربائى فى عربيتى ال95 بس اتباعت
اما فى العربيه ال97 الكهربائى عرض عليا يعملى التعديل بي انا رفضت
ملحوظه
الزجاج عندك بيرفع لما تقفل بالمفتاح ومش بيرفع لما تقفل بالريموت او حتى لما تقفل الشنتر بايدك ده هوه اللى عامله شركة اوبل مركبه حاجه فى كالون الباب بتشغل وحدة الرفع
ولو عاوز تتاكد من كلامى
اقفل بالمفتاح وقبل الزجاج ما بلحق يقفل خالص رجع المفتاح لوضع الخروج من الكالون هتلاقى الزجاج بطل يرفع وده ياكدلك ان ده فى كالون الباب بيشغل وحدات الرفع
لو عاوز رأى بقى بلاش تعملها عشان لو جهاز الانذار بيقفل السنتر وانتا عملت التعديل فى الضفيره هتلاقى الزجاج بيرفع وانتا ماشى بلاش هيضايقك فى الموضوع ده
اما موضوع الزجاج يبطل يرفع لو حد حط ايده ده نظام العربيه ومفيهوش تعديل ومينفعشى تغيره

**ayman hamdy** · 18-05-2013 12:21 PM

موضوع الزجاج يبطل يرفع لو حد حط ايده ده مش عندى ومش عارف ابرمجه الزاى انا عندى الزجاج بيرفع مع الريموت عادى وكمان بالمفتاح بيرفع عادى لما اقفل بالمفتاح بس موضوع الزجاج يبطل يرفع لو حد حط ايده ده مش عندي رجاء الافادة وشكرا

-

-

الموضوع: جهاز رفع الزجاج

LinkBack

أدوات الموضوع

عرض

جهاز رفع الزجاج - انشر الموضوع فى :

-

-

-

-

المواضيع المتشابهه

حد يعرف منين اجيب جهاز نقش على المعدن او الزجاج او الخشب

قدر الله وماشاء فعل - اخذت زلطة فى الزجاج الامامى تفتكره احقن الزجاج فين ؟

أكرة الزجاج الخلفي... وماكينة رفع الزجاج.

الكلمات الدلالية لهذا الموضوع

المفضلات

المفضلات

ضوابط المشاركة