السلام عليكم
انا انشاء الله قررت شراء سيارة جديدة والمبلغ المتاح وضعني بين اختيارات 4 وهم
1-لانوس شيقروليه
2-فيرنا
3-اسبرينزا 516
4-اسبيرنزا m11
وانا ميل اكتر للانوس بس سمعت انها مش كويسه بعد لما بقت شيفروليه و ان استهلاك البنزين عالي فارجو الافادة
عرض للطباعة
السلام عليكم
انا انشاء الله قررت شراء سيارة جديدة والمبلغ المتاح وضعني بين اختيارات 4 وهم
1-لانوس شيقروليه
2-فيرنا
3-اسبرينزا 516
4-اسبيرنزا m11
وانا ميل اكتر للانوس بس سمعت انها مش كويسه بعد لما بقت شيفروليه و ان استهلاك البنزين عالي فارجو الافادة
صلى استخارة وتوكل على الله وجيب فيرنا للأسباب دى :
1- عربية محترمة جدا وقطع غيارها رخيصة جدا ومتوفرة وتوكيلها محترم ولما تيجى تبيع مش حتخسر كتير
2- سمعت كتير جدا ان منصور شيفرولية لما اخد اللانوس دى من دايو غير فيها كتير للصينى ويصراحة انا كان معايا دايو لانوس ولما سوقت شيفروليه حسيت ان الدايو افضل بكتير لكن الشيفرولية تحس نفسك راكب صينى
-3 اما بقى للعربيات الصينى اللى بتتكلم عنها هى عربيات جميلة ومميزاتها اكتر من الفيرنا والانوس ولكن وحط تحت لكن بقى 20 شرطة سعر اعادتة بيعها غير اللانوس والفيرنا تماما وتقيلة فى البيع وقطع غيار الفيرنا واللانوس ارخص بكتير وكمان اى ميكانيكى حافظ اللانوس والفيرنا ويشتغل فيهم وهوه ومغمض لكن الأسبرانزا مضطر تروح التوكيل والتوكيل لازم يكسب وكله من على حساب الزبون يعنى من الأخر عربيات :10_1_104v[1]:
نصيحتى ليك خليك فى الفيرنا
راي تبص عالفيرنا برضوا
استهلاك البنزين فى الانوس بتاعتى 725 كيلو ب 60 لتر مع التكيف
والعربيه ممتازه ومفيش فرق بينها وبين الدايو وعن تجربه
الفيرنا والانوس الاثنين حلوين
ميزة الالنوس انها أوسع
ولكن تسمحلي اعرض عليك وجهة نظر تانيه
ماتفكر كده فنيسان صني استعمال موديل 2007 و2008 او 2009
هتركب عربية ياباني محترم
مش هتكلفك كتير لو حالتها كويسة فالصيانات
قطع غيار معمرة
سحب وثبات روعة
لو ربنا كرمك بمبلغ من المال لما تيجي تبيع مش هتخسر كيتر وهتدخلهم فعربية تاني
او تدخلهم ف رينو لوجان موديل حديث استعمال نضيف جدا
وفي النهايه القرار يرجعلك
حضرتك بنفس الملبغ دا تقدر تتكلم ف هيونداي الانترا اوتو او مانيوال موديلات 2007 او تتكلم ف مازدا 3 موديل 2007 2008
افضل الاربعة عربيات هي اللانوس
افضليتها عن الفيرنا ف الوسع والشياكة والثبات اعلى بكتير
اما مقارنتها باسبرانزا اسئل حد معاه اسبرانزا يفيد اكتر
بس رأي حراح تحط فلوسك عربيات زي دي وانت تقدر تركب النترا او مازدا 3 اكيد حد من صحابك عنده عربيه من دول جربها وانزل اركب لانوس او فيرنا هتكتشف ان اللانوس والفيرنا كنبة بالمقارنة بالالنترا او المازدا 3
وربنا يوفقك
الف شكر لكل واحد قدم النصيحة والراي بجد استفدت من كل الاراء
الراجل بيفكر في زيرو يعني خمس سنوات بدون مصاريف صيانة اعطال تقوموا تقلبوا دماغه لعربية مستعملة تقرفه صيانة