انا من المنصورة وعاوز اروح الصف اللى تبع حلوان مع العلم انى بسافر من على بنها
وهكون بعربيتى ودى اول مرة ادخل بيها القاهرة وللعلم فى طلعتين للدائرى قبل ماادخل شبرا
اعمل ايه واشكركم جدا
ارجوكم عاوز وصفة دقيقة جدا وجزاكم الله خيرا
عرض للطباعة
انا من المنصورة وعاوز اروح الصف اللى تبع حلوان مع العلم انى بسافر من على بنها
وهكون بعربيتى ودى اول مرة ادخل بيها القاهرة وللعلم فى طلعتين للدائرى قبل ماادخل شبرا
اعمل ايه واشكركم جدا
ارجوكم عاوز وصفة دقيقة جدا وجزاكم الله خيرا
شوف يا صديقى اسهل طريق توصل بالسلامه المؤسسه وتاخد طريق الكورنيش على طول لايمين ولا شمال لغايه ما توصل حلوان ومنها الصف بس خلاص
كمل من تحت الدائرى و طوالى كورنيش و امسك الكورنيش لا يمين ولا شمال هتوصل حلوان
بس اللى اعرفه ان الصف فى الجيزه على طريق الصعيد الزراعى مش فى حلوان بس يمكن اكون غلطان او الصف ليها شرق النيل كمان
امسك الكورنيش و على طول
مركز الصف تبع محافظة الجيزه
ممكن زي ما الاخوه وصفوا ليك كدا ده هيبقى بعد كدا طريق القاهره اسيوط الزراعي الشرقي
وممكن تاخد من ميدان الرمايه او اكتوبر مصر اسيوط الغربي وتاخد كوبري البليدة وبعدين المرازيق ينزلك الصف نفسها
الشرقى مجربتوش لكن الصحراوى الغربي من ميدان الرمايه حوالى ساعه بالسياره السرعه متوسطه لكن لو بتجري اقل من ساعه
او تاخد طريق الجيش الشرقى وتاخد وهو ليه مخرج بالصف نفسها
انا بديك بدائل بعيد عن المطبات الصناعيه المنتشره ع الزراعي
انا من التبين والصف بعد منى ب حوالى 25كم المهم اسهل طريق انك تاخد الكورنيش على طوووووووووووووووول لا يمين ولا شمال هتعدى على المعادى /طرة /المعصرة /حلوان / التبين وبعد كدة هتدخل فى او بلد من مركز الصف مش الصف نفسها وبعد كام بلد كدة هتلاقى نفسك فى مركز الصف ادخل على جوجل ايرز وهتلاقى الطريق سهل زى ما قلتلك