تنظيف الصدأ من دوره التبريد ؟؟؟ ايه الحل

**Ahmed Amin** · 18-05-2013 11:45 PM

المشاركة الأصلية كتبت بواسطة Habd

طب اجيب ايه ما دام متنفعش خاصة ان التركيز ف العربية المفروض 50-50 و موبيل تقريبا 30 او 35 ؟

القصة مش قصة تركيز بس.
القصة قصة نوع المية اللي هتستخدمها ف عربيتك واللي الشركة الصانعه لعربينك مصرحة بيها.
المياة الخضراء فيها silicate ودي مش مناسبة للمواتير الجديدة بالرادياتير الالومنيوم.
ومناسبة اكتر للمواتير القديمة بالرادياتير النحاس وعمرها الافتراصي سنتين او ٣٠ الف ميل, وبتفقد خواصها بعد كدا.

اما المية اللي بتنزل في العربيات الجديدة في منها اربع انواع احمر في الياباني وبعض الاوروبي. برتقاني في الفرنساوي. وفيه اصفر وبينك. وكلهم بيكون فيهم OAT ودا الفرق ما بين الالوان الجديدة والاخضر اللي فيه silicate.

كل الالوان دي مجرد اضافات علي نفس المادة الفعالة المشتركة ما بين كل الالوان دي بما فيهم الاخضر اللي هيا ايثلين جليكول والي هيا بترفع درحة حرارة الماء لحد ٢٣٠ مئوية وبتمنع التجمد لحد ٣٣ تحت الصفر علي حسب التركيز.
الانواع الجديدة اللي مش خضراء صلاحيتها ٥ سنين او ١٠٠ الف ميل. وفيها اضافات بتزيت طرمبة المبة وال اوسيلات اللي في الدورة عشان تحافظ عليها.
ومن هنا بيبقي غلط انك تحط مية خضراء في عربية جديدة والا هتكون عرضة اكتر لفشل طرمبة المية او تاكل الاوسيلات.

ارجو ان تكون الفكرة وضحت. وعشان تعرف انهي مية مناسبة لك اكتر راجع كتالوج عربيتك الاول, ولو مش موجود النوع اللي مكتوب في الكتالوج زي ماهو في حالتي وهيحطو لك مية خضراء زي ما كان هيحصل معايا ابقي اكتب لي هنا نوع المياة ايه وانا اقولك اقرب حاجة ليها ايه. وفي الغالب هتبقي حمراء او برتقاني.

بس انا شايف انك كاتب موديل عربيتك ٢٠١١ وكدا لسه بدري علي تغير المية. الا لو كان حصل عندك تسريب فادي قصة تانية.

**Habd** · 19-05-2013 12:15 AM

و مكتوب للاجواء الاوربية غير المبرد اول مرة عند 210 الف ثم كل 30 الف كم او 24 شهر
للاجواء غير الاوربية غير اول مرة عند 200 الف ثم كل 40 الف كم او 24 شهر
ملحوظة يمكنك لراحتك ان تغير ماء المبرد قبل ذلك اثناء عمل الصيانات الاخرى
دا نص الكتالوج

**Elawany13** · 19-05-2013 01:26 AM

المشاركة الأصلية كتبت بواسطة leitosr

أنزل موبيل اللي في شارع المنيل وانت تشوف الخضرا عندها. لان الصورة اللي فوق انا مصورها منها.
ودي البنزينة انا فاكرها دلوقتي لاني كنت فيها من اسبوع, وباقي بنزينات موبيل فيها برضه.
لو تعرف واحدة فيها حمراء اكتب لي عنوانها وانا انزل اشوف اللي فيها.

أنا من طنطا
بنزينة موبيل فى طنطا اللى على الطريق الزراعى
مفيهاش غير الجركن اللى فيه ميه حمراء

**salah_86** · 19-05-2013 12:46 PM

ريح دماغك خالص وروح عند ورشة المتخصصون واعرض عليهم الامر واسال عن تكلفة كل شئ قبل ما يشتغلو فى العربية وقرر

**mahmoud85** · 19-05-2013 07:12 PM

المشاركة الأصلية كتبت بواسطة salah_86

ريح دماغك خالص وروح عند ورشة المتخصصون واعرض عليهم الامر واسال عن تكلفة كل شئ قبل ما يشتغلو فى العربية وقرر

انا من المنصوره يعني عشان احرق بنزين واروح القاهره ده انا اجيب خمسين صنايعي يتشقلبو في العربيه

**Ahmed Amin** · 19-05-2013 09:31 PM

دا غير ان مش كل الصنايعية بتفهم. دا اذا كان التوكيل ذات نفسه صدمني لما قالي حط مية موبيل الخضراء وهيا مش مناسبة للعرببة ولا العربيات الحديثة بالرادياتير الالومنيون ولا حتي المكتوبة ف الكتالوج. بصراحة شوية مهندسين مش عارف اسميهم أيه.
مفيش غير انك تعرف الصح وتعمله بنفسك او عند حد باشراف منك.

**Ahmed Amin** · 27-05-2013 12:07 AM

المشاركة الأصلية كتبت بواسطة elawany13

أنا من طنطا
بنزينة موبيل فى طنطا اللى على الطريق الزراعى
مفيهاش غير الجركن اللى فيه ميه حمراء

علواني باشا.
انا عديت عال بنزينة وطلع فيها فعلاً المية الحمراء. فشكراً علي الإفتدة
ودي اول بنزينة الاقي فيها جركن المية الاحمر لاني لفيت علي كذا بنزينة لموبل وشيل وكالتكس بقالي شهر في المنيل و٦ اكتوبر والتجمع ومكنش عندهم.! المنيل كان عندها الخضراء بس والتجمع برضه وانواع تانية مصري مجهولة المصدرا.!
المهم المية تركيزها ٣٣٪ برضه زي الخضراء ودا معناه ان تركيز ماطة الايثيلين جليكول ٢:١ لكل لترين مية.. ومش عارف دا هيبقي مناسب لجو الصيف دا ولا لأ.
فهل جربتها قبل كدا وترشحها.؟
ولا تعرف حد عنده مية ال إيادا الأسباني اشوفها برضه واقرنها بمية موبيل الحمرا.؟