حادثة في أول يوم!!!!!!!!!

**p r i n c e** · 20-05-2013 07:29 PM

المشاركة الأصلية كتبت بواسطة dr_hman

الحمد لله ذهبت الى التوكيل و قدرت الاصلاحات ب9 الاف ووعدني المهندس عماد أنه سيعرض الحالة على المهندس آمر ان كان بالامكان عمل تخفيض

اعتقد 9 آلاف كتيرة جدا على التلفيات اللي حضرتك قلتها دي
مش عارف اقولك ايه والله ربنا يسامح الناس اللي مش سايبه حد فحاله
متشيلش هم الفلوس ولا تشيل هم العربية
ف داهية والله أهم حاجة سلامة ابن حضرتك
قدر الله ما شاء فعل
و الحادثة بسيطة و مش هتعيب العربية خالص ولا هتأثر على الآداء
مجرد كام ألف هتصرفهم و خلاص كأنك فديت بيهم إبنك
تصرف فلوس على العربية احسن ما تصرفها على صحتك أو صحة ابنك ربنا يحفظهولك يارب و يحميه
و نصيحة سيب العربية كدا تحت البيت اسبوع مثلا عشان العين بعد كدا صلحها و فداك ياباشا اهم حاجة سلامة ابنك و سلامتك
قووول الحمدلله :-)

**dr_hman** · 21-05-2013 04:28 PM

جزاك الله خيرا أخي أحمد انت عارف اتوكيل أجارك الله المصنعيات فقط 3000 و ضريبة مبيعات 1000 وربنا يستر و تطلع السربنتينة اللي شغالة سليمة من الفك و العدل و برضه الراديتير و الحمد لله و كفى

**p r i n c e** · 21-05-2013 08:15 PM

المشاركة الأصلية كتبت بواسطة dr_hman

جزاك الله خيرا أخي أحمد انت عارف اتوكيل أجارك الله المصنعيات فقط 3000 و ضريبة مبيعات 1000 وربنا يستر و تطلع السربنتينة اللي شغالة سليمة من الفك و العدل و برضه الراديتير و الحمد لله و كفى

حتى لو هتغير سربنتينة و رادياتير و مراوح..مش حوار والله
مش غاليين لو هتشتريهم من برا التوكيل
بس أكيد التوكيل افضل عشان العربية جديدة
متحسبلهاش ف داهية الفلوس
قدر الله ما شاء فعل

**mo7eb elrasol** · 22-05-2013 01:40 PM

اشعر بنبرة حزن عميقة فى كلامك اخى الحبيب
انا مقدر شعورك لان غالبا كلنا معرضين للمواقف دى مع اخلاف درجاتها
ولكن على كل حال لازم نقول الحمد لله ( قضى أخف من قضى)
وربنا يعوض عليك يارب

**aftr** · 23-05-2013 03:18 AM

المهم انك بخير الف مليون سلامه عليك وعلى ابنك وان شاء الله العربيه ترجع احسن من الاول
انا حصلى نفس موقفك كانت العربيه بقالها اسبوع كان يوم شم النسيم واحد معاه عربيه 131 دخل فى لانسر ودخل فى عربيتى اتصلو بيه تعاله انزل العربيه اتخبطت نزلت زى المجنون لقيت الفرش مقطوع وجنب العربيه الامامى فى الضياع انا قولت خلاص بس الحمد لله كنت مامن على العربيه لانها اقساط وعملت المقايسه فى التوكيل غيرت باب امامى استراد كانت التكلفه 5200 بس الحمد لله العربيه رجعت زى الاول بس كنت حزين جدا عشان كده انا حاسس بيك بس ان شاء الله ترجع احسن ربنا يعوض عليك فداك