لو اجرت شقه لواحد وخلصت معاه كل حاجه ورجع فى كلامه تانى تعمل ايه ؟؟

اجرت شقه عندى تسليم على المفتاح وكلفتنى كتير والى اجرت له دفع تأمين 2000 جنيه والف يخصم من الايجار يعنى الاجمالى 3000 جنيه

المهم احنا متفقين من شهر على كل حاجه وانا خلصت الشقه تشطيب لسه امبارح وكان حيستلم يوم واحد فى الشهر الجديد و النهارده لقيته بيعتذر عشان عنده ظروف ان مراته بتتعب من السلم العالى والدكتور نصحها بإنها تبعد عن المجهود عشان قلبها والله اعلم دى حجه ولا بصحيح هو يعنى الى عارف كده من الاول مكنش اتفق من اساسه ولا ايه!!!!!! (على فكره الشقه فى الدور الثالث علوى )

اعمل انا ايه فى ظل المعطيات دى خصوصا انى مزبط الايجار مع قسط العربيه وبالتالى الى حصل ده خساره عليا لحد ما اشوف ساكن تانى

شورو عليا

ربنا يكرمك بواحد غيرة . يمكن الراجل فعلا حصلت لة ظروف . اعذرة

إتفق معاه انك تديله المبلغ على مراحل
عشان انت اكيد صرفته فالتشطيب
او عالاقل صرفت المبلغ اللي كان المفروض تدفعه فالتقسيط
فشوف كده بالحسنى وقوله وشوف هيقولك ايه
ولو مرضيش اديله فلوسه
وربنا هيكرمك ان شاء الله ربنا مش بينسى عبيده

اقتباس:

---

المشاركة الأصلية كتبت بواسطة miceg

إتفق معاه انك تديله المبلغ على مراحل
عشان انت اكيد صرفته فالتشطيب
او عالاقل صرفت المبلغ اللي كان المفروض تدفعه فالتقسيط
فشوف كده بالحسنى وقوله وشوف هيقولك ايه
ولو مرضيش اديله فلوسه
وربنا هيكرمك ان شاء الله ربنا مش بينسى عبيده

---

انا فعلا صرفت الفلوس

وهو للامانه قال لى منين ما يجيى حد ويدفع الفلوس ابقى ادفعلى

النقطه الى مش واضحه ليكم انه بيمشى بكلمة الست يعنى يمين روح شمال روح والست عنده من النوع المتردد الى كلمه توديها وكلمه تجبها


يعنى الى حصل ده ممكن يكون تردد منها او رؤيه تانيه شافتها وهو رسول مش اكتر لابيهش ولا بينش


انا فين بقه من كل ده مابحبش حد يلعب بيا ويستغل طيبتى وفى الاخر انا الخسران وهو مش خسران حاجه

اقتباس:

---

المشاركة الأصلية كتبت بواسطة hossam_elwani

انا فعلا صرفت الفلوس

وهو للامانه قال لى منين ما يجيى حد ويدفع الفلوس ابقى ادفعلى

النقطه الى مش واضحه ليكم انه بيمشى بكلمة الست يعنى يمين روح شمال روح والست عنده من النوع المتردد الى كلمه توديها وكلمه تجبها


يعنى الى حصل ده ممكن يكون تردد منها او رؤيه تانيه شافتها وهو رسول مش اكتر لابيهش ولا بينش


انا فين بقه من كل ده مابحبش حد يلعب بيا ويستغل طيبتى وفى الاخر انا الخسران وهو مش خسران حاجه

---

إعلم يأخي
ان ربنا لو رايدلك رزق معين
عمر مافي بشر هيقدر يحجبه
كله مقدر مكتوب
سوابق الهمم لا تخرق أسوار ألاقدار
يعني مهما عملت مش هتقدر تخرق أو تغير قدرك ونصيبك
وبعدين مين عارف ياحسام باشا
مش جايز يكون القرش ده كان هيعود بالخراب عليك
محدش عارف
وعسى ان تكروا شيئا وهو خير لكم
وإسعى في مستأجر جديد وخليه يستنى بقا لغايت ماياخد فلوسه طالما انت مش فإستاطعتك تديله فلوسه دلوقتي
وربنا معاك ويرزقك من حيث لا تحتسب

معلش رجعله الفلوس لما تقدر فالوقت الجي
ان شاء الله ربنا يكون كاتبلك الخير فناس تانية
وربنا يقدرك علي اللتزامتك

بص يا ريس هكون صريح معاك .
محدش عارف ظروف حد .
ممكن فعلا الكلام ال بيقوله صحيح ....
حاجة كمان ... العقد شريعة المتعاقدينن .... هل أنت كاتب شرط جزائى على الى يرجع فى كلامة .... لأ .... يبقى ملكش حق تحوش عنه فلوسة ...
هديلك مثال صغير ... انت رحت تشترى عربية وبعدين دفعت عربون (بدون شرط جزائى) وأنت مروح عديت على مكان تانى لقيت عربية أفضل .... هتعمل أيه ؟؟
ربنا يوفقك لما يحبه ويرضاه

اقتباس:

---

المشاركة الأصلية كتبت بواسطة hossam_elwani

انا فعلا صرفت الفلوس

وهو للامانه قال لى منين ما يجيى حد ويدفع الفلوس ابقى ادفعلى

النقطه الى مش واضحه ليكم انه بيمشى بكلمة الست يعنى يمين روح شمال روح والست عنده من النوع المتردد الى كلمه توديها وكلمه تجبها


يعنى الى حصل ده ممكن يكون تردد منها او رؤيه تانيه شافتها وهو رسول مش اكتر لابيهش ولا بينش


انا فين بقه من كل ده مابحبش حد يلعب بيا ويستغل طيبتى وفى الاخر انا الخسران وهو مش خسران حاجه

---

هو كده الراجل كويس جدا لانه قال لك لما حد يجي ياخد فلوسه يعني متفهم انك صرفتهم في التوضيب

اما موضوع مراته فحضرتك مش هتناسبه و لا هتتعامل معاه تاني

وربنا ان شاء الله ييسر لك مستأجر تاني يغطي موضوع الاقساط

ربنا يعوض عليك خير بمستأجر تانى ان شاء الله
وانت اديله فلوسه وقت ما تبئا معاااك وبدل مكتبتش شرط جزائى يبئا خلاص مينفعش مترجعهاش
وموفق ان شاء الله

ما تزعلش نفسك يافندم و خليك عملي و الميزه انه طالما حضرتك زبطت الشقه اذا هي جاهزه للسكن علي طول و لذلك اعمل اعلانات من دلوقتي علي الانترنت مع شويه صور من الداخل و للموقع بتاعها من الخارج و ممكن تعلق اعلان عليها و تقول للبواب و معارفك و ان شاء الله تلاقي مستأجر تاني يحل محل الاول و لما يدفع الفلوس ابقي رجع للأول فلوسه و اللي فهمته انه موافق علي كده اذا حضرتك مش هتخسر ان شاء الله و بالتالي الفلوس اللي دفعها الساكن الاول كأنها قرض حسن يعني ساهم في توضيب الشقه و لما تتأجر هترجعه لصاحبه من غير فوائد و الوضع بقي فعليا كده و ربنا يكرمك ان شاء الله و تلاقي ساكن تاني بسرعه و بكده يبقي المشكله اتحلت و في نفس الوقت ما ظلمتش نفسك و لا غيرك بس اهم حاجه تأكد علي المستأجر الاول ده انك هتديله فلوسه بمجرد ما تلاقي مستأجر تاني وتبدأ في البحث في اسرع وقت و مواقع بيع و تأجير العقارات مفيش اكتر منها

بعض العقود فيها بند اذا ترك المسأجر الشقه قبل اتمام مده العقد المقرره فأن التأمين من حق المؤجر ( نفس حكم حالتك ) يعنى ما يجيش واحد يأجر شقه لمده سنه ويجى بعد شهر أو أتنين يقولك انا ماشى بعد ما يضيع عليك السيزون ( الموسم - او فرصه حد تانى كان ممكن ياخدها سنه ) يعنى لو قدامك أتنين عاوزين يأجروا شقتك وانت أخترت واحد منهم ومشيت التانى وبعدها جه قالك مش هاخدها بعد ما مشيت التانى وضيع عليك فرصه أيجارها هل ده يرضى ربنا ........ والعقد شريعه المتعاقدين .......... حتى لوكان عقدك ما فيهوش البند ده قوله الشقه انت أجرتها يجيبلك واحد مكانه وانت علشان خاطر ربنا برضه أعمل أعلان ووقت ما يجى حد من طرفه او طرفك أحسب الوقت اللى الشقه قعدت فيه فاضيه على حسابه وتخصم من مستحقاته وبحد أقصى قيمه التأمين لأن الشخص اللى زى ده لازم يتأدب بغرامه __ ولا ضرر ولا ضرار ___ وأنت اساسا كان ممكن يجى حد غيره وما يكونش عاوز التوضيب اللى خلاك تعمله على حسابك وتتحمله ___ وتذكر ايضا العفو عند المقدره

أنا عندي شقة بأجرها برضه واتحطيت في الموقف ده قبل كده وكنت صرفت الفلوس..

حكيت للراجل بصراحة اني صرفت الفلوس واني مش هاقدر ارجعهاله غير لما حد يأجر الشقة مكانه،
وهو الحمد لله كان قمة في الأدب والأخلاق ولم يمانع والمعاملة بيننا كانت طيبة جدا..

تاني يوم نزلت إعلان في الوسيط كلفني 160 جنية والشقة اتأجرت بعدها بأسبوع بمبلغ أعلى ورجعت للراجل فلوسه وأخدت فرق كمان..

اتعلمت من الموقف ده ان المعاملة الطيبة بالتراضي مفيش احسن منها وبتبارك في القرش اللي بنكسبه

اقتباس:

---

المشاركة الأصلية كتبت بواسطة fo1fo

بعض العقود فيها بند اذا ترك المسأجر الشقه قبل اتمام مده العقد المقرره فأن التأمين من حق المؤجر ( نفس حكم حالتك ) يعنى ما يجيش واحد يأجر شقه لمده سنه ويجى بعد شهر أو أتنين يقولك انا ماشى بعد ما يضيع عليك السيزون ( الموسم - او فرصه حد تانى كان ممكن ياخدها سنه ) يعنى لو قدامك أتنين عاوزين يأجروا شقتك وانت أخترت واحد منهم ومشيت التانى وبعدها جه قالك مش هاخدها بعد ما مشيت التانى وضيع عليك فرصه أيجارها هل ده يرضى ربنا ........ والعقد شريعه المتعاقدين .......... حتى لوكان عقدك ما فيهوش البند ده قوله الشقه انت أجرتها يجيبلك واحد مكانه وانت علشان خاطر ربنا برضه أعمل أعلان ووقت ما يجى حد من طرفه او طرفك أحسب الوقت اللى الشقه قعدت فيه فاضيه على حسابه وتخصم من مستحقاته وبحد أقصى قيمه التأمين لأن الشخص اللى زى ده لازم يتأدب بغرامه __ ولا ضرر ولا ضرار ___ وأنت اساسا كان ممكن يجى حد غيره وما يكونش عاوز التوضيب اللى خلاك تعمله على حسابك وتتحمله ___ وتذكر ايضا العفو عند المقدره

---

شكرا للجميع على الاهتمام والرد

كلامك سليم وهو ده الى بقوله لنفسى خصوصا انه مخلص معايا الكلام من شهر وخلال الشهر ده جالى طوب الارض على الشقه على حس الاعلان الى كنت عامله وكنت بقول لهم للاسف الشقه اتأجرت

انا بقول خير الامور الوسط لو مفيش حد جالى لحد اول الشهر 1/6 اى يوم بعديه حخصمه من مستحقاته لو حد جه قبل كده يبقى ربنا كريم وياخد كل فلوسه من غير اى خصومات

ماهو برضه المفروض اى حد يتخذ قرار يتحمل تبعات هذا القرار ولا ايه

ممكن يكون الحل الوسط ان حضرتك تقسم معاة التأمين يعنى حضرتك تخصم منة الف تأمين علشان هو بيرجع فى كلامة بعد ما مضى العقد ومعلش نصيحة لحضرتك ياريت تضيف الشرط الجزائى بعد كدة فى اى عقد حضرتك تكتبة ان اذا المستأجر خرج من الشقة قبل مضى مدة العقد يكون مبلغ التامين من حق المؤجر

حاجة بسيطة لو هتصدق .... شوف ... أنا اشتريت شقة فى جسر السويس وأجرتها لعريس وعروسة ب 700 ج شهريا ... وطبعا العقد مكتوب فيه زيادة 10 % سنويا . يعنى بعد خمس سنوات الأيجار المفروض يكون (1126 ج ) ..... الواقع بأه أنى فى أول تجديد عقد (بعد سنة) اشتكى الشاب من الفلوس والشغل والظروف .... قلتله كلمة واحدة (ادفع الأيجار الى تقدر عليه) .... ومن ساعتها بقالو 5 سنوات بيدفع 700 ج .. طبعا الناس هتفكر أننى بخسر فيها ...لا والله ربنا مبارك فى ال 700 كتير جدا ... (الى اقصده يسر على الناس ربنا ييسر عليك ).
ربنا يوفقك

اقتباس:

---

المشاركة الأصلية كتبت بواسطة salodas

حاجة بسيطة لو هتصدق .... شوف ... أنا اشتريت شقة فى جسر السويس وأجرتها لعريس وعروسة ب 700 ج شهريا ... وطبعا العقد مكتوب فيه زيادة 10 % سنويا . يعنى بعد خمس سنوات الأيجار المفروض يكون (1126 ج ) ..... الواقع بأه أنى فى أول تجديد عقد (بعد سنة) اشتكى الشاب من الفلوس والشغل والظروف .... قلتله كلمة واحدة (ادفع الأيجار الى تقدر عليه) .... ومن ساعتها بقالو 5 سنوات بيدفع 700 ج .. طبعا الناس هتفكر أننى بخسر فيها ...لا والله ربنا مبارك فى ال 700 كتير جدا ... (الى اقصده يسر على الناس ربنا ييسر عليك ).
ربنا يوفقك

---

ربنا يبارك ليك وفيك

بس كله واحد وقدر احتياجه

اتفق معاه ان شهر ٦ لو اتكسر هيتحسب عليه شهر الا لو اجرت قبل شهر ٦

اقتباس:

---

المشاركة الأصلية كتبت بواسطة mohamed_selim

اتفق معاه ان شهر ٦ لو اتكسر هيتحسب عليه شهر الا لو اجرت قبل شهر ٦

---

هو ده الى حيصل تحياتى للجميع