ارجوكم أفيدونى كيا سبورتاج وﻻكيا كارنز الشكل الجديد وﻻ اﻷفضل هيونداىix35
بسم الله الرحمن الرحيم
إخواني اﻷعزاء.. أرجوا منكم اﻹفادة
أنا محتار جدا بين كيا سبورتاج وكيا كارنز الشكل الجديد والهيوندايix35
الحكاية معايا بدأت إني حجزت كيا سبورتاج من الوكيل من شهر 10/2012 وكانت ثمنها وقتها176000 ودفعت مقدم 40000
وفي اخر شهر 4/2013 إتصلو بي علشان أستلم السيارة بس سعرها زاد وبقى 200000
وحقيقي أنا شفت إن هي مبالغ في سعرها وقلتلهم مش هستلمها اﻵن وخصوصا إني مكنتش عاوز التقسيط وكنت عاوزها كاش ومكنش معايا فلوس تكمل
المهم علشان مطولش عليكم . طلبت من الوكيل إنه يحجزلى كيا كارنز 2013 الشكل الجديد وكنت متخيل إن سعرها مش هيزيد عن 175000
وقالولى الحجز في نصف 5/2013 وفوجئت ب إتصالهم علشان حجز الكارينز ولاقيت سعر أول فئة أوتوماتك 190000
فقولتلهم وسعر السبورتاج كام اﻵن فوجئت إنة أصبح 208000
وأنا اﻵن زهقت من زيادة اﻷ سعار بالشكل الغريب دة وكل موفر فلوس العربية تزيد سعرها لدرجة إنني زهقت من كل العربيات ﻷني مش عاوز أركب عربية أرجع أندم إني إشترتها
وبعدين شوفت الهيونداي ix35 لاقيت سعر أول فئة 200000 واﻹستﻻم بعد شهر وشكلها كلاسيك شوية عن السبورتاج
فما رأيكم 1- أستلم كياسبورتاج فوري ﻹني حاجز 208000 موديل 2014 أو 200000 موديل 2013
2-أستلم فوري كيا كارنز الشكل الجديد 190000
3- ألغي حجز الكيا كلة وأحجز الهيونداي ix35 أول فئة ب 200000 واﻹستلام بعد شهر
ياجماعة أنا آسف جدآ جدآ لﻹطالة بس أنا محتار بجد ومحتاج رأيكم بسرعة
