مقبل على شراء شوما 99 ومحتاج ارائكم فى اسرع وقت

**Eng. Ahmed** · 18-05-2013 02:33 AM

السلام عليكم ورحمة الله وبركاته

اخوانى الافاضل اعضاء هذا المنتدى الراقي والرائع فى كل شيء صراحة
انا بقالي حوالي اسبوعين بس بدخل المنتدى هنا كزائر واتفرج على المنتدى واراء الاعضاء وتعاونهم فيما بينهم بصراحه حاجه روعه ماشاء الله
ده اول موضوع ليا فى منتدى نايل موتورز ويارب افضل هنا معاكو على طول لاني جديد تماما فى موضوع السيارات ده

الموضوع ببساطه بعد رحلة بحث وعناء طويل ربنا اكرمني ولاقيت سيارة سعرها فى حدود المبلغ اللى معايا هو 45000 واتوماتيك وكماليتها الى حد مناسبه هي بيانات السيارة كالاتى:
كيا شوما موديل 99 كامله ( اتوماتيك + فتحة سقف + تكييف + باور سنتر +مريات كهربا )
السايرة ماشية 120 الف كيلو وحالتها الى حد ما معقوله فابريكة جوه وراشه بره حزام نضافة

دلوقتى انا محتاج اعرف رأيكم فى الكيا شوما دي وثباتها وادائها واداء فتيسها خصوصا انها اتوماتيك كمان هل قطع غيارها متوافره خصوصا اني من اسكندرية؟
ياجماعه دي اول سيارة اسوقها فى حياتي ومحتاج رأيكم بكل حياديه ايه عيوبها ومميزاتها عشن انا رايح اتفق مع الراجل صاحبها بكره ان شاء الله
وربنا يوفقكم جميعا لمساعدة اخوانكم فى المنتدى.

**PACOOSSE** · 18-05-2013 05:16 AM

الشوما كويسة...بس القطع غيار الخارجية صعبة شوية...............السيفيا احسن بكتيرررررررررررررررررر جدا وخصوصا انها هية هية نفس الموتور ونفس الفتيس بس الشكل الخارجي احسن ومتوفر عن الشوما ونفس السعر

**haissam24h** · 18-05-2013 07:26 AM

كيا شومه
عربيات اصلا خليجى
بتنزل نظام معوقين
عربيه محترمه
وثبات محترم

واليك بعض اسعار قطع الغيار لانها كان معايا من فترة
كبالن المانى بتاعتها
580 ج وبتركبله الورده القديمه لانه مش بيجى فيها
فلتر بنزين
ب55ج
فلتر زيت
ب35 ج
فلتر هوا
40 ج
مساعدين خلفى ب650 ج
امامى 600 تقريبا
السوست ب400
الفوانيس والحجات ديه استيراد من 150 الى 200 الفانوس

**eldmrane** · 18-05-2013 03:18 PM

من غير تردد والله احلي عربية كوري ركبتها في حياتي الفتيس بتاعها كنت مغيرة ب1500 وعربية قطع غيارها مش غالية خااااااالص عادية جدا وانا في راي الشخصي انا ركبت عربيات كتير وبحب الجري هية افضل عربية كوري في السعر دة طبعا وكمان اللي انت بتشتري فيها دية احلي موديل بتنزل فرامل absومفتاح تشفر واوبشن بصرحة تحفة توكل علي الله من غير تفكير

**Eng. Ahmed** · 18-05-2013 05:30 PM

الف الف شكر ليكو يا جماعه بجد طمنتوني وفتحتو نفسي اني اكمل فى الموضوع
انا هتوكل على الله وربنا يقدم مافيه الخير
ربنا يبارك فيكو ومتشكر لكل الناس اللى عطتنى جزء من وقتها وردت عليا

**amromdiab** · 19-05-2013 03:31 AM

المشاركة الأصلية كتبت بواسطة eldmrane

من غير تردد والله احلي عربية كوري ركبتها في حياتي الفتيس بتاعها كنت مغيرة ب1500 وعربية قطع غيارها مش غالية خااااااالص عادية جدا وانا في راي الشخصي انا ركبت عربيات كتير وبحب الجري هية افضل عربية كوري في السعر دة طبعا وكمان اللي انت بتشتري فيها دية احلي موديل بتنزل فرامل absومفتاح تشفر واوبشن بصرحة تحفة توكل علي الله من غير تفكير

يا ريت تقولي اشتريت الفتيس الاوتوماتيك دا امتي و منين . علشان معايا شوما 1999 و الفتيس الاوتوماتيك بينتش و يرزع بين بعض النقلات وانا بصراحة مش عارف ممكن اصلحه فين . فيا ريت تقول برده ايه سبب تغييرك للفتيس

**zomprakes** · 19-05-2013 04:53 PM

المشاركة الأصلية كتبت بواسطة amromdiab

يا ريت تقولي اشتريت الفتيس الاوتوماتيك دا امتي و منين . علشان معايا شوما 1999 و الفتيس الاوتوماتيك بينتش و يرزع بين بعض النقلات وانا بصراحة مش عارف ممكن اصلحه فين . فيا ريت تقول برده ايه سبب تغييرك للفتيس

باشا انا معايا شوما اوتو و بنصحك بلاش موضوع التصليح دا لانو 90% من التصليخ بتبقي عملية مؤقتة و فاشلة و كام شهر و بيبوظ تاني انا كان عاندي فتيس زيادة و عرضتو عالمنتدي و محدش عبرني لحد اما بيعتو خردة عشان ملوش مكان عندي المهم الفتيس بتجيبو من الحرافيين و بتاخدو عالتجربة لو سليم تمام لو بايظ بترجعهولو و انا كنت شارية من 4 شهور بي 1800 ماعرفش دلوقتي بكام السوق كل يوم بسعر ملحوظة اخيرة طقم اصلاح الفتيس بيتكلف حوالي 1500

**amromdiab** · 19-05-2013 10:31 PM

المشاركة الأصلية كتبت بواسطة zomprakes

باشا انا معايا شوما اوتو و بنصحك بلاش موضوع التصليح دا لانو 90% من التصليخ بتبقي عملية مؤقتة و فاشلة و كام شهر و بيبوظ تاني انا كان عاندي فتيس زيادة و عرضتو عالمنتدي و محدش عبرني لحد اما بيعتو خردة عشان ملوش مكان عندي المهم الفتيس بتجيبو من الحرافيين و بتاخدو عالتجربة لو سليم تمام لو بايظ بترجعهولو و انا كنت شارية من 4 شهور بي 1800 ماعرفش دلوقتي بكام السوق كل يوم بسعر ملحوظة اخيرة طقم اصلاح الفتيس بيتكلف حوالي 1500

الف شكر علي الرد.
و ياريت لو حد عارض فتيس شوما اتوماتيك للبيع في المنتدي