سعادتك انا بقى بتفلسف
لما الحي اجبرك تسيب مترين قالك علشان تركن عربيتك انت بالذات براحتك ولا علشان الانسياب المروري ؟؟؟؟؟
عرفت الفرق ولا لسه
ومدام البيت بتاع سعادتك معملتش فيه جراج ليه
طبعا معاك حق انك تركن ادام بيتك بس مش بالعافية بالذوق والهدوء
أشكرك على مشاركتك
أنا مقصدكش انتا بالتحديد أنا مبشخصنش الموضوع دي أراء ووجهات نظر
أما موضوع الحي لا دخل له فى اني اسيب كام متر فى الشارع
قولتلك دة عرف فى المناطق بتاعتنا كل واحد بيسيب مترين بعرض المنزل علشان الشارع يبقي واسع
فدة معناه بكل بساطة سيدي العزيز أن الشارع بتاعي ملكية خاصة وليست عامة
والله العقد كمان بيقول كدة مش أنا
أنا بالفعل بركن بالذوق والهدوء والرفق واللين علشان والحمد لله بعرف أتعامل مع كل أشكال البشر
المحترم ليه عندي معاملة
والبلطجي ليه عندي معاملة
والبارد والمستلوح بردو بعرف اعامله كويس
احنا فى المنطقة عندنا الحاجات دي متعارف عليها والناس اللى ساكنة فى أحياء شعبيه تعرف وتفهم الكلام دة كويس
أما بخصوص الجراج والله فكرت اعمل الدور الارضي كله جراج
بس عارف ياباشا هتكون اية النتيجة
هاجي خارج بالعربية هتلاقي واحد راكن قدام باب الجراج
:10_9_133:
يبقي أم الفيل ع الدرفيل والنبي لو وقع معايا واحد من بتوع الملكيه العامة لعمل معاة الصح واخليه يعزل من الدنيا كلها
يا جماعة الموضوع هيقلب كدة بخناقة
اللى مش لاقي راكنة يدور على جراج
واللى مش لاقي جراج ميكربش نيلة عربية
هتزهقونا معاكو لية
م/ جوده
اولاً اهلا وسهلا بحضرتك
ثانياً احب اوضح لك ان انا متفهم مشكله الركنه اللي انت بتعاني منها تماماً لانها مشكله عامه بيعاني منها معظم الناس
بس سامحني انا شايف كلامك مش مظبوط ولا اللي بيرمي قشر لب وزباله على عربيه حضرتك عشان متركنش تحت بيته تاني صح ولو الكلام ده حصل في اي حته محترمه في العالم كان زمان سعاتك داخل في مشاكل وقضايا لا حصر لها
حضرتك طالما بتقول انكم سايبين 2 متر امام البيت ده على عينى وراسي بس ده ميعطيش الحق لحضرتك تمنع حد من الركنه لانه بتركك ليهم من البدايه فحضرتك كده سبتهم يضموا للشارع ومش المفروض كل واحد عاوز يركن يكون عنده العقود والرسوم الهندسية لكل عماره عشان يعرف حته الارض دي تبه الشارع ولا بتاعت حضرتك
يبقى لو كنت عاوز تحافظ على حقك في الركنه يبقى كان من الاول تعمل تصميم العماره بشكل يضم الاتنين متر دول داخل زمام المنزل وتدخل تركن وتخرج براحتك (اكيد ساعتها محدش هيدخل يركن جوه بيتك) اول كان من الافضل يتعمل جراج تحت البيت وساعتها تركن عربيه و اتنين وثلاثه كمان من غير ماحد يزعجك)
لكن طالما حضرتك فرط في حقك من البدايه يبقى مش من حق حضرتك تلوم الناس انها تفرط في حقها في الركنه في شارع عام (ومتقليش ان ده مش شارع عام ودول 2 متر انا سايبهم عشان طالما حضرتك سبتهم ومضمتهمش للعماره بشكل او باخر بقى ملكيه عامه عند الناس لانهم مكانوش مع حضرتك وانت بتبني ولا يعرفوا انك سايبهم من الاساس)
سامحني واتمنى ان يتسع صدرك لوجهه نظري
انتم مرضيتوش تعملوا جراج عشان تستغلوا مساحه الارض لاقصى درجه وتعملوا مساحات داخليه اكبر داخل الشقق رغم ان كان باديكم تعملوا جراج خاص وبتعاقبوا الناس اللي ممكن تكون شاريه شقه ولا ماجراها ومفيش في ايديها تعمل حاجه عشان مش هي اللي بانيه ياريت متقوليش هو اشترى ليه في عماره مفيهاش جراج لان حضرتك اللي باني عماره خاصه معملتش جراج اصلاً
ثالثاً حضرتك بتقول انها مناطق شعبيه والاماكن قليله والكلام ده طيب ما من باب اولى بقى اللي ساكن في مناطق راقيه (او اللي بيقولوا عليها راقيه ذي المهندسين والزمالك والمعادي ومصر الجديده ومدينه نصر وغيره وغيره ..... ) يمنع حضرتك مش من انك تركن بس لأ كمان من انك تدخل المنطقه اصلاً وهيكون اعذارهم من وجهت نظرهم منطقيه برضوا تحب حضرتك اقولك هتبقى اعذارهم ايه
- احنا دافعين فلوس كتير اوي ومش معقول ندفع كل ده ومنلاقيش نركن عربياتنا
- المنطقه بقت زحمه جداً ومش ناقصه ناس من بره تيجي تتفسح عندنا (على الرغم ان حضرتك ممكن تكون مش رايح تتفسح ولا حاجه وتكون رايح شغل او بتقضى مصلحه ولا بتزور حد لكن من وجهه نظرهم حضرتك بتتفسح)
- العمارات عندنا 11 و 12 دور والشقق كتير واحنا بقى اولى من اللي جاي من بره مش عاجبه ميجيش
- انا مش فاهم الناس دي جايين يقرفونا في منطقتنا المنطقه هاديه وجميله والناس اللي جايه من بره دي هما اللي مبوظنها لازم نخنق عليهم عشان ميجوش تاني (ودي بقى بتنطبق بشكل كبير على نسبه لا باس بها من الاسكندرانيه بالذات في فصل الصيف)
لو فكرنا بقى بالمبدأ بتاعك يبقى الناس دي عندها حق
هما فعلا دافعين فلوس كتير
هما فعلا اماكن الركنه مش مكفياهم هم شخصياً
هم فعلاً ملهمش ذنب انك عاوز تتفسح
وملهمش ذنب ان حضرتك ساكن في مكان مش متوفره فيه الخدمات اللي عندهم
ولا ذنبهم ان حضرتك سبت مكانك وجاي تشتغل في شركه فاتحه عندهم
هل بقى لو سبنى كل واحد يفكر في مصلحته الشخصيه بس يبقى الوضع كويس ولا من الافضل ان احنا نحترم الملكيه العامه عشان لما تروح اي حته تعرف تاخد حقك
سؤال أخير : حضرتك لو في يوم من الايام قررت تنقل ولاقيت كل واحد حاجز مكان في الشارع لنفسه هتعمل ايه ؟؟
اسف على الاطاله واتمنى ان حضرتك متزعلش من كلامي
يسلم بوءك يا زميلي
أنا صوتي راح من الصبح غلبت أوضح للناس
والله فيه ملكيه عامة
زي الميادين العامة والشوارع العمومية الكبيرة اللى كلها منشأت حكومية أو شركات
أو ربنا كارمك وساكن فى احياء راقيه شوارعا واسعة وجميله وفيها أماكن كتيرة
وفيه ملكيه خاصة
بس لما يبقي شاري أرض خاصة بيه هوة لوحدو وسايب متريبن بعرض الواجهة يعني دافع مبلغ وقدرة علشان يركن عربيته
وباني البيت وهوة بس اللى منتفع بيه
وتلاقي واحد جاي بمنهي اللطافة يقولك ملكيه عامة
يا أخي عوموك مع سمكة هبلة
تقبلو تحياتي وتقديري وإحترامي
أشكرك أخي العزيز على وجهه نظرك ومش زعلان من كلامك والله مع
أنه يحوي بعض التلميحات
واحب أقول لحضرتك مش كل اللى ساكن فى منطقة راقيه بتبقي أخلاقه راقيه
منتا هتلاقي المعلم زلطة فاتح محلين جزارة ومعاة قرشين وساكن فى المعادي
بس هيفضل فى النهاية المعلم زلطة
وبالنسبة لسؤال حضرتك الاخير هتستغرب لو قولت لحضرتك بالفعل
قبل مسكن فى مكان جديد
أكيد هطمن على حاجات منها مدارس الاولاد والخدمات وكمان مكامن أركن فيه عربيتي أو هروح لاقرب جراج
لان الموضوع دة حضرتك مالوش قانون ينظم القديم يركن واللى ساكن جديد لاء
كله ليه حق فى الركنة
بس بالعقل محدش فاضي يعمل مشاكل كل يوم علي ركنه عربية
أسعد دائماً لاراء حضرتك وجميع الزملاء أحنا كلنا فى النهاية مصرين ونتمني تكون بلدنا اجمل بلد فى العالم
أشكرك وتقبلي خالص إحترامي لشخصكم الكريم
م/ جوده
اولاً اهلا وسهلا بحضرتك
ثانياً احب اوضح لك ان انا متفهم مشكله الركنه اللي انت بتعاني منها تماماً لانها مشكله عامه بيعاني منها معظم الناس
بس سامحني انا شايف كلامك مش مظبوط ولا اللي بيرمي قشر لب وزباله على عربيه حضرتك عشان متركنش تحت بيته تاني صح ولو الكلام ده حصل في اي حته محترمه في العالم كان زمان سعاتك داخل في مشاكل وقضايا لا حصر لها
حضرتك طالما بتقول انكم سايبين 2 متر امام البيت ده على عينى وراسي بس ده ميعطيش الحق لحضرتك تمنع حد من الركنه لانه بتركك ليهم من البدايه فحضرتك كده سبتهم يضموا للشارع ومش المفروض كل واحد عاوز يركن يكون عنده العقود والرسوم الهندسية لكل عماره عشان يعرف حته الارض دي تبه الشارع ولا بتاعت حضرتك
يبقى لو كنت عاوز تحافظ على حقك في الركنه يبقى كان من الاول تعمل تصميم العماره بشكل يضم الاتنين متر دول داخل زمام المنزل وتدخل تركن وتخرج براحتك (اكيد ساعتها محدش هيدخل يركن جوه بيتك) اول كان من الافضل يتعمل جراج تحت البيت وساعتها تركن عربيه و اتنين وثلاثه كمان من غير ماحد يزعجك)
لكن طالما حضرتك فرط في حقك من البدايه يبقى مش من حق حضرتك تلوم الناس انها تفرط في حقها في الركنه في شارع عام (ومتقليش ان ده مش شارع عام ودول 2 متر انا سايبهم عشان طالما حضرتك سبتهم ومضمتهمش للعماره بشكل او باخر بقى ملكيه عامه عند الناس لانهم مكانوش مع حضرتك وانت بتبني ولا يعرفوا انك سايبهم من الاساس)
سامحني واتمنى ان يتسع صدرك لوجهه نظري
انتم مرضيتوش تعملوا جراج عشان تستغلوا مساحه الارض لاقصى درجه وتعملوا مساحات داخليه اكبر داخل الشقق رغم ان كان باديكم تعملوا جراج خاص وبتعاقبوا الناس اللي ممكن تكون شاريه شقه ولا ماجراها ومفيش في ايديها تعمل حاجه عشان مش هي اللي بانيه ياريت متقوليش هو اشترى ليه في عماره مفيهاش جراج لان حضرتك اللي باني عماره خاصه معملتش جراج اصلاً
ثالثاً حضرتك بتقول انها مناطق شعبيه والاماكن قليله والكلام ده طيب ما من باب اولى بقى اللي ساكن في مناطق راقيه (او اللي بيقولوا عليها راقيه ذي المهندسين والزمالك والمعادي ومصر الجديده ومدينه نصر وغيره وغيره ..... ) يمنع حضرتك مش من انك تركن بس لأ كمان من انك تدخل المنطقه اصلاً وهيكون اعذارهم من وجهت نظرهم منطقيه برضوا تحب حضرتك اقولك هتبقى اعذارهم ايه
- احنا دافعين فلوس كتير اوي ومش معقول ندفع كل ده ومنلاقيش نركن عربياتنا
- المنطقه بقت زحمه جداً ومش ناقصه ناس من بره تيجي تتفسح عندنا (على الرغم ان حضرتك ممكن تكون مش رايح تتفسح ولا حاجه وتكون رايح شغل او بتقضى مصلحه ولا بتزور حد لكن من وجهه نظرهم حضرتك بتتفسح)
- العمارات عندنا 11 و 12 دور والشقق كتير واحنا بقى اولى من اللي جاي من بره مش عاجبه ميجيش
- انا مش فاهم الناس دي جايين يقرفونا في منطقتنا المنطقه هاديه وجميله والناس اللي جايه من بره دي هما اللي مبوظنها لازم نخنق عليهم عشان ميجوش تاني (ودي بقى بتنطبق بشكل كبير على نسبه لا باس بها من الاسكندرانيه بالذات في فصل الصيف)
لو فكرنا بقى بالمبدأ بتاعك يبقى الناس دي عندها حق
هما فعلا دافعين فلوس كتير
هما فعلا اماكن الركنه مش مكفياهم هم شخصياً
هم فعلاً ملهمش ذنب انك عاوز تتفسح
وملهمش ذنب ان حضرتك ساكن في مكان مش متوفره فيه الخدمات اللي عندهم
ولا ذنبهم ان حضرتك سبت مكانك وجاي تشتغل في شركه فاتحه عندهم
هل بقى لو سبنى كل واحد يفكر في مصلحته الشخصيه بس يبقى الوضع كويس ولا من الافضل ان احنا نحترم الملكيه العامه عشان لما تروح اي حته تعرف تاخد حقك
سؤال أخير : حضرتك لو في يوم من الايام قررت تنقل ولاقيت كل واحد حاجز مكان في الشارع لنفسه هتعمل ايه ؟؟
اسف على الاطاله واتمنى ان حضرتك متزعلش من كلامي
مفيش داعي للجدل طالما الهدف مش الوصول للحق وعدم الظلم لأ الهدف .... بلطجة وخلاص وهو كده يااخواننا نايل موتورز يمثل مجتمع مصر بكل فئاته وطالما مفيش شرطة ولا قانون وواحد الحته فالشارع بتاعتي ومش عارف ايه طيب مضميتهاش للفيلا ليه!! ولا علشان تكبر مساحة ومش كل الناس زي بعض ربنا كارمهم بالتمليك وانت بتطالبه يدور علي شقة ايجارها اعلي علشان في جراج(وممكن الجراج كمان يكون متباع لناس مش من السكان) ربنا مخلقناش متساويين فالرزق اه كل واحد واخد 24 قيراط فالدنيا بس مش كلنا وعمرها ماهتبقي كلنا نبني ونسكن في ملك..اتقي الله الرحمة حلوة ودي للاسف مش موجودة عندنا وادينا شايفين غضب ربنا علي البلد نازل ازاي...مش معني ان الناس في منطقة ما بلطجية ان نكون زيهم " إِن تَكْفُرُوا فَإِنَّ اللَّـهَ غَنِيٌّ عَنكُمْ وَلَا يَرْضَىٰ لِعِبَادِهِ الْكُفْرَ وَإِن تَشْكُرُوا يَرْضَهُ لَكُمْ وَلَا تَزِرُ وَازِرَةٌ وِزْرَ أُخْرَىٰ ثُمَّ إِلَىٰ رَبِّكُم مَّرْجِعُكُمْ فَيُنَبِّئُكُم بِمَا كُنتُمْ تَعْمَلُونَ إِنَّهُ عَلِيمٌ بِذَاتِ الصُّدُورِ" واذكر نفسي واياك بحديث الحبيب صلي الله عليه وسلم "من اقتطع شبرا من الأرض ظلما ، طوقه الله إياه يوم القيامة من سبع أرضين"ومش كل من جاب عربية معاه تمن جراج ده يادوبك جايبها يعف بيها اهل بيته عن قرف المواصلات والسرقة و و و..انا افهم ان الواحد يعمل كده مضطر لكن يقول ده الحق وده الصح مش صحيح ابدا
كده كويس
واضح أننا مش هنتفق فى الاراء ولكن دة ميديلكش الحق فى التجريح للمرة التانية
لاحنا بلطجية ولا كفار وكل واحد عامل لنفسه حاجة عاملها بطلوع الروح
ما هو أنا مش مطالب أوفر ركنة لامثال حضرتك اللى مش لاقي ركنة
هوة مطلوب يقتنع بكلام سعادتك يا إما أبقي وحش
خلاص يأ استاذي الفاضل
أنا مازلت عند رأيي واشكر حضرتك للمرة الاخيرة على أسلوبك المتحضر الذي يحتوي فى طياته على بعض الاهانات
ليس الرقي بمكان الاقامة ولاكن بالاخلاق
أشكرك للمرة الاخيرة
أستاذي العزيز بلاش تتهم الناس بالباطل أو عن جهل
ربنا يعطيك ويرزقك ويبقي عندك فيلا اللهم امين
على الاقل هنكسب مكان لعربية جديدة لحد مش لاقي راكنة
وبدعي ربنا دايمن فى كل صلاه أن ربنا يجعني من المتقين اللهم أمين
مش معني اني متمسك بحاجة من حقي يبقي انا غلط أو طرقة تفكيري مش عاجبة حضرتك
اقسم بالله العظيم ثلاثة
جاري أخر مازهق عمل الدور الارضي جراج
عارف حضرتك اية اللى حصل
كل مايجي يخرج أو يدخل بالعربية لازم يوقف الشارع رايح جاي علشان يشيل العربيات اللى واقفة قدام الجراج
المشكلة مش فينا احنا أدينا بنتناقش ونتحاور
المشكلة فى الجهل المستشري فى المجتمع المصري
كل واحد فاكر حقوقه بس وناسي حقوق الاخرين
انا اسف يا م جوده انا مش قصدي اهينك ربنا يعلم ...ربنا يرنا الحق حقا ويرزقنا اتباعه ويرنا الباطل باطلا ويرزقنا اجتنابه ويآلف بين قلوبنا يارب
لا تلميحات ولا حاجه الموضوع كله ان احنا مختلفين في وجهات النظر وعشان اوضح وجهه نظري اللي حضرتك مختلف معايا فيها لازم حضرتك هتحس ان هناك تلميحات لان انا مختلف معاك في شيء حضرتك بتعمله ومقتنع بصحته. لكن مش مقصود اي نجريح مجرد عرض وجهه نظر
لكن انا حابب افكر حضرتك بس ان الموضوع اتفتح لما كنت بتدافع عن تصرف العضو syd اللي اتخانق مع شخص لمجرد انه ركن امام بيته وقلت ان الراجل مخطأ 100% عشان ركن امام بيتهم وده في حاله ملكيه العضو syd للبيت رغم انه لم يذكر تماماَ انه سايب مسافه عند البنا امام بيتهم للركن ولا حاجه يعني (ده اذا اتفقنا ان حضرتك لك حق الركن امام منزلك للسبب اللي حضرتك ذكرته فهو لا ينطبق على حاله العضو ورغم كده حضرتك ايدته في تصرف)
عموماً لو حضرتك فهمت ان في اي تلميح في تجريح فاتمنى ان الصوره دلوقتي تكون اوضح
واضح ان فيه سوء تفاهم لان مش انا اللي كاتب التعليق اللي حضرتك بترد عليه ده
حضرتك العضو الفاضل windofchange اقتبس الرد بتاعي واضاف عليه الجزء الخاص به في نهايته
انا كلامي انتهى عند جمله "اسف على الاطاله واتمنى ان حضرتك متزعلش من كلامي"
اما ما بعد ذلك فهو كلام العضو windofchang
على الرغم من عدم اختلافي معاه في المضمون ولكن قد اختلف معاه في الاسلوب
واتمنى ان حضرتك متاخدش الموضوع بشكل شخصي احنا بنتكلم على حاله عامه لا تخلوا عماره في مصر منها ومش شرط يكون اللي بيعمل كده صاحب العماره ولا حته عندوا شقه ملك في ناس بتعمل كده وهما قاعدين في ايجار او وهما بيركنوا امام شغلهم كمان يعني مش من سكان المنطقه اصلاً
السلام عليكم ورحمة الله وبركاته
ولا أسف ولا حاجة
إحنا هنا إتفقنا أو إختلفنا كلنا إخوات
بالعكس أنا رحب الصدر واسعد بأي مناقشات مفيدة علشان نتعلم منها
أنا بس مبحبش أشخصن المواضيع
كلامي كله بيكون بصفة عامة
واسف جدا جدا لو كان أى زميل زعل مني ومن مشاركاتي بالموضوع
اشكركم جميعا على إحترامكم ورقي أخلاقكم
دمتم جميعا بكل الخير
المشكلة يا جماعة انت انت مثلا تبقى أول واحد ساكن في العمارة دي اول ما اتعملت مثلا..وبتركن قدام شقتك أو بيتك على طول بقالك مدة كبيرة والناس عرفت ان دا مكانك..تبقى جاي من مشوار بالليل أو الظهر مثلا بتبقى جاي مش طايق نفسك من الزحمة والحر والمشوار ونفسك تسيب العربية في الشارع وتطلع تانم..تيجي تركن تلاقي واحد رخم ومش من المنطقة أصلا حاطط عربيته قدام بيتك بكل رخامة ومشي وسابها!!
اقعد بقى لف الشارع كلو على ما تلاقي ركنة اذا لقيت أصلا..ودا اللي بيحصل معايا!!
عشان كدا انا متفق مع الأستاذ جودة في كل كلمة قالها..
والله يا جماعة واحدة سايبة عربيتها قدام شقتي 3 أيام وانا بركن قدام ومش عارف أوصلها..لحد ما صادفتها الساعة 7 الصبح وهي رايحة الشغل..تخيلو انها ساكنة في الشارع اللي ورانا أصلا وجاي تركن هنا!!
طبعا كنت متغاظ جدا وهزقتها بالأدب..من ساعتها مبقتش تيجي!
يعني لو جاري او واحد من العمارة اللي قدامنا بعديها عادي..لكن من الشارع اللي ورانا!!
شوف بقى احساسك هيكون ايه ساعتها.
والحمد لله اننا مثلا ساكن في منطقة الشوارع فيها واسعة واقدر ألاقي ركنة..لكن المشكلة الكبيرة في المناطق الشعبية زي امبابة مثلا..يدوب الشارع يعدي واحد ماشي على رجله أصلا!
تسلم يا استاذ خالد
ياراجل كنت فين من زمان سايبيني أحارب لوحدي ههههههههههههه
عموماً دي وجهات نظر وكل واحد مننا مقتنع تماماً بوجهه نظرة
النظام مفيش احسن منه كل واحد يعرف مكان ركنه عربيته احسن
طيب مانبقي نعمل سباق أحسن كلنا نقف على خط واحد فى اول الشارع ونجري كلنا مرة واحدة واللى يلحق يركن الاول
ههههههههههههه دي كمان فكاهة علشان نلطف الموضوع ونقلل من سخونته
تحياتي لكل من اتفق أو أختلف معي
تسلم ياكبير على المعاونة
ياريت والله يسمعوا الكلام
هيا دي أصوات العقل والمنطق
تبقي صاحب البيت وبتدور على مكان لعربيتك عند حد تاني يافضيحتي يا رجالة
طيب ماممكن اللى هتركن قدامه يحرجك ويقولك ياعم إذا كنت مش حاكم تقف قدام بيتك هتيجي تركن عندي انا
هههههههههههههه تسلم ياباشا كمان مرة
واللى مش عاجبة يشد فى حواجبه
:10_9_133:
أو يروح على مركز لحقوق الانسان
مش فاهم ليه الناس افقها صغير اوي ليه الناس بتقاوح في الغلط بزمه اوي الي فخور بكونه صاحب بيت معملش جراج ليه في ملكه لاااا يتحكم في المترين الي قدام الملك !!! الملك لله وحده و كلنا حنتحاسب علي الصغيره قبل الكبيره و انا مقتنع ان ربنا ان شاء الله هيحاسب كل مغتصب و متعدي علي حقوق الناس و بس
فعلا الملك لله وحدة
احنا مش افقنا صغير ولا حاجة دي قضيتنا ومتمسكين بحقنا
ومعتقدش حد بيغتصب حقه انما مش منطقي يسيب حقه يغتصب من واحد مالوش راكنة
اعمل بيت بجراج او منغير دي حرية شخصية ومش مجبر اني اشغل مكان فى بيتي وانا شاري مترين فى الشارع علشان العربية بتاعتي
يارب اكون وضحتلكم وجهه نظري اللى مش هغيرها ابدا
السلام عليكم ورحمه الله
انا عامل جراج واصحاب العربيات يقفلون على مدخل الجراج لانه بجوارى فى الشارع طلع برج 12 دور وكل دور شقتين - وباع الدور الارضى محلات - واصحاب المحلات رفضوا ان يركن احد من سكان البرج سيارته امامهم - انا ذنبى ايه فى عدم توفر ركنه لسيارتهم
معلش يا صديقي العزيز استعمل كل الطرق المشروعة للحصول على حقك
حتي لو اضطريت انك تعمل حديد وسلاسل قدام الجراج بتاعك محدش يقدر يلومك
عاوز حد بقي من بتوع الشارع ملكية عامة ومش لحد بيعينه يحل مشكلة الراجل دة
أهو عامل جراج وزي الفل يعني مش مضايق حد فى الشارع
ومع ذلك الناس معندهاش دم بتقفلو قدام باب الجراج
نفسي بقي حد يجاوبني على السؤال دة
السلام عليكم ورحمه الله
بعد ياسى من الناس التى ليس لها دماغ يدفع فى شقه 200000 بدون جراج او مكان بجانب الرصيف قررت ترك ملكى وسوف اؤجر الشقه والمحلات بتاعتى والجراج والرحيل عن الملك فيصل واخذت شقه فى حدائق الاهرام بها جراج على الاقل لو حدثت مشكله فى الجراج نبقى عارفين فى اى شقه صاحب السياره ونعرف نحضره.
ههههههههههه كان الله فى عونك أخي العزيز
مطلوب من الاخوة الافاضل الفلاسفة بتوع الملكية العامة والملكية المعرفش اية يسمع كلام الراجل دة
هيسيب ملكه ويروح يسكن فى منطقة تانية بس هياخد شقة ليها جراج
مش من باب أولي حبايبنا المتطفلين لما يشتري شقة يشوف ليها جراج ولا لاء
بدل متزهقو الراجل وتخلوة يعزل
بس أنا مازلت أقاتل من أجل حقي
:10_9_133::10_9_133:
بالمناسبة نسيت احكيلكم عن موقف حصل معايا امبارح راجع الساعة 11 بالليل وداخل عل البيت لقيت ضيف بيركن مكاني
الراجل حس ان دة مكاني كان عاوز يمشي قولتلو لاء عادي اركن تحت امرك ونورتنا وأهلا بيك فى اى وقت
أحنا ضيوفنا على راسنا من فوق بس لو كان من المنطقة كنت اديلتو النور العالي فى عينه وعين اللى مش عاجبة
تحياتي
عادي كان من كام شهر في بور سعيد جنازه 7 مصريين
كانوا ماشيين في جنازه 37 واحد
علشان زعلانيين علي اعدام 21 واحد
متهمين في قتل 73 واحد
كانوا بيتفرجوا علي 22 واحد
بيلعبو كوره وعجبي
ربنا يصلح حال البلد
كلام سليم تماما ولو احنا فى بلد فيها قانون ولو فيه مشكله واتصلت بالشرطه وتيجى وقتها
هتلاقى ان اللى عامل حديد فى الشارع ممكن يتاخد فى سين وجيم
واللى بيقول لحد متركنش مكانى يتعمله محضر
وبالتالى مش معنى انك مقتنع بحاجه غلط ان ده صح وتمشيه على الناس
وفعلا نايل موتورز مجتمع صغير يمثل فكر الناس بمصر
اكيد النقاش مش هيجيب نتيجة بحاجة أعتقد انها مسلمات وقوانين ينظمها العقل
ولا يوجد اغتصاب للمال العام دة مال خاص بعقود مسجلة بجهات حكومية
هبقي دافع مبلغ وقدرة وغيري بنتفع بيه
قفلت خلاص باب المناقشة علشان خاطر الناس اللى عاوزة تعيش بميثالية زايدة اوي
وأراهن لو اى حد من الفلاسفة اللى أمتعونا بأرائهم الفريدة من نوعها ( بتوع المال العام والشارع والملكية العامة ) لو حد فيهم مكاني هيعمل كدة واكتر
حتي بالعقل لو قدام بيتي ملكية عامة منا بردو اكيد هنتفع بيه
المال العام عام والخاص خاص
كل مافي الموضوع أني خصخصت خصوصي على جمب
وبكدة اخدت حقي
وبعدين بدل متنتقد الناس وتعيش دور الملاك البرييئ اللى مغلوب على امرة
أركن عربيتك فى جراج وتلاشي الناس المفترية ولاد التييييييييييييييييييت اللى زيينا
كلامك صحيح
دة فى حالة ان الشوارع كلها بقت كويسة ومفيش تكسير ومطبات
وحال البلد اتعدل ومبقاش فيه سرقات ولا بلطجة وخلصنا كل مشاكل البلد وفاضل بس مشكلة مين بيركن فين فى الحالة دي موافق تجيب الشرطة بس هتقولهم اية مش عاوز يخليني اركن قدام بيته
الغلط اللى انتو بتتكلمو فيه
أيوة الشارع ملكية عامة
طيب ليه منظمش الملكية العامة للكل ينتفع بيه ويبقي صاحب البيت أولي يركن قدامة ولو فيه مكان ياخد كمان عربية
انما تبقي سباق واللى يرجع الاول يركن واللى يتاخر زمبة على جمبو
وتصحي من نومك تلاقي عربيتك مخبوطة فى أخر الشارع أو عربية مسروقة راكنة قدام بيتك أو أو أو
فعلاً نايل موتورز نموذج مصغر لمصر يمثل كافة أطياف الشعب المصري
ناس بتعيش الواقع وبتحاول تلاقي حلول لمشاكلها وتتعب وتتكلف بحلولها
وناس عاوزة تعيش فى المدينة الفاضلة وناس تطلب حقوق مش حقوقها حتي من غير ماتراعي حقوق غيرها
ولاكن الكلام يا جماعة للتذكرة
أنا مالك العقار ودافع تمن مترين بطول العقار انتفع بيه كما يحلو لي
وبالمناسبة احنا سايبين مترين بمزاجنا مش مجبرين على كدة
دة علشان نخلي الشارع بدل مايكون 6 متر يكون 10 متر
ياريت الناس تتعلم مننا وتعمل زيينا
مش عاوزة حقوقها من غير متراعي حقوق الغير
اللهم انزع الحقد من قلوبنا
:10_9_133: