الموضوع: تجربة تغيير البطاحات الأمامية ابيزا 99 - بالصور

بسم الله الرحمن الرحيم

السلام عليكم ورحمة الله وبركاته

أخواني الأعزاء في قسم سيات نايل موتورز - بعد التحية

النهاردة الحمد لله رب العالمين غيرت البطاحات

البطاحة اللي قبلها كانت سيئة بشكل فوق الوصف
رغم اني لسها مركبها قريب - ودة رابط التقرير بتاع تغيير البطاحة القديمة
http://www.nilemotors.net/Nile/28406...post3874252398

اول ملاحظة عليها
تقترب جداً من حيث الخامة من البطاحة الأورجينال اللي كانت خارجة من عربيتي قبل ما اركب البطاحة السابقة (كما اوضحت في موضوع "عملت عمرة عفشة")

ثاني ملاحظة
سعرها اغلي بكتير اوي من البطاحة السابقة - رغم ان البطاحة السابقة كان مكتوب عليها febi ألماني المفروض
ودة اللي عايز احذر منه - اوعي تتغر ببلد المنشأ - المهم الحالة والخامة
البطاحة الجديدة مش جاية في علبة ولا كيس ولا اي عبوة او تغليف - ومش مكتوب عليها ولا كلمة ولا حرف ولا رقم وكأنها مصنوعة في الشارع

الحمد لله علي كل حال
طبعا انا كنت عملت موضوع قبل كدة ساعة لما بتاع الكاوتش حذرني منها وان الوضع حرج جداً ويفضل عدم التحرك بالعربية او الجري بيها علي سرعات
http://www.nilemotors.net/Nile/354167-a.html

تفاصيل البطاحة في المشاركة دي
http://www.nilemotors.net/Nile/34102...post3874994203

دي صورة بتوضح حالة العربية قبل البطاحة



لاحظ ارتفاع العربية (المسافة بين الرفرف وحرف الكاوتش من الأعلي) مسافة لا تتعدي ال5 سم وبالعافية مش بعرف ادخل صباعين (السبابة والوسطي)

ولاحظ هنا حالة البطاحة وهي راكبة في العربية وشوف فيها gap قد ايه (كل المسافة دي بوش وطبعاً العربية كانت بتقع مع اي مطب وكأني بنط بيها)




وشوف هنا وهي راكبة في المساعد



طبعاً حالة في الضياع - ربنا هو الستار

والصورة دي مقارنة بينها وبين الجديدة



شايف الفرق في الأرتفاع بين الأتنين

دي صور القديمة وشوف حالها وصل لأيه





البطاحة التانية مارضيتش اصورها
خسارة فيها الصورة - حالتها كانت اسوء من كدة
كانت ضاربة من بعضها والكاوتش مقطوع
حسبي الله ونعم الوكيل - يارب انتقم من كل مستورد بيجيب قطع غيار مضروبة وبالذات فـ قطع الغيار اللي مافيهاش تهريج او استهتار بأرواح الناس


دي صورة البطاحة الجديدة وهي راكبة
الحمد لله الوضع بقي احسن كتير ومفيش اي gap




وأخيراً
الوضع بعد تركيب البطاحة والمساعد والعربية خلاص خلصت



الحمد لله رب العالمين
العربية ارتفعت عن الأول والوضع بقي افضل من الأول

يتبقي دلوقتي تغيير جلب المقصات لأنها منتهية تماماً بردو

اتمني يكون التقرير عجبكم واستفدتم من نقل التجربة

أنتظروني ان شاء الله في تقرير جديد وتجربة جديدة

والله المستعان
،
،