سؤال لرجال المنصورة؟؟ في حد بيصلح جنوط 17" في المنصورة؟؟

**amrico** · 18-05-2013 08:45 AM

السلام عليكم يا شباب

سؤال لرجالة المنصورة؟؟؟

عندي الجنوط بعافية شوية :) وعاوزة تتعدل

ياترى في مكان في المنصورة بيصلح الجنوط ويرجعها لأصلها

وشكرا مقدما

الجنوط 17 زي اللي في الصورة بالضبط

[sor2]http://images.esellerpro.com/2493/I/163/8/E60_EX_Fe_V_245.jpg[/sor2]

**mahmoud85** · 18-05-2013 12:21 PM

متابع

**Medo.Malek** · 18-05-2013 03:15 PM

معرفش حد كويس فى المنصورة نفسها
فى واحد فى الزقازيق اسمه شيبوب عملنا عنده جنط كروز 16 بس الجنط مكنش فيه كسور او لحامات و النتيجة مرضية بنسبة 95%
لو هاتروحله محتاج تكون عنده على الساعة 9 صباحا بالكتير عشان عنده زحمة و ممكن تعطل عنده
و حضرتك اعمل حسابك ان البلد هناك زحمة جدا و الجو حر جدا :(

**amrico** · 18-05-2013 08:54 PM

المشاركة الأصلية كتبت بواسطة medo.malek

معرفش حد كويس فى المنصورة نفسها
فى واحد فى الزقازيق اسمه شيبوب عملنا عنده جنط كروز 16 بس الجنط مكنش فيه كسور او لحامات و النتيجة مرضية بنسبة 95%
لو هاتروحله محتاج تكون عنده على الساعة 9 صباحا بالكتير عشان عنده زحمة و ممكن تعطل عنده
و حضرتك اعمل حسابك ان البلد هناك زحمة جدا و الجو حر جدا :(

الف شكر على الرد

انا برضه الحمد لله معنديش كسور ولحامات

ياراجل دا انا بمشي في شوارع المنصورة بالعافية لما بكون اجازة تقوم تقولي الزقازيق :))) ، بصراحة معرفش الزقازيق خالص

وعشان معرفش حاجة في الزقازيق، بفكر ارفع العربية وابعت الجنوط مع اي حد يعملهم وخلاص، تفتكر ينفع كدا ولا بيحتاج العربية في حاجة؟

طيب، بما ان حضرتك من المنصورة مين كويس بتاع ضبط زوايا وترصيص والكلام دا كله؟

والف شكر كمان مرة

**mahmoud85** · 18-05-2013 09:30 PM

ظبط زوايا فيه واحد اسمه الحجاز الناس كلها بتشكر فيه بس انا ليا تجربه سيئه معاه
هو بعد عوضالله الجديد تفضل ماشي لحد ماتلاقي صينيه تدخل يمين بعد اول مطب عاليمين هتلاقي فيه يافطه كبيره ظاهر جدا اول ما تدخل الشارع (مساكن المجزر )

انا جربت قبل كده واحد في الطويله عالطريق السريع كان كويس بصراحه وناوي اروحله تاني

**amrico** · 18-05-2013 09:50 PM

المشاركة الأصلية كتبت بواسطة mahmoud85

ظبط زوايا فيه واحد اسمه الحجاز الناس كلها بتشكر فيه بس انا ليا تجربه سيئه معاه
هو بعد عوضالله الجديد تفضل ماشي لحد ماتلاقي صينيه تدخل يمين بعد اول مطب عاليمين هتلاقي فيه يافطه كبيره ظاهر جدا اول ما تدخل الشارع (مساكن المجزر )

انا جربت قبل كده واحد في الطويله عالطريق السريع كان كويس بصراحه وناوي اروحله تاني

ايوه عارفه دا كويس

اسمه حجازي تقريبا مش الحجاز

ظبطلي العفشة بتاعة العربية وبيشتغل في اي عربية كبيرة وكمان صلحلي عيب علبة الدركسيون بتاع الدايهاتسو السيريون

بس معجبنيش في الترصيص اوي بصراحة

شكرا على المساعدة

الطويلة دي طريق دمياط؟؟؟

**mahmoud85** · 18-05-2013 10:38 PM

ايوه طريق دمياط اسمه mtm هو قبل الطويله علي طول الناحيه الشمال يعني هتلف وترجعله جمبه كافتريا بس مش فاكر اسمها

**bmya** · 19-05-2013 03:18 AM

انا سمعت كلمه سيريون ههههههه
طيب متقولنا ياباشا عملت ايه في علبه الدركسيون واتكلفت كمام :)

**amrico** · 19-05-2013 06:48 AM

المشاركة الأصلية كتبت بواسطة bmya

انا سمعت كلمه سيريون ههههههه
طيب متقولنا ياباشا عملت ايه في علبه الدركسيون واتكلفت كمام :)

انا كنت بشتكي من صوت في الدركسيون، العيب الشهير بتاع سيريون، وخصوصا لو الشارع مكسر او على المطبات

المهم رحت للراجل دا لان كان عندي تجربة كويسة معاه في عربية مرسيدس c كانت عندي

المهم الراجل لقيته بيقولي انه عارف العربية فيها ايه وان دا عيب معروف في السريون، وسيبتهاله ومشيت لأني مكنتش فاضي

مش عارف ركب جلبة ايه كدا وكبس حاجة، ولقيته بيقولي انا اتحدى التوكيل انه يخرج العربية من الضمان لأن الشغل اللي عملته مايبانش خالص :)) قولتله العربية اصلا 2009 يعني خرجت من الضمان خلاص، وبصراحة العربية فرقت خالص بعد الشغل اللي عمله وبقت كويسة بسم الله ما شاء الله

مش فاكر دفعتله كام بصراحة

بس بصراحة السيريون عربية محترمة جدا وهي اللي بنركبها على طول ومتحسش ابدا انها عربية قليله

من وجهة نظري السيريون احسن عربية تركبها في المدينة والزحمة

ربنا يباركلك في السيريون بتاعتك

الموضوع: سؤال لرجال المنصورة؟؟ في حد بيصلح جنوط 17" في المنصورة؟؟

LinkBack

أدوات الموضوع

عرض

سؤال لرجال المنصورة؟؟ في حد بيصلح جنوط 17" في المنصورة؟؟ - انشر الموضوع فى :

-

-

-

-

المواضيع المتشابهه

ايوة المنصورة...المنصورة...اجمع هنا كله..مقابلة

أيمن باشا هو موضوع اوتو هاشم وصل لفين ؟؟؟ "مركز صيانة المنصورة "

للبيع سكودا فورمان 95 عداد 57 الف فقط "المنصورة"

إلى أهل المنصورة الكرام: إستفسار عن مدارس اللغات في المنصورة ؟؟

بشرى لأهالي المنصورة ... مركز خدمة معتمد في المنصورة

الكلمات الدلالية لهذا الموضوع

المفضلات

المفضلات

ضوابط المشاركة