ايه انسب مقاس لجنوط اللانوس ؟ 14 ولا 15 ؟

السلام عليكم

انا عايز اعدل الفرامل وكده كده كنت عايز اغير التيل والطنابير فقلت اعدلها بالمره

وعايز طبعا اغير جنوط وكوتش عشان اللي عندي سافرو خلاص

ياتري ايه احسن مقاس للجنوط؟ ال 14 ولا 15؟
ناس كتيير بتقولي بلاش 15 عشان هينشف العربيه عشان هضطر تجيب كويش واطي عشان ميحكش؟ بس حاسس انه شكله هيبقي احلي

ممكن تفيديوني في القرار ده وايه المقاش الصح والمقاش الصح للكوتش برده سواء 15 او 14 وانا عايز كوتش اللي هو عريض ده


وياريت كمان سعرا لطنابير وهل يوجد منها الطنابير اللي بتبقي مخرمه؟ اللي اعرفه انها بتاعة اوبل فيكترا
وبالمره سعر جهاز النوبير بتاع الفرامل


انا عربيتي حمرا وبفكر ارش لجهاز احمر هل هيبقي شكله حلو ؟

شكرا مقدما

وسعرا لجنوط بالمره ولو حد عنده اشكال واماكن اشتري منها يبقي كتر خيره

خليك في جنوط 14 والحديد منهم بيعملو 450 او 500

انا كمان عايز أجنط بس محتار 14 ولا 15..بس بصراحة انا شوفت ناس كتير مركبة 15 على اللانوس شكلها فاجر..بس مش عارف العفشة ايه نظامها.

اقتباس:

---

المشاركة الأصلية كتبت بواسطة a_arazik

خليك في جنوط 14 والحديد منهم بيعملو 450 او 500

---

انا عايز اجيب الاسبور مش الحديد عشان شكل العربيه يبقي حلو ويظبط ثباتها شويه

اقتباس:

---

المشاركة الأصلية كتبت بواسطة khaled lanos

انا كمان عايز أجنط بس محتار 14 ولا 15..بس بصراحة انا شوفت ناس كتير مركبة 15 على اللانوس شكلها فاجر..بس مش عارف العفشة ايه نظامها.

---

كده كده اللانوس عشتفها ناشفه فمش هتفرق قوي وانا مش بحمل حد معايا وباخد بالي من المطبات ومره شفت ال 15 علي لانوس تحس انها هتنطق

بس عايز برده اراء الناس المجربه

اقتباس:

---

المشاركة الأصلية كتبت بواسطة shaddadfalcon1

كده كده اللانوس عشتفها ناشفه فمش هتفرق قوي وانا مش بحمل حد معايا وباخد بالي من المطبات ومره شفت ال 15 علي لانوس تحس انها هتنطق

بس عايز برده اراء الناس المجربه

---

الجنط الـ 15 ممكن يخليها ناشفة بغباء الصراحة..بص أنا لو مكانك مش مشكلة نعومة العفشة عندي في سبيل الثبات المتميز من الجنوط دي والأداء الرياضي..غير كدا الجنوط دي بجد تحفة على اللانوس..وعلى رأيك هي كدا كدا ناشفة..
بس المهم هي هتتعب العفشة ولا لأ دا اللي عايز أقولهولك..يعني ممكن تركب جنوط والعفشة متستحملهاش تلاقي الزوايا كل شوية تبوظ وتروح تظبطها وتربط عفشة كل شهر ودي حصلت مع صاحبي في الفيرنا..لكن الجنوط الـ 15 لا غبار عليها بس عيبها انها غالية شوية وفرد الكاوتش بتاعتها اغلى من الـ 14 طبعا.

بالتوفيق ياصديقي ومتابع معاك :)

انا حتي الان صارف حوالي 7000 جندي شد العربيه وترخيصها

مجتش علي الجنوط

بس ياريت لو عندك فكره ياخالد باشا علي الأسعار

البارح واحد كان بيقولي من 1000 الي 1800 بالنسبة لل 14

مش عارف اجيب استعمال ولا جديد

انا لسه مصلي دلوقتي وشفت محل جديد فاتح جنبي وعنده شوية جنوط شكلها تحفه ومنها اسود كمان

هحاول اساله واشوف نظامه ايه

متابع

اقتباس:

---

المشاركة الأصلية كتبت بواسطة shaddadfalcon1

انا حتي الان صارف حوالي 7000 جندي شد العربيه وترخيصها

مجتش علي الجنوط

بس ياريت لو عندك فكره ياخالد باشا علي الأسعار

البارح واحد كان بيقولي من 1000 الي 1800 بالنسبة لل 14

مش عارف اجيب استعمال ولا جديد

---

والله ياباشا الأسعار للأسف غالية شوية بالنسبة للجديد..يعني انا لما حسبتها لقيت هدفع 1500 جنيه في جنوط 14 بس دا غير تمن الكاوتش..
بالنسبة للجنوط الـ 14 النضيف يبدأ من 1200 أو 1300 لحد 1800 فعلا أما 1000 دا الصيني والله أعلم..
فأكيد الجنوط الـ 15 أغلى من كدا قول تبدأ من 1800 او 2000 مثلا..بس عشان مكدبش عليك انا معنديش فكرة عن أسعار الجنوط الـ 15 حاليا لأن ساعتها الموضوع دا مكنش في دماغي..
بس هسألك فيه ان شاء الله..
بالنسبة للجنوط الإستيراد أنا بفكر جديا في الموضوع دا..أغلب اللي أعرفهم جايبين جنوط استيراد لأن أسعارها حلوة جدا..وفرق السعر أحطه في الكاوتش الجديد..يعني واحد اعرفه جايب طقم جنوط 14 تحفة بـ 600 أو 700 جنيه سبور طبعا..بس عايز يترش عشان لمعته مطفيه وفيه كام خدش كدا..ربنا يسهل لما اعمل ميزانية للموضوع دا ساعتها هقرر أعمل ايه :)

شكرا ياجميل

اقتباس:

---

المشاركة الأصلية كتبت بواسطة Khaled Lanos

والله ياباشا الأسعار للأسف غالية شوية بالنسبة للجديد..يعني انا لما حسبتها لقيت هدفع 1500 جنيه في جنوط 14 بس دا غير تمن الكاوتش..
بالنسبة للجنوط الـ 14 النضيف يبدأ من 1200 أو 1300 لحد 1800 فعلا أما 1000 دا الصيني والله أعلم..
فأكيد الجنوط الـ 15 أغلى من كدا قول تبدأ من 1800 او 2000 مثلا..بس عشان مكدبش عليك انا معنديش فكرة عن أسعار الجنوط الـ 15 حاليا لأن ساعتها الموضوع دا مكنش في دماغي..
بس هسألك فيه ان شاء الله..
بالنسبة للجنوط الإستيراد أنا بفكر جديا في الموضوع دا..أغلب اللي أعرفهم جايبين جنوط استيراد لأن أسعارها حلوة جدا..وفرق السعر أحطه في الكاوتش الجديد..يعني واحد اعرفه جايب طقم جنوط 14 تحفة بـ 600 أو 700 جنيه سبور طبعا..بس عايز يترش عشان لمعته مطفيه وفيه كام خدش كدا..ربنا يسهل لما اعمل ميزانية للموضوع دا ساعتها هقرر أعمل ايه :)

---

معاكم يا رجالة
بس أنا بفكر في 14 سبور بس عشان تستحمل معايا عشان عربية عائلية
وعايز أعدل الفرامل كمان عشان كده عايز أغير
ياتري المستعمل ده بيتجاب منين؟
وايريت تلقوا نظرة علي موضوع المقاسات علي جنوط 14 و 15 ولسه مستني رأي محمد ممدوح في أخر مقاسات جبتها..
http://www.nilemotors.net/Nile/350726-a.html

اقتباس:

---

المشاركة الأصلية كتبت بواسطة shaddadfalcon1

ياتري ايه احسن مقاس للجنوط؟ ال 14 ولا 15؟

---

احسن دى تعتمد على انت عايز ايه...

ال15 احسن من ال14 فى الاداء من ناحية الثبات و قوة الفرامل و استجابة الدركسيون و هيغير احساسك بالعربية خالص دا غير الشكل الجمالى طبعا

عيبة انة غالى (1750 للطقم الصينى و 2000 للاندونيسى) و عرضة لانة يتعوج فى المطبات الجامدة و بينشف العربية شوية فى المطبات

ال14 بيتفادى عيوب ال15 المذكورة بس على حساب الشكل و الاداء... هو طبعا مش رايح فى داهية يعنى و العربية هتعوم و كدة لكن التحسن فى الاداء مش هيبقى زى ال15 (لما تركب 14 بدل 13 هتحس بفرق كبير برضة فى الثبات و الفرامل بس ال15 بيعمل فرق اكبر من ال14)

طقم الجنط التايوانى ال14 فى حدود 1500 جنية

اقتباس:

---

ناس كتيير بتقولي بلاش 15 عشان هينشف العربيه عشان هضطر تجيب كويش واطي عشان ميحكش؟ بس حاسس انه شكله هيبقي احلي

---

دا صحيح... بس هو الحك بيرجع للاوفست بتاع الجنط... متجيبش جنط الاوفست بتاعة اقل من 35

اقتباس:

---

وايه المقاش الصح والمقاش الصح للكوتش برده سواء 15 او 14 وانا عايز كوتش اللي هو عريض ده

---

14 يبقى 185/60/14 و الطقم بيعمل حوالى 1400 جنية (كومهو)
15 يبقى 195/50/15 و الطقم بيعمل حوالى 1700 جنية (كومهو)

اقتباس:

---

وياريت كمان سعرا لطنابير وهل يوجد منها الطنابير اللي بتبقي مخرمه؟

---

الطنابير دى بتعمل بين 260 الى 300 جنية

فية طنابير مخرمة للفكترا بس بتعمل فى حدود 1300 جنية

http://www.nilemotors.net/Nile/imgca...Nilemotors.jpg

اقتباس:

---

اللي اعرفه انها بتاعة اوبل فيكترا

---

اوبل فكترا A او B

اقتباس:

---

وبالمره سعر جهاز النوبير بتاع الفرامل

---

"الجهاز" دة اللى هو ايه؟؟؟... الماستر؟

الماستر العمومى بيخش فى 500 جنية تقريبا

اقتباس:

---

انا عربيتي حمرا وبفكر ارش لجهاز احمر هل هيبقي شكله حلو ؟

---

كدة انت بتتكلم على ماستر العجل مش الماستر العمومى... طبعا لو دهنتة احمر هيبقى جامد

http://www.nilemotors.net/Nile/imgca...Nilemotors.jpg

http://www.nilemotors.net/Nile/imgca...Nilemotors.jpg

MMamdouh

الف شكر ياكبير

ملاحظتين:

ليه الفرق الشاسع ده في سعر الطنبوره؟ هل الاداء احسن بكتيير ولا عمرها اطول ولا ايه؟ اصل تقريبا االفرق 1000 جنيه

ثانيا: الكوتش عايزه يبقي عريض هل ده نفس المقاس اللي حضرتك كتبته ؟ وهل بيعتمد علي الجنط ولا ملوش علاقه؟

موضوع ال offset بتاع الجنط هل بياثر علي مقاس الكوتش؟

اخر حاجه ايه ال offset ده :) ؟

اقتباس:

---

المشاركة الأصلية كتبت بواسطة shaddadfalcon1

ليه الفرق الشاسع ده في سعر الطنبوره؟ هل الاداء احسن بكتيير ولا عمرها اطول ولا ايه؟ اصل تقريبا االفرق 1000 جنيه

---

فرق خامات و صناعة و بلد منشاء

اقتباس:

---

ثانيا: الكوتش عايزه يبقي عريض هل ده نفس المقاس اللي حضرتك كتبته ؟ وهل بيعتمد علي الجنط ولا ملوش علاقه؟

---

انا مركب 195/50/15 و دة مرتبط بمقاس الجنط طبعا لان لو ركبت جنط 14 لازم تركب كاوتش 185/60/14 و دة اقل فى العرض من المقاس الاول بسنتى

اقتباس:

---

موضوع ال offset بتاع الجنط هل بياثر علي مقاس الكوتش؟

---

لا

اقتباس:

---

اخر حاجه ايه ال offset ده :) ؟

---

الاوفست دة هو المسافة بين منتصف الجنط و بين الصرة الداخلية للجنط... باختصار دة اللى بيحدد الجنط طالع لبرة ولا غاطس لجوة

كل ما الرقم قل كل ما كان الجنط خارج لبرة و العكس بالعكس

MMamdouh

1- ايه احسن للجنوط السبور :
تايواني
إندونيسي
تايلاندي

2- فيه جنوط سبور 14 عرض 5.5j و 6j مش أكتر؟...سهل اننا نلاقيها ؟

3- فيه جنوط سبور ال offset بتاعها أكبر من 38.؟...يعني مثلا 40 عشان نضمن انه ميحكش خالص...أكبر offset لجنط سبور ممكن نلاقيه كام ؟

4- ايه ال offset الأصلي لجنط الانوس

5- منين بقي نجيب جنوط سبور كويسة يكون حد عنده تنوع في الأشكال والمقاسات (عرض و offset)

وهل في فرق كبير بين الطنابير العاديه والمخرمه ؟

اقتباس:

---

المشاركة الأصلية كتبت بواسطة swimmer25

1- ايه احسن للجنوط السبور :
تايواني
إندونيسي
تايلاندي

---

طالما مش صينى يبقى كويس

اقتباس:

---

2- فيه جنوط سبور 14 عرض 5.5j و 6j مش أكتر؟...سهل اننا نلاقيها ؟

---

انا مش حافظ عرض الجنوط بيبقى كام للاسف

اقتباس:

---

3- فيه جنوط سبور ال offset بتاعها أكبر من 38.؟...يعني مثلا 40 عشان نضمن انه ميحكش خالص...أكبر offset لجنط سبور ممكن نلاقيه كام ؟

---

انا اكبر حاجة عدت عليا فى ال15 كان 38

اقتباس:

---

4- ايه ال offset الأصلي لجنط الانوس

---

42

اقتباس:

---

5- منين بقي نجيب جنوط سبور كويسة يكون حد عنده تنوع في الأشكال والمقاسات (عرض و offset)

---

اشرفكو فى الحى السابع

MMamdouh

اقتباس:

---

المشاركة الأصلية كتبت بواسطة MMamdouh

طالما مش صينى يبقى كويس



انا مش حافظ عرض الجنوط بيبقى كام للاسف


انا اكبر حاجة عدت عليا فى ال15 كان 38


42

اشرفكو فى الحى السابع

MMamdouh

---

حلو جدا...ألف شكر...صحيح أحمد سعيد فيها جنوط غير الصيني ولا كاوتش بس؟

بالنسبة لعرض الجنط..انا فاهم إنه لكل عرض كاوتش..عرض جنط يبقي مظبوط جدا ورينج ممكن يركب عليه...والمفروض يبقي عندهم كل المقاسات

عشان باقي الأعضاء ..شرح بسيط للنقطة دي
عرض الجنط بيكون مكتوب علي الجنط من جوا...مثلا 5.5j او 5.5" او 1/2 5 يعني 5 ونص بوصة

مثلا
كاوتش عرض 175 يركب صح أوي علي جنط عرضه 5 بوصة
كاوتش عرض 185 يركب صح أوي علي جنط عرضه 5.5 بوصة
كاوتش عرض 195 يركب صح أوي علي جنط عرضه 6 بوصة
وهكذا وعلي حسب توجيهات مصنع الكاوتش لأن لكل مقاس وله measuring rim width

اقتباس:

---

Measuring Rim Width
The measuring rim width is the industry standardized rim width upon which the tire must be mounted in order to confirm it meets its dimensional targets. Because the width of the rim will influence the width of the tire, a standard rim width for every tire size is assigned and must be used. This standardized measuring rim width allows all of the tires produced around the world to meet the same dimensional standards and therefore, be equivalent with regards to their physical size. The measuring rim width is sometimes referred to as the tire's "design rim width."

---

كمثال:
185/60/14

Kumho�Solus KR21

http://nileup.com/up/uploads/nilemotors_13689804261.jpg
وهنا
rim width range = 5 to 6.5 inch
لكن المثالي
Measuring rim width = 5.5 inch

هو تعديل الفرامل بيبقي طنابير امامي وخلفي ولا امامي بس؟

اقتباس:

---

المشاركة الأصلية كتبت بواسطة shaddadfalcon1

هو تعديل الفرامل بيبقي طنابير امامي وخلفي ولا امامي بس؟

---

الإتنين طبعا :)

سؤال مهم جداااااااااااااااااا
هو ممكن يحصل إن الواحد يجيب جنوط وكاوتش (طبعا قبل التعديل) ولما يعدل يجي يركب الجنوط الجديدة يلاقيها متركبش...فيه إحتمال لكده ولا صعب؟

اقتباس:

---

المشاركة الأصلية كتبت بواسطة shaddadfalcon1

هو تعديل الفرامل بيبقي طنابير امامي وخلفي ولا امامي بس؟

---

محمد ممدوح
أمامي
http://www.nilemotors.net/Nile/102600-a.html
خلفي
http://www.nilemotors.net/Nile/102608-a.html
محمد ممدوح - عربية إلهامي
http://www.nilemotors.net/Nile/49526-a.html
عصام غنايم أمامي وخلفي
http://www.nilemotors.net/Nile/103361-a.html

لو هتعدل إن شاء الله ... يبقي ذاكر المواضيع دي كويس
موضوع عصام غنايم جمع شغل الكبير محمد ممدوح وقال علي أماكن الشراء...بس طبعا موضوع محمد ممدوح لا غني عنه...لأنها بتحكي الفكرة من أولها

سؤال تاني مهم
فيه حد إتكلم علي البلوف هنا علي المنتدي بلوف الهواء نيكل رباط...
يعني ايه نيكل رباط والاقيهم فين وبكام؟

كمان بالنسبة للمسامير...نجيب مسامير أصلي منين مش أي كلام وبكام؟

اقتباس:

---

المشاركة الأصلية كتبت بواسطة shaddadfalcon1

هو تعديل الفرامل بيبقي طنابير امامي وخلفي ولا امامي بس؟

---

ممكن تعدل امامى فقط او امامى و خلفى مع بعض و ان كنت شخصيا مش بفضل تعمل التعديلين فى نفس الوقت

MMamdouh

اقتباس:

---

المشاركة الأصلية كتبت بواسطة swimmer25

سؤال مهم جداااااااااااااااااا
هو ممكن يحصل إن الواحد يجيب جنوط وكاوتش (طبعا قبل التعديل) ولما يعدل يجي يركب الجنوط الجديدة يلاقيها متركبش...فيه إحتمال لكده ولا صعب؟

---

ألحالة الوحيدة اللى حصل فيها كدة هى مع الزميل حسام حسن لانة كان مركب جنوط 14 سبور بتاعت النوبيرا الاوتوماتك و اضطر يركب فلانشة للجنط عشان الجنط ميحكش فى الكالبر... غير كدة محصلش اى مشاكل مع اى حد

MMamdouh

يبقي ان شاء الله الواحد يبتدي باللي قدام وبعد كده يشوف اللي ورا