يا رجاله عاوز اعرف كل حاجه عن جولف 4 لو سمحتو

**SPY123** · 18-05-2013 02:47 PM

عاوز اعرف ايه احسن موديل ؟؟وايه الموديل الى فيه esp+abs+sunroof وعاوز اعرف المتور الستوك 1400 وحش فى ايه وايه احسن متور بيسقطلها ؟؟؟ 1600 ولا 1800 ؟؟؟ وعاملين كام والفتيس الاتوماتيك فيها وحش ولا حلو وايه اسعار قطع الغيار انا عاوز حد متخصص يفهمنى كل حاجه ولكم جزيل الشكر واسف على الاطاله

**SYD** · 18-05-2013 03:29 PM

اولا اهلا بيك في قسم فولكس

الجولف ٤ نزلت من ٩٦-٢٠٠٤
نزلت مصر بمحركين بنزين انجيكشن ١.٤ و ١.٦ والاتنين كانو 16v
نزلت مانيوال واوتوماتيك
اعتقد ESP+abs يبقي موديلات فوق ٢٠٠٠ لان البورا ٢٠٠٠ نزلت بيهم وكذلك التوليدو Mk2

اما عن اسعار قطع الغيار فتعتبر رخيصة بالنسبة لعربية الماني موديل ٢٠٠٠+
وبالنسبة للاستيراد فهي مغرقة الحرفيين

تحياتي

**SPY123** · 18-05-2013 07:14 PM

المشاركة الأصلية كتبت بواسطة syd

اولا اهلا بيك في قسم فولكس

الجولف ٤ نزلت من ٩٦-٢٠٠٤
نزلت مصر بمحركين بنزين انجيكشن ١.٤ و ١.٦ والاتنين كانو 16v
نزلت مانيوال واوتوماتيك
اعتقد esp+abs يبقي موديلات فوق ٢٠٠٠ لان البورا ٢٠٠٠ نزلت بيهم وكذلك التوليدو mk2

اما عن اسعار قطع الغيار فتعتبر رخيصة بالنسبة لعربية الماني موديل ٢٠٠٠+
وبالنسبة للاستيراد فهي مغرقة الحرفيين

تحياتي

شكرا جدا يا باشا لردك وزوقك عاوز اعرف الموتور ال 1400 ضعيف جدا كده وكله بيسقطلها موتور ولو ضعيف طيب بالنسبه للمكن الى بيسقط ايه انسب واحسن موتور ليها وسعره كام مع العلم انى معايا كيا سيفيا قطع غيارها مش رخيصه بالنسبه لباقى الكورى القريب منها لو حضرتك ممكت تقولى السيور والفلاتر والطرمبه والحاجات الى بتتغير كتيير وايه اغلى حاجه فيها وكده اكون شاكر افضالك جدا يا فندم وفرصه سعيده جدا

**SYD** · 18-05-2013 07:34 PM

المشاركة الأصلية كتبت بواسطة SPY123

شكرا جدا يا باشا لردك وزوقك عاوز اعرف الموتور ال 1400 ضعيف جدا كده وكله بيسقطلها موتور ولو ضعيف طيب بالنسبه للمكن الى بيسقط ايه انسب واحسن موتور ليها وسعره كام مع العلم انى معايا كيا سيفيا قطع غيارها مش رخيصه بالنسبه لباقى الكورى القريب منها لو حضرتك ممكت تقولى السيور والفلاتر والطرمبه والحاجات الى بتتغير كتيير وايه اغلى حاجه فيها وكده اكون شاكر افضالك جدا يا فندم وفرصه سعيده جدا

مش ضعيف ولا حاجة
دة 16v 75hp
السيرفيس بتاعها مش هقدر افيدك فيه بدقة - بس من خلال معاملتي مع تجار الفولكس (لأن عربيتي بموتور فولكس) فالسيرفيس بتاعها هيبقي في الحدود دي تقريباُ
فلتر الهوا 60
فلتر البنزين 60
فلتر الزيت 50
سير كاتينة 90
سير دينمو 75
طرمبة بنزين 350

الأسعار تقريبية - دي اسعار السيرفيس لموتور البولو 1400 - ومش هتختلف كتير عن اسعار جولف 4

ممكن فلتر الهوا يختلف سعره شوية لأن العمة اكبر شوية ومختلفة

ولو لقيت اسعار قطع غيار للجولف هقولك عليها

تحياتي

**SYD** · 19-05-2013 08:21 AM

المشاركة الأصلية كتبت بواسطة أحمد عبدالله

متابع ما هو سعر العربية اصلا

العربية الجولف 4 اسعارها بتبدأ من ال50 - 65 حسب الحالة والموديل
في ناس بتطلب اكتر لما تكون العربية مصروف عليها
بس اهم حاجة يكون مصروف عليها صح والحالة جيدة

**amrelsaqqa** · 23-05-2013 11:25 PM

يا جماعة انتوا متأكدين ان المواتير دى 16v !

انا معلوماتى عن مواتير الجولف والاوكتافيا والفولكس عامة في الفترة دى انها 1 كامة 8v

ياريت حد يأكد المعلومة ضرورى

**SPY123** · 31-05-2013 07:35 AM

المشاركة الأصلية كتبت بواسطة mhoreya

انا كان معايا جولف 4 و هقولك على كل معلوماتى عنها ..
اولا العربية محترمة جدا وانا ندمان انى بيعتها ..
عفشة حلوة اوى و عربية شياكة و قعدتها مريجة .. و قطع غيارها متوفرة جدا و رخصية ..
مشكلة العربية دى انك لازم تتأكد ان الحرارة بتاعتها مظبوطة و المياة بتاعت القربة مش بتنقص ..
لان السخونية اهم عيب فيها .. فا لازم تتأكد انها كويسة من ناحية السخونية ..
الماتور ال 1800 ده مش عملى اطلاقا !! سحب البنزين عالى جدا جدا بس ماتور مفترى فى الجرى ومحدش هيقدر يسد معاك ..
بس بيحتاج عفشة لوحدو و فتيس شغلانة كبيرة لو هتسقطو .. و قطع غيار الماتور ده موجوده بس غالية شوية ..
انا شايف احسن ماتور للعربية دى هو ال 1600 .. بصراحة ماتور محتررررررم و حاجتو موجوده و رخيصة و بيخلى العربية تطير .. و كمان بيركب على العفشة العادية ومش محتاج لعب كتير ..
الماتور ال 1400 بتاعها زباااالة و اسمع منى ماتور وحش جدا و ضعيف ..
خليك فى ال 1600 ..
العربية فراملها و ثباتها على الطريق حكاية .. و التعديل فيها بيخليها تحفة فنية ..
اى استفسار انا فى الخدمة يا بوب

الف شكر يا كبير لزوق ولردك بس انا عاوز اسالك كام سؤال معلش استهلاك البنزين فى ال1600 عامل ايه؟؟؟؟ والتكييف بتاع ال 1600 دى عامل ايه انا واحد قالى ان تكييف الجولف ضعيف اوى وعاوز اعرف ال1600 الاتوماتيك حلو ولا وحش وشكرا جدا يا بوب ومعلش انا كنت مشغول شويه مكونتش متابع انا لسه شايف ردك النهارده