منذ ان اشتريت السيارة منذ 6 أشهرو هى فى مجمل أدائها ممتاز و فى نهاية مارس الماضى كنت بعمل صيانة ال 5000 و ساعتها قلت للمهندس فى صوت لما بفرمل باسمعه من قدام و قالى ساعتها احنا فاكينا التيل و صنفرناه و هو ده اللى كان بيعمل صوت الصفارة و بعد ما خرجت من اتو ايجيبت ووصلت لحد هايبر فى مطب هناك جاى بفرمل سمعت الصوت تانى قلت استنى شويه انا مش فاضى كل شويه اروح التوكيل خصوصا انهم كانوا مشغولين بسبب العرض اللى كانوا عاملينه و حسيت ساعتها انى اتقلبت فى الصيانه دى و من حوالى 3 أسابيع كنت راجع من الشغل لقيت صوت العربيه بيعلى اما اعدى 90 كم وابص ع ار بي ام مالقيهوش عالى مشيت على سرعة 100 كم و نزلت الفتيس من ع d ل n فلقيت الصوت زى ما هو مع انى كده لغيت الموتور فقلقت ورحت متصل بأتو ايجيبت وحددت معاد بعد اجازة شم النسيم و روحت السبت اللى فات و قلت للمهندس انى بشتكى من صوت الفرامل اللى بقي مزيكا مع كل فرملة و بلإضافة للصوت العالى اللي بعد ال 90 كم و مع المشي بقي صوت العربية يعلى عند 70 كم قالى هتستلمها الساعة 3 و طلعت اقعدت فى مكان الانتظار و الساعة 3 بصيت لقيت العربية مغسولة وواقفه و نزلت -لقيت أ/ أحمد مصطفى و معاه احد الأعضاء المحترمين من القسم وانا اسف جدا اجدا انى نسيت اسمه وياريت يعذرنى انا اسف بجد لأن المقابله كانت سريعه جدا والحقيقة يا جماعه الناس دى محترمة جدا وكان يوم اجازتهم ورايحين علشان يحلوا مشكلة احد الاعضاء اللى حصل معاه مشكلة فى اتواايجبت وبصراحه الراجل لما عرف انى عضو فى المنتدى راح معايا للمهندس ووصاه انه يهتم وقعد يستفسر معايا عن اللى ف العربيه وكتر خيره بصراحه تطوع من غير حتى ما اطلب منه اى شي وجزاه الله خير -وسألت المهندس على الاصوات دى قالى الصوت العالى ده بلى العجل الامامى وغيرناه فى الضمان قلتله ده كان فيه منه خطورة علشان كنت لسه راجع من الاجازة من اسكندرية قالى لا مافيهوش اي خطورة و سألتة على صوت الفرامل قالى دا عيب طنابير وهتتغير ف الضمان طلبناها لك و اما تيجى هنتصل بيك قلتله طيب و التيل قالى لسه فيه 5 ملم وتقدر تمشي بيه شويه وتغير التيل مع الطنابير قلتله هو فى عيب فى التيل قالى لأ قلتله العربيه جديدة ويطلع فيها كل العيوب دي قالى عادي دي عيوب صناعة وهتتغير امال هما عملوا الضمان ليه بصراحة انا مش عارف 5 ملم فى التيل دول يمشونى اد ايه عليها بس انا عامل دلوقتى 10000 كم بالعربيه وحاسس ان التيل وحش تيل الفبريكة المفروض بيقعد كتير انا مش عارف انا من حقى أطلب اغير التيل كمان فى الضمان ولا مش من حقى حبيت انقلكم اللى حصل معايا لعل احد الاعضاء يعانى نفس المشاكل وياريت الأعضا يفيددونى اذا كان فى حد غير التيل ف الضمان و لا دا حاجة استهلاكية مش من حقى اطالب بتغيره فى الضمان؟؟
