مهندسين كهرباء

**hamido46** · 18-05-2013 05:13 PM

السلام و عليكم ..أنا انشالله حتخرج السنة الغاية فه كنت عايز أعرف الكورسات المفروض تتاخد إيه و التخليني أحسن لم أجي أقدم فيه شركة ؟؟؟....و شكراً

**ايمن محمود محمد ابراهيم** · 18-05-2013 05:36 PM

روح معهد الدنبوسكو فى روض الفرج ميدان المبيضة وخد دورات فى Step7-1200

**hamido46** · 18-05-2013 05:40 PM

أنا من اسكندرية ....و فيه ناس صحبي قالولي أخد فيه سيمينس عشان تبئة شهادة معتمدة بس غالي ....هل عند حضرتك فكرة ؟

**م/مصطفى محمود** · 19-05-2013 12:32 AM

طبعا الأوتوكاد ده حاجه مفروغ منها ، ولو ريفت كمان يبقى تمام

ولازم تحدد انت عايز تشتغل فى اية ؟ أستشاري ولا مقاول ولا مكتب فني ولا مبيعات

تحكم ولا توزيع كهرباء ولا محطات ولا صيانة فى مصنع

وياريت لو تهتم بالتدريب الصيفى افضل ، يعني تتدرب فى شركات

انا للأسف ميكانيكا فمش هعرف افيدك قوي ، بس لازم تحدد المجال اللى انت حابب تشتغل فية وده اللى تركز فية

ومش مهم الشهاده نفسها اد الإستفادة اللى هتكتسبها

وربنا معاك

**tarekmomo** · 19-05-2013 01:54 AM

ccna
ccnb

**hamido46** · 19-05-2013 08:34 AM

المشاركة الأصلية كتبت بواسطة م/مصطفى محمود

طبعا الأوتوكاد ده حاجه مفروغ منها ، ولو ريفت كمان يبقى تمام

ولازم تحدد انت عايز تشتغل فى اية ؟ أستشاري ولا مقاول ولا مكتب فني ولا مبيعات

تحكم ولا توزيع كهرباء ولا محطات ولا صيانة فى مصنع

وياريت لو تهتم بالتدريب الصيفى افضل ، يعني تتدرب فى شركات

انا للأسف ميكانيكا فمش هعرف افيدك قوي ، بس لازم تحدد المجال اللى انت حابب تشتغل فية وده اللى تركز فية

ومش مهم الشهاده نفسها اد الإستفادة اللى هتكتسبها

وربنا معاك

اوتو كاد مش عارف هل هيفدني على لأ أنا مش هاخدو خالص فيه الكلية .....ار التدريب الحمدالله مهتم به أوي ....و ربنا يسهل و شكراً له رد حضرتك

**hamido46** · 19-05-2013 08:44 AM

المشاركة الأصلية كتبت بواسطة tarekmomo

ccna
ccnb

أنا دورت و لقيت كلها نتوورك كمبيوتر و أنا كهربة فه مش هتفدني و شكراً له رد حضرتك

**fourseasons** · 19-05-2013 08:54 AM

plc, auto CAD ,PREMIVERA كلده حيفيدك يا باشا و يا حبذا لو كورس انجليزى كمان.والدمبوسكوا برضوا فيه كورسات من ال انا قولتها واكتر و الدومبوسكوا موجود عندنا فى اسكندرية فى شارع الخديوى من محطة مصر كده و انت رايح على مينا البصل و الورديان قدام جامع العمرى

**dodo2000** · 19-05-2013 10:28 AM

دور بس على حد معرفة يظبطك فى الشغل و الدورات بعدين مقدور عليها

**diablo1231** · 19-05-2013 11:14 AM

بص يا باشمهندس انا في بكلريوس جهرباء باور زيك بس انا هندسة حلوان اولا من كلام ناس كتير اوي ان الكورسات مش بالأهمية الكبيرة اوي اللي احنا كنا فاكرينها بمعني ان الأهم من كده هي الناحية العلمية و العملية ليك بمعني انك لو انا و انت بنقدم في شركة بتشتغل في البروتكشن و انت خدت كورس وانا لأ بس انا مشروعي في البروتكشن و ملم بمعلومات كتير و خبرات , اللي هيفرق هو مدي معرفة كل واحد فينا مش الكورس و مش معني كده انك متاخدش كورس لأ اسعي فيه بس تستفاد منه صح .

نيجي بقي للكورسات دلوقتي في مجالات كتير في تحكم حماية توزيع .... لو تحب تاخد كورسات عامة تقدر في مجال التحكم تاخد كورس بي ال سي اس 200 او 300 الفرق بينهم في اعداد الدخل و الخرج و البروسسيسينج و كلام كده يعني , تقدر تاخد سكادا و dcs و دول هيفيدوك في شغل المحطات و التحكم في الشبكات الكبيرة و كدة
في مجال التوزيع تاخد كورس ديستريبيوشن و ده بيتكلم عن توزيع احمال الاضاءة و السوكتس و حسابات الشورت سيركت و كلام كده هيفيدك في شغلك كتير و الكورس سهل و ممتع و معاه تاخد كورس اوتوكاد عشان تعرف تدايزن في اللوحة .
في مجال البروتكشن بصراحة انا استفدت من مشروعي جدا و من مرجع بتاع دكتور الجيلاني تقدر تتعلم منه لأن بصراحة مسمعتش عن حد بيدي كورس محترم في الحماية .

ربنا معاك و اتمني اكون افدتك !