TEST DRIVE : Daewoo Lanos 2
2004 74000KM 1500CC

التجربة قديمة نوعا ما..واللي عايز يفكرني بعد كده بسؤال عن اي حاجة...انا تحت امره..

نظرة اولي:
شكل خارجي مقبول..واكتر حاجة عجبتني انه مش متقلد..حاجة من دايو من غير اي سرقة...انسيابية نوعا ما والشبكة مبتكرة من شكل شعار دايو...ولكنه في النهاية شكل مقبول ليس الا....الصاج جيد (اقوى من الاكسنت)..و تقفيل العربية جيد نوعا ما..وانكان كل ده بقى قديم موت...ثبات الشكل طول الفترة دي دون اي تعديل بسيط يبعث على الملل...الارتفاع عن الرض جيد...

من الداخل...تابلوه كئيب والعزل على قده...والشكل العام الداخلي مش قد كده...تحسه ناشف شوية و الدريكسيون اسوا نقطة فيه...(العدادات واضحة) والتنجيد معفن شوية :mrgreen: الخامات متوسطة..وان كان كله متين اجمالا....
(آراء شخصية)

الاداء:
الانوس معروفة بطول عمر مواتيرها..(والله شفت واحدة عاملة350000كم ولسة الموتور زي الفل بس صيانة هايلة)...والتسارع في البدايةمش عالي...بس بتفتح بعد كده...التكييف جيد نوعا ما.. بيأثر على الموتور بشكل ملحوظ ولكن مش مميت (الجوليت افضل) ادوات القيادة خشنة نوعا ما...الفتيس تقيل نوعا ما..والباور برضه مش ناعم...لكن الثبات على الطريق جميل بس لغاية ال160..وبعد كده بختك يا ابو بخيت :mrgreen: و معاك الرب :mrgreen: ...العفشة ناشفة نوعا ما...و ده بيديها قوة احتمال....استهلاك بنزين معقول
ظهرت مشكلة العزل في الحر..اطفي التكييف 10 ثواني...تتشوي على طول...ويمكن ده سبب ضعف التكييف فيها..

اضافة جميلة:
ممكن استبدال المساعدين بمساعدين غاز...تحصل على تعليق جميل موووت و متحسش بالارض

كلام مش ظريف:
التوكيل واخد سمعة بشعة...ايه ده؟؟ و قطع الغيار يقال انها مش معمرة قوي..و يقال ان اعطالها من التوع التسلسلي...مشكلة بتجر مشكلة=(لمما بتفتح بقها مبتقفلوش)

السعر=مناسب

ملاحظة من المالكين الجدد:
الموديلات الاقدم...كان تقفيلها افضل...و عيوبها اقل

الخلاصة:

سيارة اقتصادية...اداء جيد...شكل قديم...و تحل الفيرنا مكانها بكل تأكيد