الموضوع: هل ستر العورة فطرة مبعثها الحياء ام انها لضرورات قد تختلف من الرجل الى المرأة؟

المشاركة الأصلية كتبت بواسطة alexaway

طبعا في مسألة الدين الاسلامي والتعري الكلام مفروغ منه ومفيش نقاش والاعضاء كفوا واستفوا فى الاستشهاد بالايات القرانية
اما بقي لو اتكلمنا علمي
فالسؤال اللي طرحه صاحب الموضوع واللي جاوب عليه بطريقة معكسوة ومحاولة ايصال ان فطرة الانسان هي هي الصور الاخري التي نراها فى الاطفال الصغار اللي بيغطي فيها علي عكس ما يقال ان الفطرة موجودة فى المجتمعات البدائية العراة .
فدا تدليس لان ببساطة الاطفال الصغيرة دي اهلها ربوها من اول يوم ولادة ان المناطق دي عيب والمفروض متبنش وعلشان كدا لما الطفل بيشوف العيب بيحاول يغطيه او يداريه لانه اتعلم انه عيب مش علشان فطرة , والدليل ان نفس الاطفال دول فى المجتمعات البدائية زي الامازون مثلا الطفل بتولد وبيمشي عريان عادي ومفيش اي مشاكل , كلامك يبقي صحيح لو جبنا طفل من الاطفال بتوع الامازون وحطناه فى موقف زي دا لو عمل زي الاطفال وحاول يغطي المناطق العارية يبقي انت صح انما لو شاف المناطق العارية دي شئ عادي ومستغربش يبقي الفطرة هي العري مش العكس .
تاني مرة انا بتكلم فى السؤال اللي طرحه العضو مش بتكلم فى الحلال والحرام اللي شرعة ربنا فاللي حيرد عليه يرد من الجزء العلمي .
تحياتي للجميع

انا طبعا مش مقتنع بكلامك حضرتك...دا تدليس برضه...علشان الاطفال الصغيرة بتوع الامازون اهاليهم ربوهم على إن التعري مش عيب...الفطرة لا يمكن قياسها علميا إلا لو جبنا اطفال وعاشوا بعيدا عن كل المؤثرات ونشوف هايتصرفوا ازاي بعد كام سنة..ودا مستحيل عمليا طبعا. وبما إن الفطرة يستحيل قياسها فأنا مع الشق العقائدي فيه...بس عموما انا معجب بشجاعتك في الاختلاف في موضوع تقريبا متقفل علشان الطابع العقائدي هذا وانا عموما احترم الرأي الآخر حتى وإن لم اقتنع به

برضة وجهة نظر...لكن لا يمكن قياسها ايضا.... صح الانسان بيتولد عاري..لكن لربما الانسان البدائي لما تتكشف له سؤاته فيدور على تعديل (مصطلح حضرتك وانا مقتنع به)..ويعمل مخرجات وبعدين يقرف من المنظر..او يتعرض لظروف بيئية مثل البرد او المطر فيدور على غطاء ما مع الاحتماء في الكهوف وتشغيل النار... او يتعرض لظروف مرضية لأن اماكن مثل العانة والشرج والاعضاء التناسلية هي في الحقيقة مرتع لملايين الانواع من مسببات الامراض من الحشرات للبكتريا والفيروسات....وبعد شوية يبقى منظره عاريا غير عملي وغير منطقي..وبالتالي يبحث عن تعديل من اجل الوصول إلي الشكل الأكثر عملية وفقا لما توصل إليه عقله وتجاربه..فيكون هذا التعديل نحو الفطرة. فتكون الفطرة هي التفكير والتصرف السليم وليس الاستسلام للطبيعة..وكلامي هذا ايضا وجهة نظر لا يمكن قياسها

والحقيقة اطفال الامازون غير بعيدين عن المؤثرات الاسرية والعائلية لقومهم بالضرورة...

بدون ما نقلب الموضوع لبحث علمي وعرض مقالات وكدا...كلام حضرتك مطروح فعلا كفرض علمي ووجهة نظر في تحليل تطور الانسان من الانسان البدائي إلى الانسان الحضاري..وكلامي ايضا مطروح كفرض علمي مختلف مبني على مشاهدات اثار الحضارات الاقدم على الارض (الفرعونية والسومارية)

تحياتي مرة اخرى

حلو احنا وصلنا لنقطة مشتركة فعلا... المشكلة إن الناس فاكرة إن الفطرة هي كما ولدتنا امهاتنا...في حين ان الفطرة هي التفكير السليم المنطقي العملي common senseيعني ماحدش يبحث عن الله وفي الآخر يعبد فأر او بقرة ويقول انها رموز...دا مش منطقي...مش فطرة ابدا التفكير دا.. الحوار فعلا بيجيب نتيجة يا مولانا :-)...الحوار طبعا مع واحد مثقف وحضاري زي حضرتك