هل ستر العورة فطرة مبعثها الحياء ام انها لضرورات قد تختلف من الرجل الى المرأة؟

**abogogo** · 18-05-2013 06:37 PM

في أوروبا هناك بعض الأشخاص يمارسون نمط العيش الطبيعي أي أنهم يذهبون إلى منتجعات الناس فيها كلهم عراة ـ لا يلبسون شيئا ـ وفي ايمانهم ان هذة هي الفطرة التي خلق الله عليها الإنسان ويستندون لفكرهم المختل هذا بأن كثيرا من الشعوب البدائية التي تعيش في إفريقيا واستراليا والأمازون لا تتستر....!!! وأن لو كان أحد على هذا الكوكب على الفطرة فهم أولئك القوم، لأنهم لا يزالوا يعيشيون وسط الطبيعة

تلك الشعوب البدائية فهي على خلاف فطرة أبويها ـ آدم وحواء ـ عليهما السلام، ومما يدل على كذب وادعاء هؤلاء المتحججون بفعل تلك الشعوب البدائية أنهم لا يوافقوهم إلا في التعري فقط ويخالفوهم ويمتنعوا على مجارتهم في أمورهم الحياتية الأخرى ـ الصحية والغذائية ونحو ذلك ـ ولو كانوا محقون في أن سبب تعريهم هو نمط العيش الضيق الذي يملكه هؤلاء لفعل مثلهم في كل شيء، لأنهم هم الطبيعيون الذين لا يزالون على الفطرة وغيرهم شواذ ـ كما يزعمون ـ فتلك الشعوب المتخلفة، إنما تصور حالة شاذة من البشرية المنحدرة في فطرتها وعلى ذلك، فلا يصح اعتبارها صورة للفطرة الإنسانية السوية، بل هي انتكاسة إلى الفطرة الحيوانية وتعبير عن حالة مزرية من التخلف والانحطاط في مختلف أمور الحياة ـ بما في ذلك أمور اللباس وغيرها.

لما أكل آدم من الشجرة المحظورة ظهرت سوأته هو وحواء فسترا العورة بورق الشجر....فستر العورة فطرة مبعثها الحياء حيث ان الفطرة : هي ما فطر الله تعالى عليه الإنسان.
ولا شك أن الإنسان مفطور على التستر، كما ورد في قصة آدم وزوجه حينما سارعا إلى تغطية سوآتهما، قال تعالى:( فَلَمَّا ذَاقَا الشَّجَرَةَ بَدَتْ لَهُمَا سَوْءَاتُهُمَا وَطَفِقَا يَخْصِفَانِ عَلَيْهِمَا مِنْ وَرَقِ الْجَنَّةِ ) {الأعراف: 22}.

فهذا هو الإنسان الأول المفطور على ستر العورة

**monamize4** · 18-05-2013 06:47 PM

ايه الكلام الكبير دا ,,,

بس فعلا اخر صورة بتعبر كويس عن الفطرة

**A7MED_PHARMA** · 18-05-2013 07:01 PM

وده بياخدنا لموضوع تاني
ستر العورة..مش هو بس اخفاء الاجزاء التناسلية
ستر العورة.. ستر الجسم
اناماتخيلش نفسي-كإنسان سوي طبيعي- أكون ماشي والناس بتبص لأجزاء في جسمي
طيب مابالنا بالنبات والستات
الي فاتحين ملابسهم..ومديقين على اجسامهم
الستات دول ماشيين عكس الفطرة بثبات
وقارفين الشباب معاهم
وحسبي الله ونعم الوكيل

**monamize4** · 18-05-2013 07:33 PM

المشاركة الأصلية كتبت بواسطة a7med_pharma

وده بياخدنا لموضوع تاني
ستر العورة..مش هو بس اخفاء الاجزاء التناسلية
ستر العورة.. ستر الجسم
اناماتخيلش نفسي-كإنسان سوي طبيعي- أكون ماشي والناس بتبص لأجزاء في جسمي
طيب مابالنا بالنبات والستات
الي فاتحين ملابسهم..ومديقين على اجسامهم
الستات دول ماشيين عكس الفطرة بثبات
وقارفين الشباب معاهم
وحسبي الله ونعم الوكيل

لا يا باشا دى مش اسمها مشى عكس الفطرة دى اسمها *&^%$
(فى نسبة منهم بيبقوا عارفين انهم بيعملوا حاجة غلط بس بيصروا على كدة لكذا سبب)

**miceg** · 18-05-2013 07:38 PM

اللهم استر عوراتنا وآمن روعاتنا

**مزمار وحيد** · 18-05-2013 07:41 PM

دعوة لخلع الملابس

وبعدين فى الاعضاء الواعيه كل شويه واحد يسأل سؤال مهم جدا يجعل من المستحيل عدم وضع الرأى كاجابة للسؤال

على العموم أخي الكريم بالتأكيد السؤال في محله والاجابه سبق بها الاعضاء بالتاكيد هي فطره غرسها الله عز وجل فى النفوس وهي كذلك سنة الله للعباد حتي يعيش الجميع حياه شريفة لا يعتدي احد على الأخر تمام مثل الزنا الذى حرمه الله حتي يكون الانسان طاهر عفيف وكذلك الخمر الذى يفقد الانسان عقله ويجعله اشبه بالحيوان لا يري إلا الشهوات أكل وجنس فقط

واليوم في الواقع الاليم المرير نري الجميع اذا أطاع هواه ورغباته يحارب الفطره بقوة ولكن بعد مؤامرة خبيثة ودنيئه في نشر العري والفساد بيننا حتي لا يكون لنا نهوض ابدا وأتذكر كلمة جميل راتب في فيلم الكيف وهو بقول ليحيي الفخراني أن الكيف والمزاج هما إلى بيجيبو الفلوس من الزبون أى أن شهوات الانسان عندما تتملك منه تجعله يفعل أي شى لإرضاء نفسه

واذا عدنا بالذاكره قليلاً مع بدايه ظهور الستالايت والموبايل تقريبا عام 2000 كانت هي اللحظة الفارقة التي حولت الكثير من الشعب المصري المسلم والمسيحي الشرقي المتدين المتمسك بالعادات والتقاليد التي تضمن للجميع حياه طاهره شريفة

وأصبحنا اليوم علي جميع وسائل الاعلام نري دعوة صريحة لخلع الملابس ومع الاسف الكثير يستجيب لها فإما أن يقوم هو (ذكر) بخلع الاخلاق والتفكير الشهواني في كل ما حوله وإما أن تقوم (هي) فى البدايه بتخفيف الملابس ثم بعد ذلك خلع الاخلاق تماما والبحث عن الشهوات أيضا وهذا صنف وهو شديد الخطورة

وهناك صنف أخر فنجد أب أو أم قصروا في تربية الاولاد ثم الان يسمحون لهم ببعض التحرر الذي يتحول سريعا لتحرر كامل وكأن ليس هناك حساب من الله

وهناك صنف أخر متعري بطبعه وبداخله نفس منحطه يترك نفسه واهله للهوي فنرى ذكر وليس رجل يسير فى الشارع مع أهل بيته من السيدات أو البنات وهم تقريبا أشبه بالعراه تماما

وبالتاكيد هناك أصناف أخري كثيرة بيننا

وفي النهايه كما قال الشيخ الشعراوى رحمة الله عليه أن أهل الفساد يحبون أن يكون الجميع مثلهم أي أنهم يحبون للناس ما يحبون لأنفسهم وهي صفة خير ولكن جاءت فى الشر والهوى

أشكر صاحب الموضوع على التمييز فى طرح السؤال
وأعتذر علي الاطاله رغم ان هناك كلام كثير

**مزمار وحيد** · 18-05-2013 08:10 PM

الموضوع منقول من منتدي اخر للافادة

حياتنا نظرة مستقبلية انحطاطية عابرة !!!

القصة دى انا كتبتها من حوالى 6 سنين بس جيت ابحث عنها لقيت الموضوع بتاعها فاضى

على العموم انا قررت احطها تانى يمكن تعجبكم

....

هذه ليست قصتى ... هذه قصتنا جميعا ... انها عبارة عن وصف مختصر لما نمر به من انحطاط اخلاقى عجيب في مجتمعنا

لم استطع السكوت .. فقررت ان اخط هذه الكلمات لعلها تزيح ما فى صدرى

اتمنى ان تكون مجرد كلمات وتخيلات فقط و ان لا تتطور الى وقائع

الزمان : سنة 1995 م

المكان : جمهورية مصر العربية/ البيت بتاعى

الحدث : قاعد انا واصحابى بنلعب صلح فى الاوضة بتاعتى و بنشرب لبن و مشغلين التليفزيون بنشوف كرتون سلاحف النينجا .. قمت احول القناة بعد ما الكرتون خلص لقيت واحدة بتغنى .. اتقرفت اوى فحولت القناة ......

الزمان : سنة 2000 م

المكان : جمهورية مصر العربية/ القهوة اللى على الشمال وانت داخل من على ايدك الشمال ( المكان كل الناس

عارفاه مش محتاج توضيح ... دى قهوة يعنى واكيد كله عارف المكان )

الحدث : قاعد بعلم استيميشن (كوتشينة ) مع العيال اصحابى وبشرب شاى و الدنيا كانت دوشة اوى حولينا ... فجأة الصمت ساد المكان ... بصيت

حولينا لقيت كل الشباب مبحلقين ف التليفزيون ... بصيت لقيت قناة اغانى شغالة وفى واحدة واقفة ورجليها باينة ...طبعا استغربت جدا .. ازاى منظر زى دة يطلع ف قناة عربية حاجة غريبة فعلا .. وكل الشباب قاعد متنح .....

الزمان : سنة 2005 م

المكان : جمهورية مصر العربية/ نفس القهوة اللى على الشمال و انت داخل من على ايدك الشمال

الحدث : برده قاعد بلعب استيميشن مع نفس العيال اصحابى بس كنت بشرب بيبس وبشد نفس من حجر الشيشة ... بصيت على التليفزيون لقيت مشهد غريب اوى .... مش هتصدقوا لقيت ايه ؟

لقيت واحدة بترقص ونص جسمها عريان ... ازاى الكلام دة يحصل ؟؟!! لازميبقى فى وقفة تجاه الاعلام ... ولازم ولازم ولازم و.......

الزمان : سنة 2015 م

المكان : جمهورية مصر العربية/ قهوة تانية غير الاولانية اصل القهوة القديمة اتهدت ( فعلا حاجة تهد الحيل اللى بيحصل ف التليفزيون دة )

الحدث : قاعد مع نفس العيال اصحابى وعمال اشد ف انفاس من سيجارة البانجو بس مش عارف ليه صدرى وجعنى ( الظاهر انها كانت مضروبة )

بس المرة دى مكناش بنلعب استيميشن .. كنا بنلعب بوكر وقمار و حاجات تانية كتير من النوع المصرح بيه على القهاوى

فجأة لقيت واحدة ف التليفزيون مش لابسة هدوم ... طبعا استغربت ... بس مش اوى يعنى ...

الزمان : سنة 2025 م

المكان : جمهورية مصر العربية/ قاعد فى بار لسه فاتح ف المنطقة

الحدث : قاعد مع نفس العيال (انا خلاص زهقت منهم ) بنلعب فى مناخيرنا و فى .. ولا بلاش ( اصل جميع انواع الالعاب خلصناها ) وطلبت من النادل انه يملى لى كباية الويسكى للمرة السابعة بصيت على التليفزيون لقيت بنت عريانة ... مستغربتش طبعا لان دة شىء عادى جدا ... بس لقيت جنبها راجل عريان ملط ... ساعتها بقى استغربت لان الراجل كان ............ ( يللا بقى هيروح من ربنا فين!! ) .....

الزمان : سنة 2030 م

المكان : جمهورية مصر العربية( على ما اعتقد ) / ماشى فى الشارع

الحدث : و انا واقف عريان على الناصية لوحدى ( اصل العيال اصحابى جالهم شلل من اللى بيحصل )

بصيت لقيت ....... ( مش هتكلم بقى ... كل واحد يفهم اللى عايز يفهمه )

الزمان : سنة 2007 م

المكان : جمهورية مصر العربية/ ف البيت بتاعى

الحدث : قاعد بكتب الموضوع دة و انا بفكر فى الحياة هتبقى ازاى بعد 5 سنين او 10 سنين .. وبدعي ربنا انه يسترهاعلينا دنيا وآخرة

فجأة و انا بكتب واحد من العيال اصحابى كلمنى وقاللى : " يللا بينا ننزل القهوة نلعب استيميشن "... للاسف كسفته وقلتله :

" خلاص بس دى اخر مرة هنزل القهوة اصلى مبقيتش بروح قهاوى "
..........

.................................................. ....................

.................................................. .......

...........................................

............................

هل سنستطيع ان نصلح من انفسنا قبل فوات الاوان ام .. ؟؟!!

سلام بقى عشان نازل رايح القهوة

الموضوع: هل ستر العورة فطرة مبعثها الحياء ام انها لضرورات قد تختلف من الرجل الى المرأة؟

LinkBack

أدوات الموضوع

عرض

هل ستر العورة فطرة مبعثها الحياء ام انها لضرورات قد تختلف من الرجل الى المرأة؟ - انشر الموضوع فى :

-

-

-

المواضيع المتشابهه

الرجل أفضل من المرأة فى ركن السيارة (بلا تحيز )

بين الرجل و المرأة

كيف يسعد الرجل المرأة

كيف يسعد الرجل المرأة

كيف يسعد الرجل المرأة .. وتسعد المرأة الرجل ..!

الكلمات الدلالية لهذا الموضوع

المفضلات

المفضلات

ضوابط المشاركة